རང་ལྗོངས་ཀྱི་ཡུལ་སྐོར་ལས་རིགས་འཕེལ་རྒྱས་མགྱོགས་མྱུར་ཕྱིན་པ་དང་སྦྲགས། འདི་ལོའི་ལོ་སྟོད་དུ་རྒྱལ་ཁབ་ཕྱི་ནང་གི་ཡུལ་སྐོར་བ་མི་ཐེངས་ཁྲི་1340.97ལ་སྣེ་ལེན་ཞུས་པར་དུས་མཚུངས་ལས་20.2%འཕར་བ་དང་། ཡུལ་སྐོར་གྱི་སྤྱིའི་ཡོང་འབབ་སྒོར་དུང་ཕྱུར་149.36ཟིན་ནས་དུས་མཚུངས་ལས་19.8%འཕར་བ་རེད། འདི་ལོ་རང་ལྗོངས་ཀྱི་ཡུལ་སྐོར་ལས་རིགས་ཀྱིས། “སྤུས་ལེགས་དང་། ས་ཁོངས་ཧྲིལ་པོ། དུས་ཚིགས”བཅས་འཕེལ་རྒྱས་ཀྱི་གཙོ་རྐང་དུ་བྱེད་པ་དང“སའི་གོ་ལའི་སྣེ་གསུམ་པའི”ཡུལ་སྐོར་སྤུས་རྟགས་གཏོད་རྒྱུར་དམིགས་པ་དང་། “དགུན་དུས་བོད་དུ་ཡུལ་སྐོར་བྱེད་པའི”འཕེལ་ཕྱོགས་བརྟན་དུ་དང་འཕེལ་རྒྱས་བཏང་ནས། ལྷ་ས་རྒྱལ་སྤྱིའི་རིག་གནས་ཡུལ་སྐོར་གྲོང་ཁྱེར་དང་ཉིང་ཁྲི་རྒྱལ་སྤྱིའི་སྣོད་བཅུད་ཡུལ་སྐོར་ཁུལ། གངས་ཏི་སི་རྒྱལ་སྤྱིའི་ཡུལ་སྐོར་མཉམ་ལས་ཁུལ་བཅས་ཀྱི་འཛུགས་སྐྲུན་ལ་སྐུལ་འདེད་མགྱོགས་མྱུར་བཏང་ཞིང་། འདི་ནི་གནམ་གྲུ་ནས་བབས་མ་ཐག་པའི་ཡུལ་སྐོར་བས་ཉིང་ཁྲིའི་མཛེས་ལྗོངས་ལ་པར་རྒྱག་བཞིན་པ།