2022ལོའི་ཟླ་4ཚེས་23ཉིན། ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོང་ལྟ་བཤེར་ཚོགས་ཆུང་བཞི་པས་རང་ལྗོངས་ལ་མང་ཚོགས་ཀྱི་ཡིག་འབུལ་ཞུ་བཅར་ཐེར་འདོན་ཁག་ཉེར་དགུ་པའི་གནད་དོན་རྩིས་སྤྲད་པ་རེད། 2022ལོའི་ཟླ་5ཚེས་2ཉིན་བར། ཡིག་འབུལ་ཞུ་བཅར་གྱི་གནད་དོན་55ཁྲོད་ཀྱི་གནད་དོན་45(དོན་དངོས་དང་མཐུན་པའི་གནད་དོན་43དང་དོན་དངོས་དང་མ་མཐུན་པའི་གནད་དོན་2)སྒྲུབ་མཇུག་འགྲིལ་བ་དང་། གནད་དོན་8དུས་མཚམས་རང་བཞིན་གྱི་སྒོ་ནས་སྒྲུབ་མཇུག་འགྲིལ་བ། གནད་དོན་2སྒྲུབ་མཇུག་འགྲིལ་མེད་པ། བྱེད་པོ་6ལ་དག་ཐེར་བྱེད་དགོས་པའི་བཀའ་བཏང་བ། བྱེད་པོ་4ལ་གྱོད་ཐོ་བཀོད་ནས་ཆད་པ་བཅད་པ། དངུལ་ཆད་སྒོར་ཁྲི་311.0528བཅད་པ། མི་1སྐོང་འདྲི་བྱས་པ་བཅས་རེད།