ཉིན་ཤས་གོང་། གསར་འགོད་པས་རང་སྐྱོང་ལྗོངས་སྨན་རྩིས་ཁང་གནམ་རིག་སྐར་རྩིས་ཞིབ་འཇུག་སུའོ་ནས་ཤེས་རྟོགས་བྱས་པར།《2023ལོའི་བོད་ཀྱི་ལོ་ཐོ》གཞིར་བཟུང་རྩིས་ན་འདི་ལོའི་ཞོ་སྟོན་ཟླ་8ཚེས་16ཉིན་འཁེལ་གྱི་ཡོད་པ་རེད།

ལྷ་སར་ལོ་རེའི་ཞོ་སྟོན་རིང་མི་རྣམས་ཀྱིས་ལུས་ལ་གཟབ་མཆོར་ལེགས་པར་སྤྲས་ནས་ནང་མི་དང་གཉེན་ཉེ་གྲོགས་པོ་མཉམ་དུ་ནོར་བུ་གླིང་ཁ་དང་རྫོང་རྒྱབ་ཀླུ་ཁང་སོགས་སུ་བསྐྱོད་དེ་གླིང་ཁ་གཏོང་བ་དང་། ལྷ་མོར་ལྟ་བ། ཞོ་ལྡག་པ་བཅས་བྱས་ནས་ལོ་གཅིག་དུས་གཅིག་གི་ཞོ་སྟོན་དགའ་སྤྲོའི་ངང་གཏོང་གི་ཡོད།