རྟེན་འབྲེལ་འཕྲིན་ཡིག

རྒྱལ་ཁབ་སྤྱི་གླིང་གླེང་སྟེགས་སྐབས་དང་པོ་འགོ་ཚུགས་པའི་སྐབས་སུ། ངས་གླེང་སྟེགས་འཚོགས་པར་སྤྲོ་སེམས་འཁོལ་བའི་རྟེན་འབྲེལ་ཞུ་རྒྱུ་ཡིན་ལ་གླེང་སྟེགས་ལ་ཞུགས་མཁན་རྒྱལ་ཁབ་ཁག་གི་སྐུ་མགྲོན་དང་ལས་རིགས་ཁག་གི་མི་སྣར་ལྷག་བསམ་ཟོལ་མེད་ཀྱི་དགའ་བསུ་ཡང་ཞུ་རྒྱུ་ཡིན།

སྣོད་བཅུད་ཤེས་དཔལ་འཛུགས་སྐྱོང་ནི་མིའི་རིགས་ཀྱི་ཤེས་དཔལ་གོང་འཕེལ་དང་ཡར་ཐོན་ཡོང་བར་དོན་སྙིང་ཧ་ཅང་གལ་ཆེན་ལྡན་ཡོད། ཉེ་བའི་ལོ་ཤས་རིང་། ཀྲུང་གོས་སྔོ་ཞིང་དྭངས་བའི་རི་ཆུ་གསེར་རི་དངུལ་རི་ཡིན་པའི་འདུ་ཤེས་མཐའ་འཁྱོངས་དང་རི་ཆུ་ནགས་ཞིང་མཚོ་རྩྭ་བཅས་ཀྱི་མ་ལག་བཅོས་སྐྱོང་མཐའ་འཁྱོངས་བྱས་ཏེ་རྒྱལ་ཁབ་སྤྱི་གླིང་གི་སྒྲིག་སྲོལ་ལག་ལེན་བསྟར་ཡོད། གཙང་གསུམ་ཆུ་འགོ་རྒྱལ་ཁབ་སྤྱི་གླིང་ནི་ཀྲུང་གོའི་རྒྱལ་ཁབ་སྤྱི་གླིང་གི་སྒྲིག་སྲོལ་ཚོད་ལྟ་བྱ་ཡུལ་དང་པོ་དེ་ཡིན་ཞིང་། ཀྲུང་གོས་རྒྱལ་ཁབ་སྤྱི་གླིང་གི་སྒྲིག་སྲོལ་ལག་ལེན་བསྟར་དོན་གྱི་དམིགས་ཡུལ་ནི་རང་བྱུང་སྣོད་བཅུད་མ་ལག་གི་སྔར་ཡོད་རྣམ་པ་དང་ཆ་ཚང་རྣམ་པ་རྒྱུན་འཁྱོངས་ཀྱིས་སྐྱེ་དངོས་ཀྱི་སྣ་མང་རང་བཞིན་དང་སྣོད་བཅུད་བདེ་འཇགས་སྲུང་ཡོལ་ལ་སྲུང་སྐྱོང་བྱས་ཏེ་བུ་རབས་ཚ་རྒྱུད་ལ་རྩ་ཆེ་བའི་རང་བྱུང་གི་ཐོན་ཁུངས་འཇོག་རྒྱུ་དེ་རེད། དེ་ནི་ཀྲུང་གོས་རང་བྱུང་སྣོད་བཅུད་སྲུང་སྐྱོང་ལ་སྐུལ་འདེད་དང་། མཛེས་སྡུག་ལྡན་པའི་ཀྲུང་གོ་འཛུགས་སྐྲུན། མི་དང་རང་བྱུང་ཁམས་ཞི་མཐུན་མཉམ་གནས་ལ་སྐུལ་འདེད་བཅས་ཀྱི་བྱ་ཐབས་གལ་ཆེན་ཞིག་རེད།

ཀྲུང་གོས་སྣོད་བཅུད་ཤེས་དཔལ་འཛུགས་སྐྱོང་ལ་ཤུགས་སྣོན་རྒྱག་པར་ཀྲུང་གོའི་རྒྱལ་བབ་དང་ཟུང་འབྲེལ་དམ་ཟབ་བྱེད་དགོས་ལ་ཕྱི་རྒྱལ་གྱི་ལེགས་གྲུབ་ལྡན་པའི་ཉམས་མྱོང་རྒྱ་ཁྱབ་ཏུ་དཔྱད་གཞིར་འཛིན་དགོས། སྐབས་འདིའི་གླེང་སྟེགས་ཀྱིས“རྒྱལ་ཁབ་སྤྱི་གླིང་གཙོ་བོར་བཟུང་བའི་རང་བྱུང་སྲུང་སྐྱོང་ཁུལ་གྱི་མ་ལག་འཛུགས་པའི”བརྗོད་དོན་གཙོ་བོ་འདིར་དམིགས་ཏེ་བགྲོ་གླེང་གཏིང་ཟབ་དང་བློ་བསྡུས་དགེ་འཚོལ་གྱིས་འཛམ་གླིང་གི་སྣོད་བཅུད་ཤེས་དཔལ་གྱི་མཛེས་སྡུག་ལྡན་པའི་འབྱུང་འགྱུར་མཉམ་དུ་གཏོད་པ་དང་མིའི་རིགས་ཀྱི་ལས་དབང་གཅིག་མཐུན་འདུས་གྲུབ་བསྐྲུན་པར་སྐུལ་འདེད་གཏོང་རྒྱུར་ལེགས་སྐྱེས་འབུལ་རྒྱུའི་རེ་བ་ཡོད།

