འདི་ནི་ཀླུ་ནང་གྲོང་རྡལ་ཆུང་ངུའི་ཟུར་ཞིག་ཡིན་པ།

 ཉེ་ཆར། ཀླུ་ནང་གྲོང་རྡལ་ཆུང་ངུའི་ཡུལ་སྐོར་འོས་སྦྱོར་ཚོགས་འདུ་དང“2024ལོའི་དབྱར་དུས་ཀླུ་ནང་ལ་ཡུལ་སྐོར་བྱེད་པའི”ཐོན་རྫས་ཡོངས་བསྒྲགས་ཚོགས་འདུ་ཀོང་ཀྲོའུ་རུ་འཚོགས་ནས་འདི་ལོའི་ཀླུ་ནང་གི་དབྱར་དུས་ཡུལ་སྐོར་ལམ་ཐིག་རྩེ་གྲ་དངོས་སུ་བཏོན་པ་རེད།

བྱེད་སྒོ་དེ་ཉིང་ཁྲི་གྲོང་ཁྱེར་ཀླུ་ནང་མཛེས་ལྗོངས་ཁུལ་དོ་དམ་ཨུ་ལྷན་དང་ཀོང་ཏུང་ཞིང་ཆེན་བོད་སྐྱོར་ལས་དོན་རུ་ཁག་ཁག་བཅུ་པའི་ཀླུ་ནང་ལས་དོན་ཚོགས་ཆུང་གིས་མཉམ་འབྲེལ་ཐོག་གཙོ་གཉེར་བྱས་པ་དང་། བརྗོད་དོན་གཙོ་བོའི་འོས་སྦྱོར་དང་། ཡུལ་སྲོལ་གོམས་གཤིས་ཀྱི་པར་རིས་འགྲེམས་སྟོན།

ཁྱད་ལྡན་ཞིམ་ཟས་མྱོང་རོལ། རིག་གནས་གསར་གཏོད་འགྲེམས་ཚོང་། དམངས་སྲོལ་གླུ་གར་འཁྲབ་སྟོན་སོགས་ཀྱི་བྱ་ཐབས་བརྒྱུད། ཀླུ་ནང་གི་མཛེས་སྡུག་ལྡན་པའི་རང་བྱུང་ཁོར་ཡུག་དང་། ཕུན་སུམ་ཚོགས་པའི་ཡུལ་སྐོར་ཐོན་ཁུངས། ལོ་རྒྱུས་ཡུན་རིང་ལྡན་པའི་དམངས་སྲོལ་རིག་གནས་བཅས་ཕྱོགས་ཡོངས་ནས་མངོན་པར་བྱས་ཡོད། འོས་སྦྱོར་ཚོགས་འདུ་འཚོག་ཡུལ་དུ་གཙོ་གཉེར་ཕྱོགས་ཀྱིས་ཀོང་ཏུང་ཞིང་ཆེན་པར་ལེན་མཁས་ཅན་མཐུན་ཚོགས་དང་། ཀོང་ཏུང་ཞིང་ཆེན་རིག་རྩལ་དང་བླངས་པའི་མཐུན་ཚོགས། ཀྲུང་གོ་སྦྲག་སྲིད་ཉིང་ཁྲི་ཡན་ལག་ཀུང་སི། བོད་ལྗོངས་གོ་ལ་ཧྲིལ་པོའི་ཡུལ་སྐོར་ཚད་ཡོད་ཀུང་སི་སོགས་ཚན་པར“རིག་གནས་ཡུལ་སྐོར་མཉམ་ལས་རོགས་ཟླའི”སྒོ་བྱང་སྤྲད་པ་རེད།

ཤེས་རྟོགས་བྱུང་བར་གཞིགས་ན། འདི་ལོ་ས་གནས་དེ་གས“ཚ་གཡོལ་གྱི་གནས་མཆོག་དང་། ས་མཐོའི་གསོ་རླུང་ཁང་། ཐག་རིང་གི་ཕ་ཡུལ”བཅས་བརྗོད་དོན་གཙོ་བོ་ཆེན་པོ་གསུམ་ལ་དམིགས་ནས“དབྱར་དུས་ཀླུ་ནང་ལ་ཡུལ་སྐོར་བྱེད་པའི”རྣམ་གྲངས་མུ་མཐུད་ལག་བསྟར་བྱས་ཏེ་གྲོང་རྡལ་ཆུང་ངུ་དེ་ཚོང་དོན་ཚོགས་འདུ་དང་། སྤྲོ་གསེང་གུང་གསེང་། བདེ་ཐང་རོལ་རྩེད། སྐྱེ་ཁམས་ཡུལ་སྐོར། ཞིམ་ཟས་མཉམ་འཛོམས་བཅས་གཞི་གཅིག་ཏུ་འདུས་པའི་ཡུལ་སྐོར་སྤྲོ་གསེང་ཁུལ་གྲགས་ཅན་ཞིག་ཏུ་བསྐྲུན་ནས་ཉིང་ཀྲི་གྲོང་ཁྱེར་གྱི་སྒྱུར་བཅོས་སྒོ་དབྱེའི་སྔོན་སྤེལ་ཁུལ་འཛུགས་སྐྲུན་ལ་སྐུལ་འདེད་གཏོང་རྒྱུ་ཡིན་པ་རེད།