ཉེ་དུས། བོད་རང་སྐྱོང་ལྗོངས་སྣོད་བཅུད་ཁོར་ཡུག་ཐིང་གིས《ལྗོངས་ཡོངས་ཀྱི་བཙོག་འབུད་ཚན་པར་སྤྲིངས་པའི་ཡོངས་བསྒྲགས་ཡི་གེ་ཞིག》སྤེལ་བ་རེད།
ཡོངས་བསྒྲགས་ཡི་གེའི་ནང་བསྟན་དོན། ཁྱེད་རྣམ་པས་རང་ལྗོངས་ཀྱི་སྣོད་བཅུད་ཁོར་ཡུག་ཀྱི་སྤུས་ཚད་རྒྱུན་འཁྱོངས་བྱེད་པའི་ཐད་འབད་བརྩོན་ཆེན་པོ་གནང་བ་དང་། རང་ལྗོངས་ཀྱི་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་རྒྱུར་ལེགས་སྐྱེས་ཕུལ་བ། དུས་ཡུན་རིང་པོའི་ནང་རང་ལྗོངས་ཀྱི་སྣོད་བཅུད་ཁོར་ཡུག་སྲུང་སྐྱོང་ལས་དོན་ལ་བསམ་ཤེས་དང་རྒྱབ་སྐྱོར་གནང་བ་བཅས་ལ་སྙིང་དབུས་ནས་ཐུགས་རྗེ་ཆེ་ཞུ་རྒྱུ་ཡིན།
ཡོངས་བསྒྲགས་ཡི་གེའི་ནང་བསྟན་དོན། བཙོག་འབུད་ཆོག་འཐུས་ལག་ཁྱེར་ནི་བཙོག་འབུད་ཚན་པས་ཁོར་ཡུག་གི་སྦགས་བཙོག་དངོས་པོ་ཕྱིར་འབུད་བྱེད་པའི་ཁྲིམས་གཏན་འཁེལ་བའི་ཆོག་འཐུས་ཡིན་ལ། རིམ་ཁག་སྣོད་བཅུད་ཁོར་ཡུག་སྡེ་ཚན་གྱིས་ཁོར་ཡུག་ལྟ་འདོམས་ལག་བསྟར་བྱེད་པའི་བཅའ་ཁྲིམས་ཀྱི་གཞི་འཛིན་ས་ཞིག་ཀྱང་རེད། ལག་ཁྱེར་ཡོད་པའི་སྒོ་ནས་བཙོག་བཅུད་དང་ལག་ཁྱེར་ལྟར་བཙོག་འབུད་བྱེད་པ་ནི་བཙོག་འབུད་ཚན་པའི་ཁྲིམས་གཏན་འཁེལ་བའི་འགན་འཁྲི་རེད་ལ། རྒྱུན་གཏན་ཚོང་གཉེར་གྱི་འགན་ལེན་ནུས་ལྡན་ཞིག་ཀྱང་རེད། དུས་ཐོག་ཏུ་ལག་ཁྱེར་མ་བླངས་པར་བཙོག་འབུད་བྱེད་པའམ་ཡང་ན་ལག་ཁྱེར་ལ་མ་བལྟོས་པར་བཙོག་འབུད་བྱས་ཕྱིན། རིམ་ཁག་སྣོད་བཅུད་ཁོར་ཡུག་སྲུང་སྐྱོང་སྡེ་ཚན་གྱིས་ཁྲིམས་འགལ་བྱེད་སྤྱོད་ལ་ཞིབ་བཤེར་ཐག་གཅོད་ནན་པོ་བྱེད་རྒྱུ་རེད།
ཡོངས་བསྒྲགས་ཡི་གེའི་ནང་བཙོག་འབུད་ཚན་པས《གཏན་འཇགས་སྦགས་བཙོག་འབྱུང་ཁུངས་བཤངས་འབུད་ཀྱི་ཆོག་འཐུས་རིགས་དབྱེའི་དོ་དམ་མིང་ཐོ(2019ལོའི་པར་གཞི)》ཡི་གཏན་འབེབས་གཞིར་བཟུང་། ཁེ་ལས་རང་ངོས་ཀྱི་ཁོངས་གཏོགས་ལས་རིགས་ཀྱི་དབྱེ་བ་དང་ཟུང་འབྲེལ་བྱས་ནས། ཁོངས་གཏོགས་དོ་དམ་གྱི་རིགས་དབྱེ་འབྱེད་བྱེད་དགོས། གཙོ་གནད་དོ་དམ་དང་དོ་དམ་སྟབས་བདེར་གཏོང་བའི་བཙོག་འབུད་ཚན་པའི་ཁོངས་གཏོགས་ཀྱིས་བཙོག་འབུད་ཆོག་འཐུས་ལག་ཁྱེར་རེ་ཞུ་བྱེད་དགོས་པ་དང་། ཐོ་བཀོད་དོ་དམ་གྱི་བཙོག་འབུད་ཚན་པའི་ཁོངས་གཏོགས་ཀྱིས་བཙོག་འབུད་ཆོག་འཐུས་ལག་ཁྱེར་རེ་ཞུ་བྱེད་མི་དགོས་པར། ཆ་འཕྲིན་ལས་སྟེགས་ལ་ཞུགས་ནས་ཐོ་འགོད་དང་། ཞུགས་པ། རེའུ་མིག་འགོད་པ་བཅས་བྱས་ཚེ་མ་ལག་ནང་རང་འགུལ་ངང་དུས་ཐོག་ཏུ་ཐོ་བཀོད་ཨང་རྟགས་དང་འབྱོར་ལན་གསལ་ཐུབ།
ཕྱུགས་རིགས་གསོ་ཚགས(ཁྱིམ་ཕྱུགས་གསོ་ཚགས)དང་བཤས་གཏོང་དེ་བཞིན་ཤ་རིགས་ལས་སྣོན། ཨ་རག་བསྙལ་བ། རྗ་ཆས་བཟོ་བ། གློག་ཤུགས་ཐོན་སྐྱེད། ཚ་ནུས་ཐོན་སྐྱེད་དང་མཁོ་འདོན། བཙོག་ཆུ་གཙང་སིང་བཅས་དང་དེ་བཞིན་བསྐྱར་སྐྱེད་བེད་སྤྱོད། ཁོར་ཡུག་བཅོས་སྐྱོང་ལས་རིགས་སོགས་ལས་རིགས་33གྱིས་2020ལོའི་ཟླ་4ཚེས་30ཉིན་གོང་ཁྲིམས་ལྟར་ལག་ཁྱེར་ལེན་པའམ་ཐོ་འགོད་དགོས་པ་དང་། 《2019ལོའི་མིང་ཐོར》འཇུག་པའི་དེ་བྱིངས་ཀྱི་བཙོག་འབུད་ཚན་པ་ཚང་མས་2020ལོའི་ཟླ་9ཚེས་20ཉིན་གོང་ཁྲིམས་ལྟར་ལག་ཁྱེར་ལེན་པའམ་ཡང་ན་ཐོ་འགོད་དགོས།