ལྷོ་ཁ་གྲོང་ཁྱེར་གྱིས“ཁུག་མའི”སྤྱི་གླིང་ལ་བརྟེན་ནས་སྔོ་ལྗང་མཛེས་ལྗོངས་བཏོད་པ།
འདི་ལོ་ཚུན་དུ། བོད་རང་སྐྱོང་ལྗོངས་ལྷོ་ཁ་གྲོང་ཁྱེར་གྱིས་གྲོང་ཁྱེར་སྔོ་འགྱུར་འཛུགས་སྐྲུན་ལ་མུ་མཐུད་སྐུལ་འདེད་གཏོང་བའི་རྨང་གཞིའི་ཐོག་གྲོང་མི་མང་ཚོགས་ཀྱི་དགོས་མཁོ་དངོས་ལ་བསམ་གཞིག་གང་ལེགས་བྱས་ཏེ་གྲོང་ཁྱེར་གྱི་སྡོད་མལ་དང་སྐྱེ་ཁམས་སྔོན་ལ་འཇོག་པའི་འདུ་ཤེས་ལྟར་སྣེ་གདོང་ཆུས་སྣེ་གདོང་ཤར་ལམ་གྱི་དུམ་བུ་ལྷོ་མའི་བེད་མེད་ནགས་ས་སོགས་ཁྲོམ་གཞུང་འགྲམ་གྱི“ཁུག་མའི”སྤྱི་གླིང་དུ་སྒྱུར་བཀོད་དང་རིམ་པ་སྤར་ནས་གྲོང་མིར་སྨི་ངོས་གྲུ་8000ཙམ་གྱི་སྤྲོ་གསེང་བྱ་ཡུལ་མཁོ་འདོན་བྱས་པ་རེད།
ལྷོ་ཁ་གྲོང་ཁྱེར་དོ་དམ་སྡེ་ཚན་གྱིས་ཤིང་རུལ་གཙང་སེལ་དང་། རྩྭ་ངན་བཀོག་པ། ཤར་བགྲོད་རྐང་ཐང་ལམ་འདིང་བ། སྤྲོ་གསེང་རྐུབ་སྟེགས་བཟོ་བ། འཁོར་ལོ་རྙིང་པ་སྤྱད་དེ་མེ་ཏོག་འདེབས་པ་སོགས་སྒྱུར་བཀོད་བྱ་ཐབས་རབ་དང་རིམ་པ་བརྒྱུད་གྲོང་འདབས་དེ་ཉིད་མང་ཚོགས་ཀྱི་སྤྲོ་གསེང་རོལ་རྩེད་བྱ་ཡུལ་ཞིག་ཏུ་གྱུར་པར་བྱས་ཡོད།
དེས་མ་ཟད། ལྷོ་ཁ་གྲོང་ཁྱེར་གྱིས་ད་དུང་གྲོང་ཁྱེར་ལུས་རྩལ་ཐང་དང་ཧུའུ་ནན་ལམ་གྱི་ཤང་ཡཱ་ཐང་ཆེན་སོགས་ཁྲོམ་གཞུང་གི་སྤྲོ་གསེང་བྱ་ཡུལ་དང་ཐང་ཆེན་དང་དེ་བཞིན་དེའི་ཉེ་འདབས་ས་ཁོངས་སུ་དུས་ཐོག་ཏུ་ལྗོན་ཤིང་གསབ་འཛུགས་དང་། སོ་ཕག་གསར་བཟོ། འགོག་སྲུང་ར་བ་གསར་འཛུགས། མེ་ཏོག་འདེབས་པ། སྔོ་ལྗང་མཛེས་ལྗོངས་ཁུལ་ཆུང་གྲས་སྐྲུན་པ་བཅས་བྱས་པས་གྲོང་ཁྱེར་གྱི་མཛེས་ལྗོངས་མངོན་པ་མ་ཟད། མང་ཚོཊ་ཀྱི་ཐོབ་སྣང་དང་། སྐྱིད་སྣང་། བདེ་འཇཊ་ཚོར་སྣང་བཅས་དེ་བས་ཆེ་རུ་ཕྱིན་ནས་གྲོང་མི་ཚོའི་དགའ་བསུ་རྒྱ་ཁྱབ་ངང་ཐོབ་ཡོད་པ་རེད།