ཉིན་ཤས་གོང་གསར་འགོད་པར་ཆུ་གསུམ་རྫོང་གྲོང་གསེབ་ཀྱི་སྡོད་མལ་ཁོར་ཡུག་བཅོས་སྒྲིག་བཀོད་སྒྲིག་ཚོགས་འདུ་ནས་ཤེས་རྟོགས་བྱུང་བར། ཆུ་གསུམ་རྫོང་གིས་གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་དང་ལས་ཀའི་གཙོ་གནད་ལ་དམ་པོར་དམིགས་ཏེ། གྲོང་གསེབ་ཀྱི་སྡོད་མལ་ཁོར་ཡུག་བཅོས་སྒྲིག་ལས་དོན་ལ་ཕྱོགས་ཡོངས་ནས་སྐུལ་འདེད་བཏང་བ་རེད།
ཆུ་གསུམ་རྫོང་གིས་ཁུལ་ཁུངས་འཕེལ་རྒྱས་དོ་མི་སྙོམས་པ་དང་། མང་ཚོགས་ཀྱི་བསམ་བློ་དང་ལྟ་བར་འགྱུར་ལྡོག་མཐར་ཕྱིན་བྱུང་མེད་པ། གྲོང་གསེབ་ཀྱི་སྡོད་མལ་ཁོར་ཡུག་བཅོས་སྒྲིག་ལས་ཀའི་ཕུགས་ཕན་ལམ་སྲོལ་ཆ་ཚང་པོ་མེད་པ་སོགས་ཀྱི་གནད་དོན་ལ་དམ་པོར་དམིགས་ཏེ། ལས་ཀའི་བྱ་ཐབས་བཟོ་བ་དང་ཞིབ་ཚགས་སུ་གཏོང་བ་དང་། འཚོ་བའི་གད་སྙིགས་བསྡུ་འདྲེན་གཙང་སེལ་གྱི་མ་ལག་དང་ཕུགས་ཕན་ལམ་སྲོལ་འཛུགས་པ་དང་འཐུས་སྒོ་ཚང་དུ་གཏོང་བ། གྲོང་གསེབ་ཀྱི་འཚོ་བའི་གད་སྙིགས་གཙང་སེལ་གྱི་ཆུ་ཚད་ཕྱོགས་ཡོངས་ནས་མཐོ་རུ་གཏོང་བ། གྲོང་གསེབ་སྔོ་འགྱུར་ལས་དོན་ལ་སྐུལ་འདེད་གཏོང་བ་བཅས་བྱས་ནས་གྲོང་ཚོའི་རྣམ་པ་སྤྱི་ཡོངས་ནས་ལེགས་སུ་འགྲོ་བར་སྐུལ་འདེད་བཏང་བ་དང་། གྲོང་གསེབ་ཀྱི་གཞི་རིམ་ཏང་རྩ་འཛུགས་ཀྱི་དམག་འཐབ་མཁར་རྫོང་གི་ནུས་པ་དང་ཏང་ཡོན་གྱི་གདོང་ལེན་དཔེ་བཟང་གི་ནུས་པ་འདོན་སྤེལ་གང་ལེགས་བྱས་ཁར། མཛེས་པའི་གྲོང་ཚོ་དང་མཛེས་པའི་སྒོ་ར་དཔྱད་འདེམས་དང་། སྐར་གྲངས་ལ་བརྟེན་ནས་དངོས་ཟོག་བརྗེ་བ་སོགས་ཀྱི་བྱེད་སྒོ་གཏིང་ཟབ་སྤེལ་ཏེ། ཞིང་འབྲོག་མང་ཚོགས་ལ་བསམ་བློ་དང་ལྟ་བར་འགྱུར་ལྡོག་གཏོང་བ་དང་། ཡ་རབས་དང་བདེ་ཐང་གི་འཚོ་བ་སྐྱེལ་སྟངས་ཁྱབ་གདལ་གཏོང་བ། གྲོང་གསེབ་ཀྱི་སྡོད་མལ་ཁོར་ཡུག་བཅོས་སྒྲིག་དང་རིམ་སྤོར་ནང་ཧུར་ཐག་ཞུགས་པ་བཅས་ཀྱི་སློབ་གསོ་ཁྲིད་སྟོན་བྱས་པ་རེད།