སྙན་རོང་རྫོང་གི་འདམ་ར་སྲུང་སྐྱོང་གི་ལས་དོན་ལ་རྒྱུན་ཆད་མེད་པར་ཤུགས་སྣོན་རྒྱག་ཆེད། 2016ལོ་ནས་བཟུང་སྙན་རོང་རྫོང་གིས་རྫོང་གྲོང་གི་སྤྱིའི་འཆར་འགོད་ཀྱི་ཆ་ཤས་ལེགས་སྒྲིག་བྱས་པ་དང་། འདམ་རའི་འཆར་འགོད་སྔོན་འཇོག་འཕེལ་རྒྱས་ཀྱི་ས་ཆ་ཁག་གཅིག་འདམ་ར་སྲུང་སྐྱོང་ལ་སྤྱོད་པའི་ས་ཆར་ལེགས་སྒྲིག་བྱས་པ་མ་ཟད། གོང་རིམ་འབྲེལ་ཡོད་སྡེ་ཚན་གྱིས་རྫོང་གྲོང་གི་འདམ་ར་སྲུང་སྐྱོང་ལ་རྒྱབ་སྐྱོར་བྱེད་པའི་འཛུགས་སྐྲུན་རྣམ་གྲངས་བརྩོན་ལེན་ཧུར་ཐག་བྱས་པ་དེ་གཙོ་གནད་རྣམ་གྲངས་ལ་བརྩིས་ཏེ་དམ་འཛིན་དང་། དོ་དམ། ལག་བསྟར་བཅས་བྱས་ཏེ་གནམ་གཤིས་དང་ལས་ཡུན་ལ་གཞིགས་ནས་ལས་ཡུན་ལྡོག་སྒྲིག་མངོན་འགྱུར་དང་ལས་གཉེར་ཧུར་ཐག་བྱས་པ་རེད།

ཤེས་རྟོགས་བྱུང་བར་གཞིགས་ན། སྙན་རོང་རྫོང་གིས་2015ལོར་རྫོང་གྲོང་གི་འདམ་རའི་དུས་ཐེངས་དང་པོ་དང་གཉིས་པའི་སྲུང་སྐྱོང་འཛུགས་སྐྲུན་རྣམ་གྲངས་དངོས་སུ་བཙུགས་པ་དང་། རྣམ་གྲངས་དེར་མ་དངུལ་སྒོར་ཁྲི་1500བཏང་བ། འདམ་རའི་རྒྱ་ཁྱོན་མུའུ་1720ཙམ་ལ་སྲུང་སྐྱོང་བྱས་པ། མཛེས་ལྗོངས་བར་ཁྱམས་དང་། གློག་སྒྲོན། གྱང་། འདམ་རའི་སྐྱེ་ཁམས་སླར་གསོ། ཆུ་བོ་བཅོས་སྒྲིག་སོགས་ཀྱི་ལས་གྲྭ་བསྐྲུན་པར་སྙན་རོང་རྫོང་གི་མཁའ་རླུང་ཁོར་ཡུག་སྲུང་སྐྱོང་དང་རྫོང་གྲོང་དང་དེ་བཞིན་ཉེ་འཁོར་གྱི་སྐྱེ་ཁམས་ཁོར་ཡུག་ལེགས་སྒྲིག་དང་། ཆུ་རྩ་གསོ་བ་དང་། འབྲུབ་འགོག ཐལ་རྡུལ་སྔོན་འགོག་བཅས་དང་རྫོང་གྲོང་གི་ས་འོག་གི་ཆུའི་སྐྱེ་ཁམས་ནུས་པ་དོ་སྙོམས་བྱེད་པའི་ནུས་པ་ལྡན་ཡོད།

འདམ་རའི་སྤྱི་གླིང་ལ་འདམ་རར་སྲུང་སྐྱོང་དང་བེད་སྤྱོད་དང་། ཚན་རིག་ཁྱབ་གདལ་གྱི་སློབ་གསོ། འདམ་རའི་ཞིབ་འཇུག སྐྱེ་ཁམས་ལྟ་སྐོར། སྤྲོ་གསེང་རོལ་རྩེད་སོགས་ནུས་པ་སྣ་ཚོགས་ཚུད་ཡོད་པ་དང་། དེ་ནི་སྤྱི་གླིང་གྲོང་ཁྱེར་མ་ལག་གི་གྲུབ་ཆ་གལ་ཆེན་ཞིག་ཡིན་པས་འདམ་རའི་རང་བྱུང་ལ་སྲུང་སྐྱོང་དང་འདམ་རའི་རི་སྐྱེས་སྲོག་ཆགས་དང་རྩི་ཤིང་ལ་སྲུང་སྐྱོང་བྱ་ཡུལ་སོགས་ལས་འདམ་རའི་སྲུང་སྐྱོང་མ་ལག་མཉམ་དུ་གྲུབ་ཡོད་པ་རེད།