མཇུག་ཏུ། རྒྱལ་ཁབ་སྤྱི་གླིང་གླེང་སྟེགས་སྐབས་དང་པོ་ཐུགས་གྲ་ལེགས་འགྲིག་ཡོང་བའི་སྨོན་འདུན་ཞུ།

ཞི་ཅིན་ཕིང་གིས།

2019ལོའི་ཟླ་8ཚེས་19ཉིན།

(ཤིན་ཧྭ་གསར་འགྱུར་ཁང་པེ་ཅིང་ནས་ཟླ་8ཚེས་19ཉིན་འབྱོར་པའི་གློག་འཕྲིན)

རྒྱལ་ཁབ་སྤྱི་གླིང་གླེང་སྟེགས་སྐབས་དང་པོ་འགོ་ཚུགས་པའི་སྐབས་སུ། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གིས་རྟེན་འབྲེལ་འཕྲིན་ཡིག་སྤྲིངས་ཏེ་གླེང་སྟེགས་འཚོགས་པར་སྤྲོ་སེམས་འཁོལ་བའི་རྟེན་འབྲེལ་ཞུས་གནང་བ་དང་། གླེང་སྟེགས་ལ་ཞུགས་མཁན་རྒྱལ་ཁབ་ཁག་གི་སྐུ་མགྲོན་དང་ལས་རིགས་ཁག་གི་མི་སྣར་ལྷག་བསམ་ཟོལ་མེད་ཀྱི་དགའ་བསུ་ཡང་ཞུས་གནང་བ་རེད།

ཞི་ཅིན་ཕིང་གིས་རྟེན་འབྲེལ་འཕྲིན་ཡིག་ནང་། སྣོད་བཅུད་ཤེས་དཔལ་འཛུགས་སྐྱོང་ནི་མིའི་རིགས་ཀྱི་ཤེས་དཔལ་གོང་འཕེལ་དང་ཡར་ཐོན་ཡོང་བར་དོན་སྙིང་ཧ་ཅང་གལ་ཆེན་ལྡན་ཡོད། ཉེ་བའི་ལོ་ཤས་རིང་། ཀྲུང་གོས་སྔོ་ཞིང་དྭངས་བའི་རི་ཆུ་གསེར་རི་དངུལ་རི་ཡིན་པའི་འདུ་ཤེས་མཐའ་འཁྱོངས་དང་རི་ཆུ་ནགས་ཞིང་མཚོ་རྩྭ་བཅས་ཀྱི་མ་ལག་བཅོས་སྐྱོང་མཐའ་འཁྱོངས་བྱས་ཏེ་རྒྱལ་ཁབ་སྤྱི་གླིང་གི་སྒྲིག་སྲོལ་ལག་ལེན་བསྟར་ཡོད། གཙང་གསུམ་ཆུ་འགོ་རྒྱལ་ཁབ་སྤྱི་གླིང་ནི་ཀྲུང་གོའི་རྒྱལ་ཁབ་སྤྱི་གླིང་གི་སྒྲིག་སྲོལ་ཚོད་ལྟ་བྱ་ཡུལ་དང་པོ་དེ་ཡིན་ཞིང་། ཀྲུང་གོས་རྒྱལ་ཁབ་སྤྱི་གླིང་གི་སྒྲིག་སྲོལ་ལག་ལེན་བསྟར་དོན་གྱི་དམིགས་ཡུལ་ནི་རང་བྱུང་སྣོད་བཅུད་མ་ལག་གི་སྔར་ཡོད་རྣམ་པ་དང་ཆ་ཚང་རྣམ་པ་རྒྱུན་འཁྱོངས་ཀྱིས་སྐྱེ་དངོས་ཀྱི་སྣ་མང་རང་བཞིན་དང་སྣོད་བཅུད་བདེ་འཇགས་སྲུང་ཡོལ་ལ་སྲུང་སྐྱོང་བྱས་ཏེ་བུ་རབས་ཚ་རྒྱུད་ལ་རྩ་ཆེ་བའི་རང་བྱུང་གི་ཐོན་ཁུངས་འཇོག་རྒྱུ་དེ་རེད། དེ་ནི་ཀྲུང་གོས་རང་བྱུང་སྣོད་བཅུད་སྲུང་སྐྱོང་ལ་སྐུལ་འདེད་དང་། མཛེས་སྡུག་ལྡན་པའི་ཀྲུང་གོ་འཛུགས་སྐྲུན། མི་དང་རང་བྱུང་ཁམས་ཞི་མཐུན་མཉམ་གནས་ལ་སྐུལ་འདེད་བཅས་ཀྱི་བྱ་ཐབས་གལ་ཆེན་ཞིག་རེད་ཅེས་གསུངས་པ་རེད།

