འདི་ལོའི་ཚུན་དུ་ནག་ཆུ་གྲོང་ཁྱེར་གྱིས་རྩྭ་ཐང་གི་མེ་ཟོན་ལས་དོན་ལ་ཤུགས་སྣོན་བརྒྱབ་ནས“མིའི་འགོག་ཟོན་དང་བྱ་ཐབས་ཀྱི་འགོག་ཟོན་ཟུང་འབྲེལ”མ་ལག་བཙུགས་ཏེ་ཕྱོགས་མང་དང་རིམ་པ་མང་བའི་མེ་སྐྱོན་ལྟ་ཞིབ་ཚད་ལེན་དང་སྔོན་ཚུད་ནས་ཉེན་བརྡ་གཏོང་ཐུབ་ནས་རྩྭ་ཐང་གི“མེ་ཟོན་གྱང”བརྟན་པོ་བསྐྲུན་པ་རེད།

ཟླ་དྲུག་པར་ནག་ཆུ་གྲོང་ཁྱེར་གྱིས་མ་དངུལ་སྒོར་ཁྲི་2935ལྷག་ཙམ་བཏང་ནས་སྦྲ་ཆེན་དང་། སྙན་རོང་། དཔལ་མགོན། སོག་རྫོང་བཅས་ཀྱི་རྩྭ་ཐང་མེ་སྐྱོན་གྱི་ཉེན་ཁ་ཆེན་པོའི་མེ་ཟོན་གྱི་སྔོན་ཚུད་ཉེན་བརྡའི་ལྟ་ཞིབ་ཚད་ལེན་མ་ལག་རྣམ་གྲངས་བཙུགས་པ་དང་། སྔོན་ཚུད་ཉེན་བརྡའི་ལྟ་ཞིབ་ཚད་ལེན་གྱི་ཚོར་སྐྱེན་མ་ལག་25དང་རྫོང་རིམ་པའི་བཀོད་འདོམས་སྔོན་ཚུད་ཉེན་བརྡའི་བཀོད་གཏོང་ལས་སྟེགས་4བསྐྲུན་པ་མ་ཟད། འབྲི་ཆུའི་འགག་གསུམ་གྱི་རྒྱལ་ཁབ་སྤྱི་གླིང་ས་ཁོངས་ཀྱི“གནམ་སའི་བར་མཐོངས”ལྟ་ཞིབ་ཚད་ལེན་མ་ལག་དང་རྒྱལ་ཁབ་ནགས་ལས་དང་རྩྭ་ཐང་ཅུས་ཀྱི་གྲངས་གཞིའི་ལྟེ་གནས་དབར་འབྲེལ་མཐུད་བྱས་པ་རེད།

དེང་སྐབས་ཀྱི་ཚན་རྩལ་ལག་རྩལ་གང་ལེགས་སྤྱད་ནས་ནག་ཆུ་གྲོང་ཁྱེར་གྱི་རྩྭ་ཐང་མེ་ཟོན་ལྟ་ཞིབ་ཚད་ལེན་གྱི་སྔོན་ཚུད་ཉེན་བརྡའི་ནུས་པ་ཆེ་རུ་ནུས་ལྡན་བཏང་ཞིང་། བཙུགས་ཟིན་པའི་རྩྭ་ཐང་གི་མེ་ཟོན་སྔོན་ཚུད་ཉེན་བརྡའི་ལྟ་ཞིབ་ཚད་ལེན་མ་ལག་གིས་རྩྭ་ཐང་མེ་སྐྱོན་གྱི་གནས་ཚུལ་སྐབས་བསྟུན་ལྟ་ཞིབ་ཚད་ལེན་བྱ་རྒྱུ་དང་དུས་འགོའི་མེ་སྐྱོན་གནས་ཚུལ་གྱི་ཞིབ་འཇུག་བརྡར་གཅོད་དང་ཐག་གཅོད་ཐུབ་པར་བྱ་རྒྱུ་ཡིན་པ་རེད།