ཟླ་4ཚེས་20ཉིན་གྱི་ཆུ་ཚོད་10པ་ནས་ཆུ་ཚོད་21བར། ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོང་ལྟ་བཤེར་ཚོགས་ཆུང་བཞི་པར་རང་ལྗོངས་ཀྱི་སྐྱེ་ཁམས་ཁོར་ཡུག་སྲུང་སྐྱོང་ཐད་ཀྱི་གནད་དོན་གོང་ཞུའི་ཡི་གེ་དང་ཁ་པར་གྱི་ཐེར་འདོན་47འབྱོར་བ་དེ་དག་ལྗོངས་ཡོངས་ཀྱི་གྲོང་ཁྱེར་5དང་འབྲེལ་བ་ཡོད་པ་སྟེ། ལྷ་ས་གྲོང་ཁྱེར་གྱི་34དང་། ནག་ཆུ་གྲོང་ཁྱེར་གྱི་5 གཞིས་རྩེ་གྲོང་ཁྱེར་གྱི་4 ཆབ་མདོ་གྲོང་ཁྱེར་གྱི་3 ཉིང་ཁྲི་གྲོང་ཁྱེར་གྱི་1བཅས་ཡིན་པ་དང་། སྐྱེ་ཁམས་ཁོར་ཡུག་སྐོར་གྱི་གནད་དོན་ཁྱོན་55གོང་ཞུ་བྱས་པ་ལས། སྐྱེ་ཁམས་གཏོར་སྐྱོན་རིགས་20དང་། ས་རྒྱུའི་སྦགས་བཙོག་རིགས་11 རླུང་ཁམས་ཆེན་པོའི་སྦགས་བཙོག་རིགས་10 འཛེར་སྒྲའི་སྦགས་བཙོག་རིགས་7 ཆུའི་སྦགས་བཙོག་རིགས་6 སྦགས་བཙོག་གཞན་དག་རིགས་1བཅས་ཡོད་པ་རེད།

ཚེས་20ཉིན་བར། ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོང་ལྟ་བཤེར་ཚོགས་ཆུང་བཞི་པས་རང་ལྗོངས་ལ་རྩིས་སྤྲད་པའི་ཡིག་འབུལ་ཞུ་བཅར་གྱི་གནད་དོན་ཁྱོན་876ཡོད་པ་ཚང་མ་གོ་རིམ་གཞིར་བཟུང་། གྲོང་ཁྱེར་དང་ས་ཁུལ་ཁག་དང་དེ་བཞིན་འབྲེལ་ཡོད་སྡེ་ཚན་ལ་སྒྲུབ་རྒྱུར་རྩིས་སྤྲད་ཟིན་པ་རེད།