ཞི་ཅིན་ཕིང་གིས་ཀྲུང་གོས་སྣོད་བཅུད་ཤེས་དཔལ་འཛུགས་སྐྱོང་ལ་ཤུགས་སྣོན་རྒྱག་པར་ཀྲུང་གོའི་རྒྱལ་བབ་དང་ཟུང་འབྲེལ་དམ་ཟབ་བྱེད་དགོས་ལ་ཕྱི་རྒྱལ་གྱི་ལེགས་གྲུབ་ལྡན་པའི་ཉམས་མྱོང་རྒྱ་ཁྱབ་ཏུ་དཔྱད་གཞིར་འཛིན་དགོས། སྐབས་འདིའི་གླེང་སྟེགས་ཀྱིས“རྒྱལ་ཁབ་སྤྱི་གླིང་གཙོ་བོར་བཟུང་བའི་རང་བྱུང་སྲུང་སྐྱོང་ཁུལ་གྱི་མ་ལག་འཛུགས་པའི”བརྗོད་དོན་གཙོ་བོ་འདིར་དམིགས་ཏེ་བགྲོ་གླེང་གཏིང་ཟབ་དང་བློ་བསྡུས་དགེ་འཚོལ་གྱིས་འཛམ་གླིང་གི་སྣོད་བཅུད་ཤེས་དཔལ་གྱི་མཛེས་སྡུག་ལྡན་པའི་འབྱུང་འགྱུར་མཉམ་དུ་གཏོད་པ་དང་མིའི་རིགས་ཀྱི་ལས་དབང་གཅིག་མཐུན་འདུས་གྲུབ་བསྐྲུན་པར་སྐུལ་འདེད་གཏོང་རྒྱུར་ལེགས་སྐྱེས་འབུལ་རྒྱུའི་རེ་བ་ཡོད་ཅེས་ནན་བཤད་གནང་བ་རེད། (འཕྲིན་ཡིག་གི་ནང་དོན་ལོགས་སུ་འགོད་རྒྱུ)

ཚེས་19ཉིན་གྱི་སྔ་དྲོ། རྒྱལ་ཁབ་སྤྱི་གླིང་གླེང་སྟེགས་སྐབས་དང་པོ་མཚོ་སྔོན་ཟི་ལིང་དུ་འགོ་ཚུགས་ཤིང་། འགོ་ཚུགས་མཛད་སྒོའི་ཐོག་ཞི་ཅིན་ཕིང་གི་རྟེན་འབྲེལ་འཕྲིན་ཡིག་སྒྲོག་སྦྱངས་བྱས་པ་དང་། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་ཁྲེན་ཞའོ་ཀོང་འགོ་ཚུགས་མཛད་སྒོར་ཞུགས་པ་རེད།

རྒྱལ་ཁབ་སྤྱི་གླིང་གླེང་སྟེགས་སྐབས་དང་པོ་ནི་རྒྱལ་ཁབ་ནགས་ལས་རྩྭ་ཐང་ཅུས་དང་མཚོ་སྔོན་ཞིང་ཆེན་སྲིད་གཞུང་གིས་གཙོ་གཉེར་བྱས་པ་དང་། དེར་གླེང་སྟེགས་ཨ་མ་དང་། ཡན་ལག་གླེང་སྟེགས། ཟུར་ཚོགས། ཚོགས་ར་ཕྱིའི་མཉམ་འགུལ། འགྲེམས་སྟོན་བྱེད་སྒོ་སོགས་ཀྱི་ལྷུ་ཚིགས་དབྱེ་ཡོད་པ་རེད། ཀྲུང་དབྱང་དང་རྒྱལ་ཁབ་ལས་ཁུངས་ཀྱི་འབྲེལ་ཡོད་སྡེ་ཚན་དང་། རྒྱལ་ཁབ་སྤྱི་གླིང་གི་སྒྲིག་སྲོལ་ཚོད་ལྟ་བྱ་ཡུལ་གྱི་ཞིང་ཆེན། འབྲེལ་ཡོད་ཞིབ་འཇུག་སྒྲིག་གཞི་བཅས་ཀྱི་འགན་འཁུར་བློ་མཐུན་དང་། འབྲེལ་ཡོད་རྒྱལ་ཁབ་དང་རྒྱལ་སྤྱིའི་རྩ་འཛུགས་ཀྱི་འཐུས་མི། རིགས་གཅིག་མཁས་ཅན་དང་མཁས་དབང་གི་འཐུས་མི་སོགས་མི་གྲངས་450ཙམ་གླེང་སྟེགས་ལ་ཞུགས་པ་རེད།