ཉེ་ཆར་གསར་འགོད་པར་བོད་རང་སྐྱོང་ལྗོངས་སྐྱེ་ཁམས་ཁོར་ཡུག་ཐིང་ནས་ཤེས་རྟོགས་བྱུང་བར། བོད་རང་སྐྱོང་ལྗོངས་ཀྱིས“སྲུང་སྐྱོང་བྱེད་རིང་གསར་སྤེལ་དང་གསར་སྤེལ་བྱེད་རིང་སྲུང་སྐྱོང་བྱེད་པའི”བསམ་ཕྱོགས་ཐོག་མཐའ་བར་གསུམ་དུ་མཐའ་འཁྱོངས་བྱས་ནས་མཚོ་བོད་ས་མཐོའི་ཐུན་མོང་མ་ཡིན་པའི་ས་ཁམས་ཁོར་ཡུག་ལ་གཞི་ཚུགས་ཏེ་འཁྱགས་རོམ་ཐོན་ཁུངས་ཀྱི་རྒྱུན་མཐུད་ཆོག་པའི་འཕེལ་རྒྱས་ཀྱི་ནུས་པ་རྒྱུན་ཆད་མེད་པར་ཆེ་རུ་བཏང་ནས་དེ་བས་ཚན་རིག་དང་མཐུན་པའི་བྱེད་ཐབས་ལ་བརྟེན་ཏེ་ས་མཐོའི་འཁྱགས་རོམ་དང་གངས་རིར་སྲུང་སྐྱོང་ནུས་ལྡན་བྱས་པས་ཕན་འབྲས་བཟང་པོ་ཐོན་ཡོད།

འཆར་འགོད་སྣེ་ཁྲིད་ལ་ཤུགས་སྣོན་བརྒྱབ་ནས《བོད་རང་སྐྱོང་ལྗོངས་ཀྱི་རྒྱལ་ཁབ་ཀྱི་སྐྱེ་ཁམས་ཤེས་དཔལ་གྱི་མཐོ་ས་འཛུགས་གཏོད་ཀྱི་འཆར་འགོད(2021-2035ལོ)》དང《བོད་རང་སྐྱོང་ལྗོངས་ཀྱི“ལོ་ལྔ་ཚན་བཅུ་བཞི་པའི”རིང་གི་སྐྱེ་ཁམས་ཁོར་ཡུག་སྲུང་སྐྱོང་འཆར་འགོད》བཟོས་ནས་འཁྱགས་རོམ་ཐོན་ཁུངས་གསར་སྤེལ་འཛུགས་སྐྲུན་དང་འབྲེལ་བ་ཡོད་པའི་འབྲེལ་ཡོད་ནང་དོན་ཁ་གསལ་བཟོས་ཡོད།

རྣམ་གྲངས་ཞིབ་མཆན་ནན་པོ་བྱས་ནས་འཁྱགས་རོམ་ཐོན་ཁུངས་གསར་སྤེལ་འབྱུང་ཁུངས་དོ་དམ་ཚོད་འཛིན་བྱེད་ཤུགས་ཆེ་རུ་བཏང་སྟེ། འཁྱགས་རོམ་དང་གངས་རི་གལ་ཆེན་ཆུའི་ཁོར་ཡུག་གི་སྔོན་ལ་སྲུང་སྐྱོང་བྱེད་པའི་ས་ཁོངས་སུ་བཅུག་སྟེ་འཁྱགས་རོམ་ཐོན་ཁུངས་གསར་སྤེལ་དང་འབྲེལ་བ་ཡོད་པའི་འཆར་འགོད་དང་འཛུགས་སྐྲུན་རྣམ་གྲངས་སྣ་ཚོགས་ལ་རིམ་སྤོར་ཞིབ་དཔྱད་དང་ཞིབ་མཆན་འགོད་རྒྱུ་རེད།

ལྟ་སྐུལ་དོ་དམ་ལ་ཤུགས་སྣོན་བརྒྱབ་ནས་འཁྱགས་རོམ་ཐོན་ཁུངས་གསར་སྤེལ་འཛུགས་སྐྲུན་དང་འབྲེལ་བ་ཡོད་པའི་བྱེད་སྒོའི་སྐྱེ་ཁམས་ཁོར་ཡུག་སྲུང་སྐྱོང་གི་གཅིག་གྱུར་གྱི་ལྟ་འདོམས་འགན་འཁྲི་ནན་པོ་འཁུར་ཏེ་འཁྱགས་རོམ་ཐོན་ཁུངས་སྲུང་སྐྱོང་དེ་སྐྱེ་ཁམས་ཁོར་ཡུག་སྲུང་སྐྱོང་ལྟ་ཞིབ་དང་རྒྱུན་གཏན་གྱི་ཁྲིམས་སྒྱུར་ལྟ་འདོམས་ནང་བཅུག་ནས་འཁྱགས་རོམ་དང་སྐྱེ་ཁམས་ཁོར་ཡུག་དང་འབྲེལ་བ་ཡོད་པའི་ཁྲིམས་འགལ་སྒྲིག་འགལ་གྱི་གསར་སྤེལ་འཛུགས་སྐྲུན་གྱི་བྱེད་སྤྱོད་ལ་ཞིབ་བཤེར་ཐག་གཅོད་ནན་པོ་བྱ་རྒྱུ་རེད།

