ཉེ་ཆར། གསར་འགོད་པར་ལྷོ་ཁ་གྲོང་ཁྱེར་སྣོད་བཅུད་ཁོར་ཡུག་གི་ཆེད་དོན་བཅོས་སྒྲིག་ཆེན་པོ་དྲུག་གི་ལས་དོན་སྐུལ་སྤེལ་ཚོགས་འདུའི་ཐོག་ནས་ཤེས་རྟོགས་བྱུང་བ་ལྟར་ན། ལྷོ་ཁ་གྲོང་ཁྱེར་གྱིས་དམིགས་ཚད་ཕྱོགས་སྟོན་དུ་འཛིན་པ་དང་། འབྲས་བུ་ཕྱོགས་སྟོན་དུ་འཛིན་པ། གནད་དོན་ཕྱོགས་སྟོན་དུ་འཛིན་པ་བཅས་མཐའ་འཁྱོངས་བྱས་ཏེ། ཕུགས་ཕན་ལམ་སྲོལ་འཛུགས་པ་དང་འཐུས་སྒོ་ཚང་དུ་གཏོང་བའི་ཐད་ཤུགས་སྣོན་བརྒྱབ་སྟེ་སྣོད་བཅུད་ཁོར་ཡུག་གི་ཆེད་དོན་བཅོས་སྒྲིག་ཆེན་པོ་དྲུག་ལ་ཕན་འབྲས་ཐོན་རྒྱུར་སྐུལ་འདེད་བཏང་བ་རེད།
ལྷོ་ཁ་གྲོང་ཁྱེར་གྱིས་ཆེད་དོན་བཅོས་སྒྲིག་ཆེན་པོ་དྲུག་གི་ཁྲོད་དུ་གནས་པའི་གཙོ་གནད་དང་དཀའ་གནད་ཐག་གཅོད་ཧུར་ཐག་བྱས་ཤིང་། དུས་འགོར་ཐོབ་པའི་ཕན་འབྲས་སྲ་བརྟན་དུ་བཏང་བའི་རྨང་གཞིའི་ཐོག་ཉེ་དུས་ཞིབ་བཤེར་བྱེད་རིང་ཤེས་རྟོགས་ཐུབ་པའི་གནད་དོན་ནས་འགོ་བཙུགས་ཏེ་གྲོང་གསེབ་ཀྱི་འཚོ་བའི་གད་སྙིགས་གཙང་སེལ་དང་ལས་ཡུལ་གྱི་འཚོ་བའི་གད་སྙིགས་དང་ཨར་སྐྲུན་གད་སྙིགས་གཙང་སེལ་བྱ་རྒྱུ་གཙོ་གནད་དུ་བཟུང་ནས་སྲིན་བུ་རི་དང་། ནུབ་པ། དཔལ་འབྱོར་ལག་རྩལ་གསར་སྤེལ་ཁུལ། མེ་འཁོར་བབས་ཚུགས། གཞུང་ལམ་གཡས་གཡོན། གཙང་པོ་རྒྱུག་ཁུལ་སོགས་གཙོ་གནད་ཁྱབ་ཁོངས་སུ་དམ་པོར་དམིགས་ཏེ་འགག་སྒྲོལ་དཀའ་སེལ་ཏན་ཏིག་བྱས་ཡོད། དུས་ཐོག་ཏུ་ཉམས་མྱོང་བཟང་པོ་དང་བྱེད་ཐབས་བཟང་པོ་སློབ་སྦྱོང་ཕྱོགས་སྡོམ་དང་། དྲང་ནུས་ཆེན་པོ་གཅིག་སྒྲིལ་གྱིས་མང་ཚོགས་ཧུར་ཐག་ཞུགས་རྒྱུར་སྐུལ་སློང་ཡག་པོ་བྱས་ཡོད། བརྒྱུད་རིམ་ལྡན་པའི་བསམ་གཞིག་མཐའ་འཁྱོངས་དང་ཕུགས་ཕན་ལམ་སྲོལ་འཛུགས་པ་དང་འཐུས་སྒོ་ཚང་དུ་བཏང་སྟེ། སྣོད་བཅུད་ཁོར་ཡུག་སྲུང་སྐྱོང་དང་བཅོས་སྒྲིག་རྒྱུན་རྣམ་ཅན་ཡོང་བའི་འགན་ལེན་བྱས་ཡོད། སྣོད་བཅུད་ཤེས་དཔལ་འཛུགས་སྐྱོང་དང“འཕྲོད་བསྟེན་གྲོང་ཁྱེར་གཏོད་པ”སོགས་ཀྱི་ལས་དོན་ལ་སྤྱི་འདོམས་མཐུན་སྦྱོར་ངང་སྐུལ་འདེད་གཏོང་རྒྱུ་མཐའ་འཁྱོངས་བྱས་ཏེ་ལམ་སྲོལ་འཛུགས་སྐྱོང་ལ་ཤུགས་སྣོན་ཧུར་ཐག་རྒྱག་པ་དང་། མཉམ་ཞུགས་ཚོགས་འདུའི་ལམ་སྲོལ་དང་། འགན་འཁྲི་ཁག་བགོས་ལམ་སྲོལ། ལྟ་བཤེར་སྒྲུབ་སྐུལ་ལེགས་གཏོང་གི་ལམ་སྲོལ། དཔྱད་ཞིབ་དང་བྱ་དགའ་ཆད་གཅོད་ཀྱི་ལམ་སྲོལ་འཛུགས་པ། ལས་ཀའི་ཁྲོད་དོན་དངོས་གནད་དོན་དང་ལས་ཀའི་འཕེལ་རིམ་ལ་གཞིགས་ཏེ་རྒྱུན་རྣམ་ཅན་དང་ཕུགས་ཕན་ཅན་གྱི་ལམ་སྲོལ་འཐུས་སྒོ་ཚང་དུ་གཏོང་བ་བཅས་བྱས་ནས་ཆེད་དོན་བཅོས་སྒྲིག་ཆེན་པོ་དྲུག་ལ་ཕན་འབྲས་དངོས་ཐོན་པའི་འགན་ལེན་བྱས་ཏེ། ལྷོ་ཁའི་མི་དམངས་ཚོར་དེ་བས་མཛེས་སྡུག་ལྡན་པའི་ཁོར་ཡུག་ཡག་པོ་ཞིག་བཏོད་པ་རེད།