ཚེས་25ཉིན་གྱི་སྔ་དྲོར། “ཁམ་བུའི་མེ་ཏོག་མཚམས་སྦྱོར་དུ་བྱེད་པ་དང་དུས་སྟོན་གྲོགས་སུ་བསྟེན་པའི”བརྗོད་དོན་གཙོ་བོའི་ལྷ་ཉིང་རིག་གནས་ཡུལ་སྐོར་ཁྲོམ་རའི་ཚོང་གཉེར་མནའ་འབྲེལ་གྱི་བཞུགས་མོལ་ཚོགས་འདུ་ལྷ་སར་འཚོགས་པ་རེད། ཚང་མས་རིག་གནས་ཡུལ་སྐོར་ཁྲོམ་རའི་ཚོང་གཉེར་མནའ་འབྲེལ་འཛུགས་པ་ནི་ཐོན་ཁུངས་བསྡུ་སྒྲིལ་དང་ས་ཁོངས་རིག་གནས་ཡུལ་སྐོར་མཐུན་སྦྱོར་འཕེལ་རྒྱས་གཏིང་ཟབ་གཏོང་བའི་བྱེད་ཐབས་གལ་ཆེན་ཞིག་ཡིན་པ་དེས་ལྷ་ཉིང་རིག་གནས་ཡུལ་སྐོར་ཐོན་ལས་ཀྱི་ཁྲོམ་རའི་གསོན་ཤུགས་དང་གསར་གཏོད་སྒུལ་ཤུགས་སྔར་བས་འདོན་སྤེལ་ཐུབ་པའི་ངོས་འཛིན་མགྲིན་གཅིག་ཏུ་བྱས་པ་རེད། རང་སྐྱོང་ལྗོངས་རིག་གནས་ཡུལ་སྐོར་ཐིང་དང་། ལྷ་ས་གྲོང་ཁྱེར་རིག་གནས་ཡུལ་སྐོར་ཅུས། ཉིང་ཁྲི་གྲོང་ཁྱེར་རིག་གནས་ཡུལ་སྐོར་ཅུས། ཉིང་ཁྲིའི་རྫོང（ཆུས་དང་གྲོང་ཁྱེར）ཁག་གི་རིག་གནས་ཡུལ་སྐོར་ཅུས། རང་སྐྱོང་ལྗོངས་ཡུལ་སྐོར་མཐུན་ཚོགས། ཉིང་ཁྲི་ཡུལ་སྐོར་མཐུན་ཚོགས་བཅས་ཀྱི་འབྲེལ་ཡོད་འགན་འཁུར་བ་དང་དེ་བཞིན་ལྗོངས་ནང་ཁུལ་གྱི་ཡུལ་སྐོར་ལས་དོན་ཁང་གི་འབྲེལ་ཡོད་འགན་འཁུར་བ་30ལྷག་ཙམ་ཚོགས་འདུར་ཞུགས་པ་རེད།

ཤེས་རྟོགས་བྱུང་བར་གཞིགས་ན། འདི་ལོའི་ཉིང་ཁྲིའི་ཁམ་བུའི་མེ་ཏོག་ཡུལ་སྐོར་རིག་གནས་དུས་ཆེན་གྱིས“ཁམ་བུའི་མེ་ཏོག་གི་ངོ་མཚར་ཆེ་བའི་ཉམས་སྣང་། རྫོང་དང་། ཆུས། གྲོང་ཁྱེར་བཅས་ཀྱི་དམངས་སྲོལ་དང་ཡུལ་སྲོལ་གྱི་འགྲེམས་སྟོན”དང་། “ཉིང་ཁྲིའི་ཁམ་བུའི་མེ་ཏོག་རྟགས་ཅན་གྱི་བརྩེ་དུང་བརྗོད་དོན་གཙོ་བོར་བྱས་པའི་མཁའ་ལམ་གྱི་གནམ་གྲུ་ཐོག་མ” “མེ་ཏོག་གི་རྒྱ་མཚོ་སྐོར། གར་ཉམས་ཀྱིས་ཕྱུག་པའི་ཉིང་ཁྲི”“མངོན་མིན་རིག་གནས་ཤུལ་བཞག་གི་རྒྱན་སྤྲས་རླངས་འཁོར་གྱི་སྐོར་སྐྱོད”སོགས་ཀྱི་བྱེད་སྒོ་ཁག་18གསར་དུ་ཁྱབ་གདལ་བཏང་ཡོད།