“ངའི་ད་ལྟའི་འཚོ་བ་སྐྱེལ་སྟངས་གྲོང་ཁྱེར་དང་ཁྱད་པར་མེད་ལ། འཚོ་བ་དེ་བས་སྐྱིད་སྣང་དོད་ཅེས་ཤོད་ཆོག ཁ་ལག་བཟོ་བ་དང་དྲོད་ལེན་བྱེད་པར་ལྕགས་ཐབ་སྤྱོད་དགོས་མེད་པས་ཁང་པ་གཙང་ཞིང་དཀར་ཆ་དོད་དུ་ཕྱིན་ཡོད། འོད་ཤུགས་དྲོད་རླངས་མཁོ་འདོན་བྱས་རྗེས་ཁང་པ་ཚང་མར་གློག་གི་དྲོད་ལེན་ལྕགས་ལེབ་བསྒར་བས་སྔོན་ཆད་དང་མི་འདྲ་བར་ཁང་པ་ཚང་མ་དྲོ་པོ་ཡོད་ལ། ད་ཆ་དྲོད་རླངས་ལ་བརྟེན་ནས་དྲོད་ལེན་ཐུབ་པས་འཚོ་བའི་སྤུས་ཚད་ཀྱང་མངོན་གསལ་དོད་པོས་ལེགས་སུ་ཕྱིན་ཡོད།

ཚེ་གཡང་གི་སྡོད་ཁང་གི་ཁོར་ཡུག་ལེགས་སུ་ཕྱིན་པ་དེ་སྙན་རོང་རྫོང་གི“ཐཱན་མེད”མཛེས་སྡུག་ལྡན་པའི་གྲོང་གསེབ་ཀྱི་ཚོད་ལྟའི་འཛུགས་སྐྲུན་རྣམ་གྲངས་ལག་བསྟར་བྱས་པ་ལས་བྱུང་བ་ཞིག་རེད། རྣམ་གྲངས་དེར་མ་དངུལ་སྒོར་ཁྲི་300བཏང་ནས་གཙོ་བོ་དུད་ཚང་གི་ཁང་པའི་ཐོག་ཁར་འོད་ཤུགས་གློག་གཏོང་བསྒར་བ་དང་འབྲེལ། ནུས་གསོག་སྒྲིག་ཆས་སྒྲིག་སྦྱོར་བྱས་པས“འོད་ཤུགས་དང་ནུས་གསོག་ཟུང་འབྲེལ”གྱི་རྣམ་པ་ཞིག་ཆགས་ནས་འབྲོག་པ་མང་ཚོགས་ལ་གློག་ཤུགས“རང་འགུལ་རང་སྤྱོད་དང་དྲོད་གློག་མཁོ་འདོན”ལག་བསྟར་ཐུབ་སྟེ་གྲོང་ཚོར(གྲོང་ལྷན)ནུས་རྒྱུ་གཙང་མ་མཁོ་འདོན་བྱེད་ཤུགས་ཆེ་རུ་ཕྱིན་པ་དང་ལྗང་མདོག་ཐཱན་ཉུང་འཁོར་སྐྱོད་འཕེལ་རྒྱས་དང་མི་སྡོད་ཁོར་ཡུག་ལེགས་སུ་ཕྱིན་ནས་ལྗང་མདོག་གི་གྲོང་གསེབ་སྡེ་ཁུལ་འཛུགས་སྐྲུན་གྱི་དཔེ་མཚོན་བཏོད་ཡོད།

ཤེས་རྟོགས་བྱུང་བར་གཞིགས་ན། མི་སྡོད་ཁོར་ཡུག་སྔར་བས་ལེགས་སུ་གཏོང་བ་དང་མང་ཚོགས་ཀྱི་འཚོ་བའི་བདེ་སྐྱིད་སྟོན་གྲངས་མཐོ་རུ་གཏོང་ཆེད། སྙན་རོང་རྫོང་གིས“རྣམ་གྲངས་ལ་བརྟེན་ནས་མི་སྡོད་ཁོར་ཡུག་བཅོས་སྒྲིག་གི་སྤུས་ཚད་མཐོ་རུ་དང་ཕན་འབྲས་ཆེ་རུ་གཏོང་བའི”འདུ་ཤེས་གཞིར་བཟུང་། ཐབས་མང་མཉམ་སྤྱོད་དང་། བྱ་ཐབས་གསར་གཏོད། སྤྱོད་ཚུལ་སྒྱུར་བ། གནོན་ཤུགས་ཆེ་རུ་གཏོང་བ། བྱ་དགའ་དང་ཆད་གཅོད་ཀྱི་བྱ་ཐབས་དངོས་སུ་སྤྱོད་པ་བཅས་བྱས་ནས་མི་སྡོད་ཁོར་ཡུག་བཅོས་སྒྲིག་གི་སྤུས་ཚད་དང་ཕན་འབྲས་གཞི་རྩའི་ཆ་ནས་མཐོ་རུ་ཕྱིན་ཏེ་སྙན་རོང་རྫོང་གྲོང་དེ་ཉིད་རང་སྐྱོང་ལྗོངས་འཕྲོད་བསྟེན་རྫོང་གྲོང་ལ་བདམས་པ་དང་། ཁོངས་གཏོགས་ཀྱི་གྲོང་ཚོ(གྲོང་ལྷན)གཉིས་རང་སྐྱོང་ལྗོངས་འཕྲོད་བསྟེན་གྲོང་ཚོའི(གྲོང་ལྷན)གྲས་སུ་བདམས་ནས་གྲོང་གསེབ་དར་རྒྱས་ལ་ཁྱོན་ཡོངས་ནས་སྐུལ་འདེད་གཏོང་བ་དང་། ཞིང་ལས་དང་གྲོང་གསེབ་དེང་རབས་ཅན་མགྱོགས་སུ་གཏོང་བ། མཛེས་སྡུག་ལྡན་པའི་བོད་ལྗོངས་འཛུགས་སྐྲུན་བཅས་ལ་འདེགས་སྐྱོར་ནུས་ལྡན་ཐུབ་ཡོད།

