-
ཁོ་ར་ཁོར་ཡུག་མཛེས་ལྗོངས་ཡིད་དུ་འོང་། ཉེ་རྒྱང་གང་སར་སྔོ་ལྗང་སྐྱེད་མོས་ཚལ།
—— འཕེལ་རྒྱས་དང་ཁོར་ཡུག་སྲུང་སྐྱོང་གཉིས་ལེགས་ཀྱི་སྤྱི་གླིང་གྲོང་ཁྱེར་ལྷ་ས།
-
ཡོང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ། | སྤེལ་དུས། 2024-12-07
གཙང་འགྲམ་སྤྱི་གླིང་།
ནོར་བུ་གླིང་ཁ།
ནོར་བུའི་སྤྱི་གླིང་།
ནོར་བུའི་སྤྱི་གླིང་།
ནོར་བུ་གླིང་ཁ།
ལྷོ་རིའི་སྤྱི་གླིང་ནས་ཕོ་བྲང་པོ་ཏ་ལར་རྒྱང་ལྟ་བྱེད་པ།
ཉེ་བའི་ལོ་ཤས་རིང་། ལྷ་ས་གྲོང་ཁྱེར་གྱིས་སྐྱེ་ཁམས་ཁོར་ཡུག་སྲུང་སྐྱོང་ལ་སྐུལ་འདེད་རྒྱུན་སྲིང་ལྷོད་མེད་བཏང་ནས་ཉིན་བཞིན་ཆེ་རུ་འགྲོ་བའི་མི་དམངས་ཀྱི་མཛེས་སྡུག་ལྡན་པའི་སྐྱེ་ཁམས་ཁོར་ཡུག་གི་དགོས་མཁོ་བསྐངས་ཡོད། ལྷ་ས་གྲོང་ཁྱེར་གྱིས་སྤྲོ་གསེང་སྤྱི་གླིང་མང་པོ་ཞིག་གཅིག་རྗེས་གཉིས་མཐུད་ངང་གསར་དུ་བསྐྲུན་ནས་སྨི་500ཡི་སར་མཛེས་ལྗོངས་ཤིག་ཡོད་པ་དང་། སྒོ་འགྲམ་དུ་སྤྱི་གླིང་ཡོད་པ། རིང་ཤོས་ལ་སྨི་300ཙམ་བསྐྱོད་ཚེ་སྤྲོ་གསེང་ལུས་སྦྱོང་བྱ་ཡུལ་གྱི་དེང་རབས་འཚོ་བའི་བར་ཁྱམས་ཤིག་ཏུ་སླེབས་ཀྱི་ཡོད།
ལྷ་ས་གྲོང་ཁྱེར་དུ་སྤྱི་གླིང་ཆེ་ཆུང་མང་དུ་འགྲོ་བ་དང་སྔར་བས་མཛེས་སྡུག་ལྡན་པར་གྱུར་པ་དང་བསྟུན་ནས་མི་རྣམས་ཀྱི་གདམ་ག་ཡང་མང་དུ་འགྲོ་བཞིན་ཡོད། སྤྱི་གླིང་ཇི་ཙམ་ཆུང་ཡང་བསིལ་ཁང་དང་ལུས་སྦྱོང་རྐང་ཐང་ལམ་སོགས་སྒྲིག་བཀོད་གང་དགོས་ཆ་ཚང་སྒྲིག་སྦྱོར་བྱས་ཡོད་པས། གྲོང་མིའི་སྤྲོ་གསེང་རོལ་རྩེད་དང་གྲོང་ཁྱེར་གྱི་ཁོར་ཡུག་མཛེས་སུ་གཏོང་བའི་དགོས་མཁོ་ཟམ་མི་ཆད་པར་བསྐངས་ནས་གྲོང་མིའི་བདེ་སྣང་སྔར་བས་ཆེ་རུ་ཕྱིན་ཡོད། ལྷག་པར་དུ་ནོར་བུ་གླིང་ཁ་དང་། ལྷ་སའི་གཙང་འགྲམ་སྤྱི་གླིང་། ལྷོ་རིའི་སྤྱི་གླིང་། ཀྲུང་ཧྭ་རིག་གནས་སྤྱི་གླིང་སོགས་ལྷ་སའི་མི་འཛོམས་མང་ཤོས་ཀྱི་སྤྱི་གླིང་གྲགས་ཅན་དག་ལ་ཡུལ་སྐོར་བ་དང་ཉེ་འཁོར་གྲོང་མིས་ཧ་ཅང་དགའ་པོ་བྱེད་ཀྱི་ཡོད།
དྲོ་འཇམ་ཉི་འོད་ཆུ་འཛིན་གསེབ་ནས་སྤྱི་གླིང་གི་ལྗོན་པའི་ལོ་འདབ་དང་ཡལ་ག་དག་ལ་འཕྲོ་སྐབས་མི་རྣམས་ལ་དྲོ་སྐྱིད་ལྡན་པའི་སྣང་བ་ཞིག་ངང་གིས་སྟེར། སྤྱི་གླིང་ནི་གྲོང་ཁྱེར་གྱི་གློ་བ་དང་མིང་བྱང་ལྟ་བུ་ཡིན་པ་དང་། སྤྱི་གླིང་གྲོང་ཁྱེར་ནི་ལྷ་སའི་ཡིད་དབང་རབ་ཏུ་འཕྲོག་པའི་མིང་བྱང་ཞིག་ཡིན་པ་དེས་མི་རྣམས་ལ་སྐྱིད་སྣང་དང་སྤྲོ་འཆམ་གྱི་འདུན་པ་ཟབ་མོ་སྦྱིན་གྱི་ཡོད། དེང་གི་ལྷ་སས་འཕེལ་རྒྱས་མྱུར་པོ་དང་ཁོར་ཡུག་མཛེས་པའི་བསམ་འདུན་གཉིས་ཀ་དུས་གཅིག་ཏུ་འགྲུབ་ཐུབ་པ་ཉིན་ལྟར་ར་སྤྲོད་བྱེད་བཞིན་ཡོད།