ཟླ་4ཚེས་13ཉིན་གྱི་ཆུ་ཚོད་10པ་ནས་ཆུ་ཚོད་21བར། ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོང་ལྟ་བཤེར་ཚོགས་ཆུང་བཞི་པར་རང་ལྗོངས་ཀྱི་སྐྱེ་ཁམས་ཁོར་ཡུག་སྲུང་སྐྱོང་ཐད་ཀྱི་གནད་དོན་གོང་ཞུའི་ཡི་གེ་དང་ཁ་པར་གྱི་ཐེར་འདོན་43འབྱོར་བ་དེ་དག་ལྗོངས་ཡོངས་ཀྱི་གྲོང་ཁྱེར་5དང་འབྲེལ་བ་ཡོད་པ་སྟེ། ལྷ་ས་གྲོང་ཁྱེར་གྱི་33དང་། ལྷོ་ཁ་གྲོང་ཁྱེར་གྱི་4 གཞིས་རྩེ་གྲོང་ཁྱེར་གྱི་3 ནག་ཆུ་གྲོང་ཁྱེར་གྱི་2 ཆབ་མདོ་གྲོང་ཁྱེར་གྱི་1བཅས་ཡིན་པ་དང་། སྐྱེ་ཁམས་ཁོར་ཡུག་གི་གནད་དོན་ཁྱོན་47གོང་ཞུ་བྱས་པའི་ནང་ས་རྒྱུའི་སྦགས་བཙོག་རིགས་11དང་། འཛེར་སྒྲའི་སྦགས་བཙོག་རིགས་9 སྐྱེ་ཁམས་གཏོར་སྐྱོན་རིགས་8 ཆུའི་སྦགས་བཙོག་རིགས་7 རླུང་ཁམས་ཆེ་མོའི་སྦགས་བཙོག་རིགས་7 སྦགས་བཙོག་གཞན་དག་རིགས་5བཅས་ཡོད་པ་རེད།

ཚེས་13ཉིན་བར། ཀྲུང་དབྱང་སྐྱེ་ཁམས་ཁོར་ཡུག་སྲུང་སྐྱོང་ལྟ་བཤེར་ཚོགས་ཆུང་བཞི་པས་རང་ལྗོངས་ལ་རྩིས་སྤྲད་པའི་ཡིག་འབུལ་ཞུ་བཅར་གྱི་གནད་དོན་ཁྱོན་583ཡོད་པ་ཚང་མ་གོ་རིམ་གཞིར་བཟུང་། གྲོང་ཁྱེར་དང་ས་ཁུལ་ཁག་དང་དེ་བཞིན་འབྲེལ་ཡོད་སྡེ་ཚན་ལ་བསྒྲུབ་རྒྱུར་རྩིས་སྤྲད་ཟིན་པ་རེད།