འདི་ནི་རིན་ཆེན་རྒྱ་མཚོ（གཡོན་གྱི་དང་པོ）དང་རུ་མི་ཚོས་འབྲི་ཆུའི་ཆུ་འགོར་སྐོར་སྲུང་གནས་ཚུལ་སྤེལ་རེས་བྱེད་བཞིན་པ།

རིན་ཆེན་རྒྱ་མཚོས་ཞོགས་པ་སྔ་པོ་ནས་ཐོན་ཏེ་སླར་ཡང་ཉིན་གང་གི་སྐོར་སྲུང་ལམ་དུ་བཞུད། ཁོང་ནི་ནག་ཆུ་གྲོང་ཁྱེར་ཨ་མདོ་རྫོང་དམར་ཆུ་ཤང་གི་འབྲི་ཆུའི་ཆུ་འགོའི་ཁོར་ཡུག་སྲུང་སྐྱོང་དང་བླངས་རུ་ཁག་གི་རུ་དཔོན་ཡིན་ཞིང་། ཁོང་ལ་མཚོན་ན་འཁྱགས་རོམ་དང་ཐང་རྒོད་སྲུང་རྒྱུ་དེ་ནི་ལས་ཀ་གལ་ཆེ་ཤོས་ཤིག་རེད།

དམར་ཆུ་ཤང་གི་ས་རྒྱ་ཆེ་བ་དང་ཁོངས་གཏོགས་ཁུལ་གྱི་སྤྱང་རྒན་སྡེ་རུ་འཁྱགས་རོམ་ནི་འབྲི་ཆུའི་ཆུ་འགོའི་གྲས་ཤིག་ཡིན་ཞིང་། རིན་ཆེན་རྒྱ་མཚོ་གནས་ཡུལ་དམར་ཆུ་ཤང་གི་འབྲི་ཆུའི་ཆུ་འགོའི་ཁོར་ཡུག་སྲུང་སྐྱོང་དང་བླངས་རུ་ཁག་ནི་འབྲོག་པ་ལས་གྲུབ་པའི་ཁོར་ཡུག་སྲུང་སྐྱོང་དཔུང་ཁག་ཅིག་ཡིན་པ་དང་རྐང་ཐང་མར་འབྲི་ཆུའི་ཆུ་འགོའི་འཁྱགས་རོམ་ཁུལ་དུ་སྐོར་གཡེང་བྱས་ཏེ་དེ་གའི་སྐྱེ་ཁམས་ཁོར་ཡུག་སྲུང་རྒྱུ་ནི་ཁོང་ཚོའི་གདམ་ག་ཞིག་རེད།

ས་ཁོངས་ཡངས་ཤིང་རྒྱ་ཆེ་བས་སྐོར་སྲུང་གི་ལས་ཀ་དཀའ་ཚེགས་ཧ་ཅང་ཆེ་བ་དང་ས་ཆ་མང་པོར་ཁ་པར་གྱི་བརྡ་རྟགས་ཞན་པས་ལབ་པར་དེ་རུ་མི་ཚོའི་འཕྲིན་གཏོང་ཡོ་བྱད་གལ་ཆེན་ཞིག་ཏུ་གྱུར།

ན་ནིང་རིན་ཆེན་རྒྱ་མཚོས་རྒྱུན་གཏན་གྱི་སྐོར་སྲུང་བྱེད་སྐབས་གློ་བུར་དུ་ལབ་པར་ནས“རླངས་འཁོར་ཞིག་སྲུང་སྐྱོང་ཁུལ་དུ་ཡོང་གི་འདུག་པས་ཚང་མས་ཡིད་གཟབ་གྱིས”ཞེས་པའི་སྐད་སྒྲ་གྲགས་འོང་།

“དེ་གར་འཁོར་རིགས་བཏང་ཤུལ་འདུག”“ངས་ཐག་རིང་ནས་རླངས་འཁོར་གྱི་གྲིབ་སོ་མཐོང་བྱུང”ཞེས་པ་ལ་སོགས་ཚང་མས་ལབ་པར་ནས་འབྲེལ་གཏུག་བར་མེད་བྱས་པ་དང་འཁོར་རིགས་ཀྱི་གནས་ས་གང་མགྱོགས་གཏན་འཁེལ་ཐུབ་སྟེ་རུ་མི་ཚོས་མཐར་རི་ལྡེབས་ཤིག་ནས་རླངས་འཁོར་དེ་དག་གི་ཁ་བཀག

