-
གཙོད་གནས་སྤོའི་གཏམ་རྒྱུད།
-
ཡོང་ཁུངས། མི་དམངས་ཉིན་རེའི་ཚགས་པར། | རྩོམ་པ་པོ། ཤིན་ཧྭ་གསར་འགྱུར་ཁང་གི་གསར་འགོད་པ། | སྤེལ་དུས། 2024-06-23
འདི་ནི་གཙོད་ཁྱུ་གཅིག་གིས་ཉེན་ཁ་ཡོད་པ་ཚོར་ནས་རྒྱུག་ཤར་གློད་བཞིན་པ།
འདི་ནི་བོད་ལྗོངས་ནག་ཆུ་གྲོང་ཁྱེར་ཉི་མ་རྫོང་ཁོངས་ཀྱི་བྱང་ཐང་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི“མི་མེད་ཁུལ”དུ་དོ་དམ་སྲུང་སྐྱོང་མི་སྣས་རྨས་སྐྱོན་ཕོག་པའི་གཙོད་མོར་འགྱིག་ཤོག་གཡོགས་ནས་ཆར་རླུང་འགོག་ཐབས་བྱེད་བཞིན་པ།
འདི་ནི་བྱང་ཐང་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་བདག་ཏུ་མ་བཟུང་བའི་རི་སྐྱེས་སྲོག་ཆགས་སྲུང་སྐྱོང་མི་སྣས་རྨས་སྐྱོན་ཕོག་པའི་གཙོད་མོར་ལྟ་ཞིབ་བྱེད་བཞིན་པ།
འདི་ནི་བྱང་ཐང་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་བདག་ཏུ་མ་བཟུང་བའི་རི་སྐྱེས་སྲོག་ཆགས་སྲུང་སྐྱོང་མི་སྣས་རྨས་སྐྱོན་ཕོག་པའི་གཙོད་མོར་བྱམས་སྐྱོང་བྱེད་བཞིན་པ།
འདི་ནི་བྱང་ཐང་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་བདག་ཏུ་མ་བཟུང་བའི་རི་སྐྱེས་སྲོག་ཆགས་སྲུང་སྐྱོང་མི་སྣས་རྨས་སྐྱོན་ཕོག་པའི་གཙོད་མོ་གནས་སྐབས་སྒར་སའི་ཉེ་འགྲམ་དུ་དབོར་བཞིན་པ།
འདི་ནི་བྱང་ཐང་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི་བདག་ཏུ་མ་བཟུང་བའི་རི་སྐྱེས་སྲོག་ཆགས་སྲུང་སྐྱོང་མི་སྣས་རྨས་སྐྱོན་ཕོག་པའི་གཙོད་མོར་སྨན་བཅོས་བྱེད་བཞིན་པ།
འདི་ནི་བོད་ལྗོངས་ནག་ཆུ་གྲོང་ཁྱེར་ཉི་མ་རྫོང་ཁོངས་ཀྱི་བྱང་ཐང་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི“མི་མེད་ཁུལ”དུ་གཙོད་ཁྱུ་གཅིག་ཞོགས་པའི་ཉི་གཞོན་དང་བསྟུན་ནས་གནས་སྤོ་བྱེད་བཞིན་པ།