“རྣམ་གྲངས+”ལ་བརྟེན་ནས་འཕེལ་རྒྱས་ཀྱི་ནང་སྐྱེས་སྒུལ་ཤུགས་སྐུལ་སྤེལ་བཏང་ཞིང་། མང་ཚོགས་ཀྱི་མི་སྡོད་ཁོར་ཡུག་བཅོས་སྒྲིག་གི་ཧུར་བརྩོན་རང་བཞིན་ལ་སྐུལ་སྤེལ་དང་མང་ཚོགས་ཀྱི་བདག་པོའི་འདུ་ཤེས་བརྟན་དུ་གཏོང་ཆེད། མི་སྡོད་ཁོར་ཡུག་བཅོས་སྒྲིག་ལས་དོན་ཁྲོད་སྙན་རོང་རྫོང་གིས་སྲིད་ཇུས་དྲིལ་བསྒྲགས་དང་བསམ་བློའི་སྣེ་ཁྲིད་ཀྱི་སྐུལ་ལྕག་ནུས་པ་འདོན་སྤེལ་ཧུར་ཐག་བྱས་ཡོད།

“རྣམ་གྲངས་+”ལ་བརྟེན་ནས་རྨང་གཞིའི་སྒྲིག་བཀོད་འཐུས་སྒོ་ཚང་དུ་བཏང་ཞིང་། འབྲོག་ཁུལ་གྱི་རྨང་གཞིའི་སྒྲིག་བཀོད་དང་སྤྱི་པའི་ཞབས་ཞུའི་འཕེལ་རྒྱས་ཀྱི་ཆུ་ཚད་མཐོ་རུ་གཏོང་ཆེད“ཞན་ཆ་སེལ་བ་དང་། ཉམས་ཞན་སྟོབས་ཆེར་གཏོང་བ། འཕེལ་རྒྱས་ལ་སྐུལ་འདེད”བཅས་ཀྱི་རྩ་དོན་གཞིར་བཟུང་། དལོ་གྲོང་གསེབ་འཛུགས་སྐྲུན་དང་མི་སྡོད་ཁོར་ཡུག་བཅོས་སྒྲིག་རྣམ་གྲངས་ཁག་11རེ་ཞུ་ལག་བསྟར་བྱས་པས། འབྲོག་ཁུལ་གྱི་རྨང་གཞིའི་སྒྲིག་བཀོད་ཀྱི་ཆ་རྐྱེན་སྔར་བས་ལེགས་སུ་ཕྱིན་ཡོད།

“རྣམ་གྲངས+”ལ་བརྟེན་ནས་ཁོར་ཡུག་འཕྲོད་བསྟེན་གཙང་སེལ་གྱི་གོམ་སྟབས་གསར་པ་སྤོས་ཤིང་། སྙན་རོང་རྫོང་གིས་མང་ཚོགས་ཀྱི་རང་འགུལ་རང་བཞིན་འདོན་སྤེལ་གང་ལེགས་དང“གཙང་སེལ་བཞི་དང་སྒྱུར་བཀོད་གཉིས”ཀྱི་ལས་དོན་ལ་ཁྱོན་ཡོངས་ནས་སྐུལ་འདེད་བཏང་ཡོད། ད་ལོ་ཚུན་དུ། ཤང(གྲོང་རྡལ)དང་གྲོང་ཚོ(གྲོང་ལྷན)ཁག་གི་མང་ཚོགས་མི་ཐེངས་10155སྐུལ་སློང་བྱས་ནས་གྲོང་ཚོར་གཙང་སྦྲའི་བྱ་སྤྱོད་ཐེངས་1005རྒྱུན་མཐུད་སྤེལ་བ་རེད།

“རྣམ་གྲངས+”ལ་བརྟེན་ནས་བསམ་པའི་ཉམས་འགྱུར་ལེགས་སུ་བཏང་ཞིང་། འབྲོག་ཁུལ་གྱི་གྲོང་ཚོའི་རྣམ་པ་དང་མང་ཚོགས་ཀྱི་བསམ་པའི་ཉམས་འགྱུར་ལེགས་སུ་གཏོང་ཆེད། སྙན་རོང་རྫོང་གིས་ཞིང་འབྲོག་པའི་རྣམ་པ་གསར་པ་གཏོད་པའི་བྱ་སྤྱོད་ཁྲོད་ནས་འགག་གནད་སྒྲོལ་ས་བཙལ་ཏེ“4+20+N”ཡི་རྣམ་པ་བཏོད་དེ། ཡ་རབས་སྲོལ་གསར་གཏོད་པ་དང་། གོམས་སྲོལ་ངན་པ་ཡོ་བསྲང་། གྲོང་སྲོལ་དམངས་ཆིངས་བཟོ་བ། ཕུལ་བྱུང་རིག་གནས་དར་སྤེལ། གྲོང་ཚོའི་རྣམ་པ་མཛེས་བཟོ། གཞི་རིམ་བཅོས་སྐྱོང་བྱེད་ཤུགས་ཆེ་རུ་གཏོང་བ་སོགས་ཕྱོགས་6ཐད་ཀྱི་ཞིབ་ཕྲའི་བྱེད་ཐབས་ཁག་23ཁ་གསལ་བཟོས་པ་རེད།