ཉེ་བའི་ལོ་ཤས་རིང་། ཆབ་མདོ་གྲོང་ཁྱེར་གྱིས་ཐོག་མཐའ་བར་གསུམ་དུ་གྲོང་གསེབ་ཀྱི་རང་བྱུང་སྣོད་བཅུད་ཁོར་ཡུག་སྲུང་སྐྱོང་དང་། གྲོང་གསེབ་ཀྱི་ཁོར་ཡུག་ཐད་ཀྱི་མངོན་གསལ་དོད་པའི་གནད་དོན་བཅོས་སྐྱོང་། གྲོང་གསེབ་ཀྱི་ལྗང་མདོག་དཔལ་འབྱོར་འཕེལ་རྒྱས་བཅས་དམ་འཛིན་བྱ་གཞིར་བྱ་རྒྱུ་མཐའ་འཁྱོངས་ཀྱིས་གྲོང་གསེབ་ཀྱི་ལྗང་མདོག་འཕེལ་རྒྱས་ཀྱི་མྱུར་ཚད་མགྱོགས་སུ་བཏང་ནས་མི་སེར་ཕྱུག་པོ་དང་སྣོད་བཅུད་མཛེས་སྡུག་ལྡན་པ་གཉིས་གཅིག་གྱུར་ཡོང་རྒྱུར་སྐུལ་འདེད་ནུས་ལྡན་བཏང་བ་རེད།

རང་ཡུལ་གྱི་སྡོང་ཕྲུག་གཙོ་བོར་བྱས་པའི་གཞི་ཁྱོན་ཆེ་བའི་རྒྱལ་ཁབ་ས་ཆ་སྔོ་འགྱུར་བྱ་སྤྱོད་ལག་བསྟར་ཤུགས་ཆེན་བྱས་ཏེ“གཙང་པོ་གཉིས་དང་ཆུ་བོ་བཞིའི”ནགས་བཟོ་དང་། གཙོ་གནད་ས་ཁོངས་ཀྱི་ནགས་བཟོ། འོས་འགན་ཤིང་འཛུགས། རང་བྱུང་སྲུང་སྐྱོང་གི་སྤྱི་ཕན་ནགས་ཚལ་འཛུགས་སྐྲུན་རྒྱ་ཁྱོན་མུའུ་ཁྲི་7.51ལེགས་སྒྲུབ་བྱས་པ་དང་། འཚོ་བའི་གད་སྙིགས་གཙང་སེལ་སྒྲིག་བཀོད་19བསྐྲུན་པ་དང་འཚོ་བའི་གད་སྙིགས་སྤྱི་གནོད་མེད་པའི་ཐག་གཅོད་སྒྲིག་བཀོད་14བཀོད་སྒྲིག་བྱས་ཡོད། ཞིང་འབྲོག་ཁུལ་གྱི་འཚོ་བའི་བཙོག་ཆུ་གཙང་གསིང་ལ་རིམ་བཞིན་སྐུལ་འདེད་བཏང་ནས་དཔའ་ཤོད་རྫོང་གི་ཉིན་རེར་ཤང(གྲོང་རྡལ)གི་བཙོག་ཆུ་ཏུན་500གཙང་གསིང་བྱ་རྒྱུའི་རྣམ་གྲངས་ཀྱི་ཚོད་ལྟ་ལེགས་སྒྲུབ་བྱུང་བ་དང་། གྲོང་གསེབ་ཀྱི་བཙོག་ཆུ་གཙང་གསིང་གི་ཚོད་ལྟའི་གྲོང་ཚོ་3འཚོལ་ཞིབ་བྱས་ནས་འཛུགས་སྐྲུན་བྱས་པ། སྟེང་ཆེན་དང་། མཛོ་སྒང་། འཇོ་མདའ་སོགས་རྫོང་དང་དཔལ་འབྱོར་གསར་སྤེལ་ཁུལ་གྱི་རྫོང་རིམ་པའི་བཙོག་ཆུ་གཙང་གསིང་བཟོ་གྲྭ་4ལ་མ་དངུལ་བཏང་ནས་ལག་བསྟར་བྱས་པས་རྫོང་རིམ་པར་བཙོག་ཆུ་གཙང་གསིང་སྒྲིག་བཀོད་མེད་པའི་སྟོང་ཆ་བསྐངས་པ། “གསང་སྤྱོད་གསར་བརྗེར”སྐུལ་འདེད་ཤུགས་ཆེན་བཏང་སྟེ་རང་སྐྱོང་ལྗོངས་ཀྱིས་དཀྲིས་པའི་འཛུགས་སྐྲུན་ལས་འགན་ཁག་161ལེགས་སྒྲུབ་བྱས་པ་དང་གནས་སྤོས་དབུལ་སྐྱོར་བཀོད་སྒྲིག་ས་ཚིགས་སུ་གསང་སྤྱོད་253འཛུགས་སྐྲུན་ལེགས་སྒྲུབ་བྱས་ཡོད།

2018ལོའི་ལོ་མཇུག་བར། གྲོང་ཁྱེར་ཡོངས་ཀྱིས་ཁྱོན་དཔལ་འབྱོར་ནགས་ཚལ་མུའུ་ཁྲི་2.56འཛུགས་སྐྲུན་ལེགས་སྒྲུབ་བྱས་པ་དང་ཡིག་ཚགས་དང་གཱ་བཟོས་པའི་དུད་ཚང་1287གྱི་མི་6211སྐུལ་ཁྲིད་བྱས་པས་མི་རེར་ཆ་སྙོམས་ཡོང་འབབ་སྒོར་3360འཕར་བ་དང་། མུའུ་ཁྲི་1ཟིན་པའི་ནགས་ཤིང་སྡོང་ཕྲུག་རྟེན་གཞི་འཛུགས་སྐྲུན་བྱས་པ་དང་ཡིག་ཚགས་དང་གཱ་བཟོས་པའི་དུད་ཚང་དབུལ་པོ་621གི་མི་2470སྐུལ་ཁྲིད་བྱས་པས་མི་རེར་ཆ་སྙོམས་འབབ་འཕར་སྒོར་3400བྱུང་བ་རེད།