ད་བྱེད་དུས་དེ་དག་ནི་སྒེར་འཁོར་བཏང་ནས་ཡོང་བའི་ཡུལ་སྐོར་བ་ཁྱུ་གཅིག་ཡིན་ཞིང་། འབྲེལ་གཏུག་བྱས་རྗེས་རིན་ཆེན་རྒྱ་མཚོ་དང་རུ་མི་ཚོས་ཡུལ་སྐོར་བ་ཁྲིད་དེ་ཤང་དུ་ལོག “ལོ་ལྟར་སྒེར་འཁོར་བཏང་ནས་ཡུལ་སྐོར་དུ་ཡོང་མཁན་མང་པོ་ཞིག་འདི་གའི་ཐུན་མིན་གྱི་ཡུལ་ལྗོངས་ལ་ཡིད་སྨོན་སྐྱེས་ནས་ཡོང་གི་ཡོད་མོད། འོན་ཀྱང་བྱེད་སྤྱོད་དེ་རིགས་ཀྱིས་འབྲི་ཆུའི་ཆུ་འགོའི་སྐྱེ་ཁམས་ཁོར་ཡུག་ལ་ཤུགས་རྐྱེན་ཚད་མེད་ཐེབས་ཀྱི་ཡོད་པས་ང་ཚོས་ཁོང་ཚོར་སློབ་གསོ་བརྒྱབ་ནས་ཕྱིར་སློག་གང་ཐུབ་བྱེད་ཀྱི་ཡོད”ཅེས་རིན་ཆེན་རྒྱ་མཚོས་བཤད།

ལོ་འདི་དག་རིང་འཁྱགས་རོམ་སྲུང་སྐྱོང་དེ་བས་ལེགས་པ་བྱ་ཆེད་ཁོར་ཡུག་སྲུང་སྐྱོང་དང་བླངས་རུ་ཁག་གི་ཁོངས་མི་ཇེ་མང་དུ་འགྲོ་བ་དང་འགོག་སྲུང་བྱེད་ཚད་ཀྱང་དམ་དུ་ཕྱིན་ཡོད།

ཐེངས་ཤིག་རིན་ཆེན་རྒྱ་མཚོ་དང་རུ་མི་ཚོས་རླངས་འཁོར་བཏང་ནས་ཆུ་འགྲམ་དུ་སླེབས་སྐབས་ས་སོབ་སོབ་ཆགས་པའི་རྐྱེན་གྱིས་རླངས་འཁོར་ཆུ་ནང་དུ་ལྷུངས་པ་དང་དྲག་ཏུ་རྒྱུག་པའི་ཆུ་རྒྱུན་གྱིས་རླངས་འཁོར་དེ་ཆུ་ངོགས་དང་བར་ཐག་ཇེ་རིང་དུ་འཁྱེར་བ་མ་ཟད་འཁོར་སྒྲོམ་ནང་དུ་ཆུ་མང་པོ་འཛུལ།

རིན་ཆེན་རྒྱ་མཚོས“སྔོན་ལ་རླངས་འཁོར་གྱི་སྒང་དུ་འཛེགས”ཞེས་འཕྲལ་ཐག་ཆོད་པོས་བཤད།

མཉམ་དུ་ཡོད་པའི་མི་གཞན་དག་ཚོས་འཕྲལ་མར་སྐྱོབ་རོགས་བྱེད་འགོ་བཙུགས་ཏེ་གཟུགས་པོར་ཐག་པ་བསྡམས་ནས་སྟར་པ་གཅིག་འགྲིག་སྟེ་ཆུ་བོའི་དཀྱིལ་དུ་ལུས་པའི་རླངས་འཁོར་ཡོད་སར་བསྐྱོད་པ་དང་དེ་རྗེས་ཁོང་ཚོས་ཉེན་གྱར་རུ་མི་ཐག་པས་བསྡམས་ཏེ་དལ་བུར་ཆུ་ངོགས་སུ་འཐེན་མཐར་ཚང་མ་ཉེན་ཁ་ལས་གྲོལ་བ་རེད།

འཆི་རྒོད་ཀྱང་དང་བླངས་རུ་ཁག་གི་གྲས་ཤིག་ཡིན་ཞིང་། ཁོང་གིས་གནངས་འཆར་གཞེས་འཆར་བཞིན་རང་ཉིད་ཀྱིས་རྟག་ཏུ་སྐོར་སྲུང་བྱ་ཡུལ་དུ་ལྟ་བར་འགྲོ་བ་དང་ཆུ་ནང་དང་སྤང་ཐང་གི་གད་སྙིགས་བསྒྲུགས་རྗེས་རྫོང་དུ་འཁྱེར་ནས་རིགས་དབྱེའི་གཙང་སེལ་བྱེད་ཀྱི་ཡོད།

“ང་ཚོས་ཆུ་འགོའི་སྦགས་བཙོག་དེ་བས་ཉུང་བ་ཡོང་རྒྱུའི་རེ་བ་བྱེད་ཀྱི་ཡོད”འཆི་རྒོད་ཀྱིས“འཁྱགས་རོམ་ལ་སྲུང་སྐྱོང་བྱེད་པ་ནི་ངེད་ཚོའི་ཁྱིམ་གཞིས་ལ་སྲུང་སྐྱོང་བྱས་པ་ཞིག་ཡིན”ཞེས་མྱོང་ཚོར་ཆེན་པོས་བཤད།

ད་ཆ་རིན་ཆེན་རྒྱ་མཚོ་དང་འཆི་རྒོད་སྐོར་སྲུང་བྱེད་སྐབས་རི་སྐྱེས་སྲོག་ཆགས་དེ་བས་མང་བ་མཐོང་རྒྱུ་ཡོད་པ་དེས་ཁོང་ཚོར་སྤྲོ་སྣང་ཆེན་པོ་འཕེལ་བ་དང“དེ་ནི་སྐྱེ་ཁམས་ཡག་ཏུ་སོང་བའི་རྟགས་མཚན་རེད”