འདི་ནི་མཁའ་དབྱིངས་ནས་པར་བླངས་པའི་བོད་ལྗོངས་ལྷོ་ཁ་གྲོང་ཁྱེར་བསམ་ཡས་གྲོང་རྡལ་ཡིན་པ།
ཤིན་ཧྭ་གསར་འགྱུར་ཁང་ལྷ་ས་ནས་གློག་འཕྲིན་འབྱོར་གསལ། ཡར་ཀླུང་གཙང་པོ་ནི་རང་རྒྱལ་གྱི་ས་མཐོའི་གཙང་པོ་རིང་ཤོས་དང་བོད་མི་དམངས་ཀྱི“མ་ཡུམ་གཙང་པོ”ཡིན་ཞིང་། ལོ་ངོ་40ལྷག་ཙམ་རིང་གི་འབད་བརྩོན་ལྷོད་མེད་བརྒྱུད། བྱེ་རླུང་གི་གནོད་འཚེ་ཚབས་ཆེན་ཕོག་པའི་ཡར་ཀླུང་གཙང་པོའི་ལྷོ་ཁའི་རྒྱུད་དུ་སྔོ་ལྗང་ལྗོན་ཤིང་གིས་བཀླུབས་ནས“སྔོ་ལྗང་བར་ཁྱམས”ཤིག་སྤྱིར་ན་ཆགས་ཡོད།
བོད་ལྗོངས་ལྷོ་ཁ་གྲོང་ཁྱེར་ནགས་ལས་དང་རྩྭ་ཐང་ཅུས་ཀྱི་ཅུས་ཀྲང་གཞོན་པ་ཧྲེ་ཀྲེན་ཝུའེ་ཡིས། ལྷོ་ཁ་གྲོང་ཁྱེར་གྱིས“ལོ་ལྔ་ཚན་བཅུ་གསུམ་པའི”རིང་སྐྱེ་ཁམས་བདེ་འཇགས་སྲུང་ཡོལ་གྱི་བྱེ་འགོག་བྱེ་བཅོས་མུའུ་ཁྲི་65.66བྱས་པ་དང་། ཤིང་འཛུགས་ནགས་བཟོ་མུའུ་ཁྲི་40.17བྱས་པ། རི་རྒྱ་བསྡམས་ནས་ནགས་གསོ་མུའུ་ཁྲི་17.62བྱས་ཡོད་ཅེས་ངོ་སྤྲོད་བྱས།
འདི་ནི་བོད་ལྗོངས་ལྷོ་ཁ་གྲོང་ཁྱེར་གྱི་ཡར་ཀླུང་གཙང་པོའི་བྱང་རྒྱུད་ཀྱི“མི་ཁྲི་དང་མུའུ་ཁྲི”ཡི་འོས་འགན་ཤིང་འཛུགས་ནགས་བཟོར་སྤྱོད་པའི་སྡོང་ཕྲུག་ཡིན་པ།
བོད་རང་སྐྱོང་ལྗོངས་གནམ་གཤིས་ལས་ཁུངས་ཀྱི་ལྟ་ཞིབ་ཚད་ལེན་གྱི་དཔྱད་གཞིའི་ཡིག་ཆ་ལས་མངོན་པར། ཡར་ཀླུང་གཙང་པོའི་ལུང་ཤུར་དུ་གནས་པའི་ལྷ་ས་གོང་དཀར་གནམ་ཐང་དུ་གནོད་འཚེའི་རང་བཞིན་གྱི་བྱེ་རླུང་གི་གནམ་གཤིས་ལོ་རེ་བཞིན་བསྟན་ཉུང་དུ་སོང་བ་དང་། ལྷ་ས་གྲོང་ཁྱེར་གྱི་ཁོར་ཡུག་མཁའ་རླུང་སྤུས་ཚད་ལོ་མང་རིང་སྤྱིའི་ཆ་ནས་ཡག་པོ་ཡོད་པ་དང་ན་ནིང་གི་ཟླ་དང་པོ་ནས་བཅུ་པ་བར་མཁའ་རླུང་གི་སྤུས་ཚད་ལེགས་ཚད་94.4%ཟིན་པ་ནི་ཤིང་འཛུགས་ནགས་བཟོ་བྱས་པ་དང་ཁ་འབྲལ་ཐབས་མེད།
བོད་ལྗོངས་ལྷོ་ཁ་གྲོང་ཁྱེར་གྱི་ཆ་སྙོམས་ས་བབ་མཐོ་ཚད་སྨི་3500ཡན་ཟིན་པ་དང་ལོ་རེའི་ཆར་ཆུ་བབས་ཚད་ཧའོ་སྨི་300ལས་ཟིན་གྱི་མེད་པས་ས་ཆ་མང་པོ་ཞིག་ལ“ལྗོན་ཤིང་གསོན་ཐབས་བྲལ་བའི་ཁུལ”ཞེས་བརྗོད་ཀྱི་ཡོད། 1983ལོ་ནས་བཟུང་ས་གནས་དེ་གའི་ནགས་ལས་སྡེ་ཚན་གྱིས་ཡར་ཀླུང་གཙང་པོ་རྒྱུག་ཁུལ་དུ་མི་ཐབས་ལ་བརྟེན་ནས་ཤིང་འཛུགས་ནགས་བཟོ་བྱས་པར་གྲུབ་འབྲས་བཟང་པོ་ཐོབ་ཡོད། དུས་དེ་ནས་བཟུང་རང་རྒྱལ་གྱིས་མ་དངུལ་གཏོང་ཤུགས་རྒྱུན་ཆད་མེད་པར་ཆེ་རུ་བཏང་ནས་ཡུག་འབྲེལ་གྱི་ཚད་གཞི་མཐོ་བའི་ནགས་བཟོའི་རྣམ་གྲངས་ལག་བསྟར་བྱས་ཡོད།
འདི་ནི་བོད་ལྗོངས་ལྷོ་ཁ་གྲོང་ཁྱེར་གོང་དཀར་རྫོང་སྐྱིད་གཤོངས་གྲོང་རྡལ་སླེའུ་ཆུང་གྲོང་ཚོའི་གྲོང་མི་ཞིག་གིས་སྡོང་ཕྲུག་ལ་ཆུ་རྒྱག་བཞིན་པ།
རང་རྒྱལ་གྱི“ནགས་བཟོ་བ”ཚོས“ལྗོན་ཤིང་གསོན་ཐབས་བྲལ་བའི་ཁུལ”ལ་འགྲན་སློང་བྱས་པ་དང་དཀའ་ངལ་ཁྱད་དུ་བསད་ནས་མཐོ་གྲང་དང་སྐམ་ཤས་ཆེ་བའི་ས་ཁུལ་དུ་ནགས་བཟོ་དང་བྱེ་བཅོས་ཀྱི་ཚན་རྩལ་གྲུབ་འབྲས་འབོར་ཆེན་ཞིག་བཏོད་པས། ནགས་བཟོ་སྔོ་འགྱུར་གྱི་ལས་དོན་ལ་ཀུན་གྱིས་དོ་སྣང་བྱེད་པའི་གྲུབ་འབྲས་ཐོབ་ཡོད།
འདི་ནི་སྔོ་ལྗང་ལྗོན་ཤིང་གིས་བཀླུབས་པའི་ཡར་ཀླུང་གཙང་པོའི་ལྷོ་ཁའི་དུམ་བུ་ཡིན་པ།