ཆུ་ཡུར་ལ་སྲུང་སྐྱོང་ཏན་ཏིག་དང་། སྡོད་མལ་ཁོར་ཡུག་ཡག་པོ་ཞིག་སྐྲུན་པ། ཆུ་མོ་དྭངས་ཤིང་གཙང་བའི་ཁོར་ཡུག་སྐྲུན་པ་བཅས་བྱེད་ཆེད། ཉེ་ཆར་གྲྭ་བཞི་ཁྲོམ་གཞུང་དོན་གཅོད་ཁྲུའུ་ཡིས་ལྷ་ས་གྲོང་ཁྱེར་ཁྲེང་ཀོན་ཆུས་ཨུད་དང་ཁྲེང་ཀོན་ཆུས་སྲིད་གཞུང་གི་འབྲེལ་ཡོད་ཡིག་ཆའི་དགོངས་དོན་དང་ཁྲེང་ཀོན་ཆུས་ཀྱི་ཆུ་དཔོན་ལམ་ལུགས་ལས་དོན་གྱི་བླང་བྱ་གཞིར་བཟུང་། ཁྲེང་ཀོན་ཆུས་ཀྱི་ཤེས་དཔལ་གྲོང་ཁྱེར་འཛུགས་གཏོད་ལས་དོན་སྤེལ་རྒྱུར་རམ་འདེགས་བྱ་ཆེད། གྲྭ་བཞི་ཁྲོམ་གཞུང་དོན་གཅོད་ཁྲུའུ་ཡིས་ཕྱོགས་ཡོངས་ནས་བཀོད་སྒྲིག་བྱས་ཏེ་ཆུ་ཡུར་དབྱེ་ནས་གྲལ་བཤེར་བཅོས་སྒྲིག་བྱས་པ་བརྒྱུད་མཐིལ་གསལ་པོ་རྟོགས་པ་དང་གནད་སྨིན་ཇུས་འདོན་བྱས་པ་རེད།
ཤེས་རྟོགས་བྱུང་བར་གཞིགས་ན། ད་རེས་གཙང་སེལ་ལས་དོན་ནང་གྲྭ་བཞི་ཁྲོམ་གཞུང་དོན་གཅོད་ཁྲུའུ་ཡིས་སྡེ་ཁུལ་གྱི་ཆེད་བསྐོས་མི་སྣ་དང་། ཏང་ཡོན་དང་བླངས་པ། དེ་བཞིན་གྲོང་སྡོད་ལས་དོན་རུ་ཁག་གི་རུ་མི་བཅས་བསྡོམས་མི་30ལྷག་ཙམ་མངགས་ཡོད་པ་རེད།