ལྟ་ཞིབ་ཚད་ལེན་གྱི་སྲུང་སྐྱོང་དང་ཚན་རྩལ་འདེགས་སྐྱོར་ཡག་པོ་བྱ་ཆེད། འབྲེལ་ཡོད་ཚན་པ་སྒྲིག་འཛུགས་བྱས་ནས་ཇོ་མོ་གླང་མ་དང་སྐུ་ལྷ་དར་གདོང་གི་འབྲི་ཆུའི་ཆུ་འགོ་སོགས་དཔེ་མཚོན་འཁྱགས་རོམ་ས་ཁོངས་ཀྱི་སྐྱེ་ཁམས་ཁོར་ཡུག་ལྟ་ཞིབ་ཚད་ལེན་དང་བརྟག་དཔྱད་རྒྱུན་མཐུད་བྱས་ནས་ས་ཁོངས་ཀྱི་སྐྱེ་ཁམས་ཁོར་ཡུག་གནས་ཚུལ་སྔར་བཞིན་རང་བྱུང་ཁོ་ནར་གནས་པར་ཐོ་འགོད་ཡང་དག་བྱས་པ་དང་ཆབས་ཅིག རང་ལྗོངས་ཀྱི་དཔེ་མཚོན་འཁྱགས་རོམ་6ལ་དམིགས་ནས་དཔེ་མཚོན་འཁྱགས་རོམ་གྱི་འགུལ་རྣམ་འགྱུར་ལྡོག་དང་། འཁྱགས་རོམ་ཆུ་དཔྱད། དེ་བཞིན་སྐྱེ་ཁམས་མ་ལག་བཅས་ལ་བརྟག་དཔྱད་དང་ཚོད་སྐོར་བྱས་ནས་འཁྱགས་རོམ་གྱི་སྐྱེ་ཁམས་ཁོར་ཡུག་སྲུང་སྐྱོང་ལ་སྔར་བས་ཤུགས་སྣོན་རྒྱག་ཆེད་གཞི་རྩའི་གྲངས་གཞིའི་འདེགས་སྐྱོར་མཁོ་འདོན་བྱས་པ་རེད།

བོད་རང་སྐྱོང་ལྗོངས་སྐྱེ་ཁམས་ཁོར་ཡུག་ཐིང་གི་འབྲེལ་ཡོད་འགན་འཁུར་བས་ངོ་སྤྲོད་བྱས་པར། འཁྱགས་རོམ་ནི་མཚོ་བོད་ས་མཐོའི་སྐྱེ་ཁམས་ཁོར་ཡུག་གི་གྲུབ་ཆ་གལ་ཆེན་ཞིག་ཡིན་ལ། གལ་འགངས་ཤིན་ཏུ་ཆེ་བའི་སྲ་གཟུགས་ཀྱི་ཚྭ་མེད་ཆུའི་ཐོན་ཁུངས་ཤིག་ཀྱང་རེད། གོ་ལ་ཧྲིལ་པོའི་གནམ་གཤིས་དྲོ་རུ་ཕྱིན་པའི་རྒྱབ་ལྗོངས་འོག་མཚོ་བོད་ས་མཐོའི་འཁྱགས་རོམ་རྒྱ་ཆེར་བཞུར་འགྲོ་བ་དང་འཁྱགས་རོམ་རྒྱུན་མཐུད་བཞུར་བ་ལས་འཁྱགས་རོམ་བཞུར་རྒྱུན་བརྟན་པོ་མེད་པའི་རང་བཞིན་ཆེ་རུ་ཕྱིན་ནས་ས་ཁོངས་དཔལ་འབྱོར་དང་སྐྱེ་ཁམས་ཁོར་ཡུག་གི་རྒྱུན་མཐུད་ཆོག་པའི་འཕེལ་རྒྱས་ལ་སྔར་བས་ཤུགས་རྐྱེན་ཐེབས་རྒྱུ་རེད། དེར་བརྟེན་འཁྱགས་རོམ་གྱི་སྐྱེ་ཁམས་ཁོར་ཡུག་སྲུང་སྐྱོང་བྱ་རྒྱུ་དེ་གལ་འགངས་ཤིན་ཏུ་ཆེ་བ་ཞིག་རེད།