བོད་ལྗོངས་ནག་ཆུ་གྲོང་ཁྱེར་ཉི་མ་རྫོང་ཁོངས་ཀྱི་བྱང་ཐང་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་གྱི“མི་མེད་ཁུལ”དུ་བདག་ཏུ་མ་བཟུང་བའི་སྲོག་ཆགས་ཀྱི་ཆེད་ལས་དོ་དམ་སྲུང་སྐྱོང་རུ་ཁག་གི་གནས་སྐབས་སྒར་སའི་ཉེ་འགྲམ་གྱི་གཙོད་གནས་སྤོ་བྱེད་པའི་ལམ་བར་དུ་ཡུན་རིང་སྒུག་ནས་བསྡད་པའི་སྤྱང་ཀི་ཞིག་གིས་གནས་སྤོ་བྱེད་པའི་གཙོད་ཁྱུའི་ཁྲོད་ཀྱི་མངལ་འཁོར་བའི་གཙོད་མོ་ཞིག་གི་ཕྱོགས་སུ་རྒྱུག་ནས་གྲོད་པ་དང་མཇིང་པར་སོ་བརྒྱབ། སྡུག་བསྲན་ཚད་མེད་བྱས་རྗེས་གཙོད་དེས་མཐའ་མའི་སྟོབས་ཤུགས་ལ་བརྟེན་ནས་རི་སྐྱེས་སྲོག་ཆགས་སྲུང་སྐྱོང་རུ་ཁག་གི་སྒར་སའི་ཕྱོགས་སུ་རྒྱུག སྤྱང་ཀི་དེ་སྒར་སའི་ཕྱོགས་སུ་འགྲོ་མི་ཕོད་པར་མཐར་ཁ་མི་བྲལ་ཀ་མེད་དུ་གྱུར། བདག་ཏུ་མ་བཟུང་བའི་རི་སྐྱེས་སྲོག་ཆགས་སྲུང་སྐྱོང་རུ་མི་ཚོས་ཁ་བ་བུ་ཡུག་ཁྲོད་ཀྱི་གཙོད་མོ་དེ་མཐོང་བས་སྒར་སར་འཁྱེར་ནས་སྐྱོབ་ཐབས་བྱས། འོན་ཀྱང་གྲོད་པར་སོ་བརྒྱབ་ནས་ནང་ཁྲོལ་ལ་རྨས་སྐྱོན་ཚབས་ཆེན་ཕོག་པས་རུ་མི་ཚོས་གཙོད་མོ་དེའི་གྲོད་པ་བཙེམ་རྗེས་རྨས་སྐྱོན་ཕོག་པའི་གཙོད་མོ་དེ་བྱང་རྩྭ་ཐང་དུ་གློད་པ་རེད།
གཙོད་ནི་རྒྱལ་ཁབ་ཀྱི་རིམ་པ་དང་པོའི་སྲུང་སྐྱོང་སྲོག་ཆགས་ཡིན་ཞིང་། ལོ་རེའི་ཟླ་བ་5པ་ནས་7པའི་བར་བོད་བྱང་ཐང་གི་གཙོད་མོ་གནས་སྤོ་སྐྱེ་འཕེལ་གྱི་དུས་ཚིགས་སུ་སླེབས་ཀྱི་ཡོད། གཙོད་མོ་རྣམས་གཙོད་ཕྲུག་སྐྱེ་བར་འགྲོ་བའི་འགག་རྩའི་དུས་སྐབས་སུ། ལམ་བར་ནས་སྤྱང་ཀི་དང་དྲེད་མོང་སོགས་གཅན་གཟན་གྱིས་གོ་སྐབས་དེ་དང་བསྟུན་ནས་གཙོད་མོར་ཉེན་ཁ་ཆེན་པོ་བཟོ་གི་ཡོད།
ཉིན་གཉིས་པའི་ཞོགས་པར་གསར་འགོད་པ་སླར་ཡང་བདག་ཏུ་མ་བཟུང་བའི་རི་སྐྱེས་སྲོག་ཆགས་སྲུང་སྐྱོང་རུ་མི་ཚོས་གློད་པའི་གཙོད་མོ་དེར་ལྟ་བར་འགྲོ་སྐབས་དེའི་ཚེ་སྲོག་ཤོར་ཟིན་འདུག མངལ་འཁོར་བའི་གཙོད་མོ་ཁྱུ་གཅིག་སྔར་བཞིན་གནས་འདི་ནས་བརྒྱུད་དེ་ཞོགས་པའི་མཚམས་སྤྲིན་ཕྱོགས་སུ་སྐྱོད་བཞིན་འདུག