འདི་ནི་རི་ཐང་དུ་ཤུག་པ་འདེབས་འགོ་ཚུགས་པ།

ཚན་རིག་དང་མཐུན་པའི་སྒོ་ནས་ས་བོན་ནང་འདྲེན་དང་མི་ཐབས་ལ་བརྟེན་པའི་འདེབས་འཛུགས་བྱས་ཏེ། རི་ཐང་དུ་སྐྱེས་པའི་ཤུག་པའི་གྲངས་འབོར་ཟམ་མི་ཆད་པར་མང་དུ་གཏོང་ཆེད། བོད་ལྗོངས་ཉིང་ཁྲི་གྲོང་ཁྱེར་སྣང་རྫོང་གིས་རི་ཐང་དུ་ཤུག་ཆེན་སླར་གསོ་བྱེད་པའི་ལས་གྲྭ་འགོ་བཙུགས་ཏེ་མི་ཐབས་ལ་བརྟེན་པའི་གསོ་སྤེལ་བྱེད་ཐབས་བརྒྱུད། ཤུག་པའི་སྡོང་རྐང་13800སྐྱེ་འཚར་ལ་འཚམ་པའི་མུའུ་150ཟིན་པའི་རང་བྱུང་ཁོར་ཡུག་ཏུ་བཙུགས་པ་རེད། མིག་སྔར། སྡོང་ཕྲུག་རྐང་8500ལྷག་ཙམ་འདེབས་འཛུགས་ཟིན་པ་དང་། ལེ་ལག་ཚང་བའི་འཛུགས་སྐྲུན་ར་སྐོར་སྨི་3400བརྒྱབ་ཟིན་པ། ཆུ་རྫིང་1དང་ཆུ་འདྲེན་སྦུ་གུ་སྨི་3500ལྷག་ཙམ་བསྒར་ཟིན་པ་བཅས་རེད།

ཤུག་པ་ནི་བོད་ལྗོངས་ཉིང་ཁྲི་ཁོ་ནར་ཡོད་པའི་རྩ་ཆེའི་ཤུལ་བཞག་རིགས་ཤིག་ཡིན་ཞིང་། རྩི་ཤིང་རིགས་ཀྱི“འགྱུར་རྡོ་གསོན་པོ”ཞེས་འབོད་ཀྱི་ཡོད་ལ། རྒྱལ་ཁབ་ཀྱི་རིམ་པ་དང་པོའི་གཙོ་གནད་སྲུང་སྐྱོང་རྩི་ཤིང་ནང་བཅུག་ཡོད་པ་དང་། སྐྱེ་དངོས་ཀྱི་སྣ་མང་རང་བཞིན་ལ་སྲུང་སྐྱོང་དང་རང་བྱུང་དོ་སྙོམས་ལ་སྲུང་སྐྱོང་བྱེད་པའི་ཐད་གཞན་གྱིས་ཚབ་བྱེད་མི་ཐུབ་པའི་ནུས་པ་ཐོན་བཞིན་ཡོད།

བོད་ལྗོངས་ཉིང་ཁྲི་གྲོང་ཁྱེར་གྱི་རི་ཐང་དུ་ཤུག་ཆེན་ཁ་ཐོར་ཏུ་གནས་པ་མ་ཟད་གྲངས་འབོར་ཉུང་ཞིང་སྣང་རྫོང་དང་། སྨན་གླིང་ཡར་ཀླུང་གཙང་པོའི་ངོགས་ཀྱི་གུ་དོག་ཁུལ་ཏུ་སྐྱེ་བ་དང་། བྲག་ཡིབ་ཆུས་དང་སྤོ་བོ་རྫོང་ཡིད་འོང་ཤང་དུ་ཁ་ཐོར་དུ་གནས་ཡོད་ལ། སྣོད་བཅུད་རིན་ཐང་དང་། ཞིབ་འཇུག་རིན་ཐང་། རིག་གནས་རིན་ཐང་བཅས་ཆེན་པོ་ལྡན་ཡོད་པ་རེད།