ཉེ་ཆར། རི་བོ་ཆེ་རྫོང་གིས་རྒྱ་ཆེའི་ལས་བྱེད་པ་དང་མང་ཚོགས་སྣོད་བཅུད་ཤེས་དཔལ་འཛུགས་སྐྱོང་ནང་ཞུགས་པའི་ཧུར་བརྩོན་རང་བཞིན་དང་རང་འགུལ་རང་བཞིན་སྐོང་འཐེན་གང་ལེགས་བྱ་ཆེད། 《རི་བོ་ཆེའི2019ལོའི“དྲུག·ལྔ”ཁོར་ཡུག་ཉིན་མོའི་དྲིལ་བསྒྲགས་བྱེད་སྒོའི་ཇུས་གཞི》གཞིར་བཟུང་། “མཛེས་སྡུག་ལྡན་པའི་ཀྲུང་གོ ང་ནི་བྱ་སྤྱོད་སྤེལ་མཁན་ཡིན”ཞེས་པའི་བརྗོད་དོན་གཙོ་བོའི་ལག་ལེན་བྱེད་སྒོ་ཕྱོཌ་ཡོངས་ནས་སྤེལ་འགོ་ཚུགས་པ་རེད།

བྱེད་སྒོ་སྤེལ་རིང་རྫོང་སྲིད་གཞུང་གི་སྒོ་རྩ་དང་ཁྲུང་ཆིང་ཐང་ཆེན་སོགས་འདུ་འཛོམས་ཆེ་སར་བློ་འདྲིའི་ལས་སྟེགས་12བཙུགས་པ་དང་དྲིལ་བསྒྲགས་འཕྲེད་འགེལ་ཡི་གེ་5བཀལ་ནས་དྲིལ་བསྒྲགས་ཡི་གེ་1000ལྷག་ཙམ་དང་། ཁོར་ཡུག་སྲུང་སྐྱོང་གི་ཁུག་མ་1000ལྷག་ཙམ། དྲིལ་བསྒྲགས་ལག་དེབ་700ལྷག་ཙམ་བཅས་སྤྲད་པ་མ་ཟད། ད་དུང་ཞིང་ཞོར་ཁྲོམ་ར་དང་། སྒོ་རྩིས་ཚོང་ཁང་། ཟ་ཁང་སོགས་སུ་བསྐྱོད་ནས་མང་ཚོགས་ལ་ཁོར་ཡུག་སྲུང་སྐྱོང་ཐད་ཀྱི་གནད་དོན་ལ་ལན་བརྒྱབ་པ་རེད།