ཀླུ་ནང་ནས་ལྷོ་ཕྱོགས་སུ་ཐོན་ཏེ་བདེ་མོ་ལ་བརྒལ་ནས་སྤྱི་ལེ་སུམ་ཅུ་ཙམ་བསྐྱོད་མཐར་གཞི་ནས་བྲག་ཡིབ་ཆུས་སྨན་རི་ཤང་སད་སྒོ་རྭ་གྲོང་ཚོར་སླེབས་ཀྱི་ཡོད། གྲོང་ཚོ་དེར“ཁྱིམ་ཚང་ཆེ་མོ”ཞེས་བརྗོད་པ་དང་། དེ་ནི་ཡར་ཀླུང་གཙང་འགྲམ་རྒྱུད་ཀྱི་ཡིད་དུ་འོང་བའི་གྲོང་ཚོ་ཞིག་རེད།
ཉིང་ཁྲི་གྲོང་ཁྱེར་གྱི་ཉེ་རིང་གང་སར་སྐད་གྲགས་ཆོད་པའི་འབྱོར་ཕྱུག་གྲོང་ཚོ་དང་འབྱོར་འབྲིང་དཔེ་སྟོན་གྲོང་ཚོ་དེའི་སྣེ་ཁྲིད་མཁན་ནི་གྲོང་ཚོའི་ཏང་ཀྲི་པུའི་ཧྲུའུ་ཅི་མཆོག་ཚེ་རིང་ཡིན་ཞིང་། ཁོང་གི་སྣེ་ཁྲིད་འོག་གྲོང་མི་རྣམས་དབུལ་ཞྭ་ཕུད་ཐུབ་པ་བྱུང་བ་དང་། སད་སྒོ་རྭ་གྲོང་ཚོ་དེ་ཡང་སྨན་རི་ཤང་གི་དབུལ་སྒྲོལ་གྲོང་ཚོ་ཐོག་མ་དེར་གྱུར། གྲོང་ཚོ་དབུལ་སྒྲོལ་ཐུབ་རྗེས། མཆོག་ཚེ་རིང་གིས་སྣོད་བཅུད་ཁོར་ཡུག་སྲུང་སྐྱོང་ལ་འབད་བརྩོན་བྱ་རྒྱུ་དོར་མེད།
ལོ་མང་གོང་། རང་བྱུང་ཁོར་ཡུག་སོགས་རྒྱུ་རྐྱེན་མང་པོ་ཞིག་གི་རྐྱེན་པས་ཡར་ཀླུང་གཙང་པོའི་རྒྱུད་བྱེ་སར་གྱུར་པའི་གནད་དོན་ཚབས་ལྕི་རུ་ཕྱིན་པ་དང་། སྔོ་ཁེབས་ཉུང་བ། གཙང་ཆུ་རྒྱས་པའི་དུས་སུ་ཞིང་ཁ་ཆུས་བསྣུབས་ཀྱི་ཡོད། སྐབས་དེ་དུས་བྱེ་རླུང་ལྡང་སྐབས་མིག་ཡང་གདང་མི་ཐུབ་པ་མ་ཟད། ཡུལ་མི་ཚོའི་མགོ་དང་གདོང་པ་ཐལ་བས་ཁེངས་ཀྱི་ཡོད། བྱེ་རླུང་གིས་ཡུལ་མི་ཚོའི་ཁང་པར་གནོད་འཚེ་བཟོ་བ་མ་ཟད་ད་དུང་ཡུལ་མི་ཚོའི་བདེ་ཐང་ལའང་དེ་བས་ཉེན་ཁ་བཟོ་གི་ཡོད།
གནད་དོན་དེར་འགྱུར་ལྡོག་གཏོང་ཆེད། 2008ལོར་ཆའོ་ཚེ་རིང་གྲོང་ཚོའི་ཏང་ཀྲི་པུའི་ཧྲུའུ་ཅིར་བདམས་པའི་ལོ་གཉིས་པར་ཡུལ་མིའི་སྣེ་འཁྲིད་དེ་བྱེ་འགོག་ནགས་བཟོའི་ལས་འགོ་ཚུགས་པ་དང་ལོ་ལྟར་ཤིང་འཛུགས་རྒྱ་ཁྱོན་མུའུ་ཉིས་སྟོང་ནས་ལྔ་སྟོང་བར་གྱི་ལས་འགན་བཀོད་སྒྲིག་བར་མཚམས་ཆད་མྱོང་མེད། ལོ་བཅུའི་རིང་སད་སྒོ་རྭ་གྲོང་ཚོས་ཁྱོན་ལྗོན་ཤིང་རྐང་ཁྲི་བཅུ་གྲངས་ཁ་ཤས་བཏབ་པའི་རྒྱ་ཁྱོན་ལ་མུའུ་ཁྲི་7ཙམ་ཟིན་ཡོད།
ད་ཆ་སད་སྒོ་རྭ་གྲོང་ཚོ་དེ་སྔོ་ལྗང་གིས་བརྒྱན་པའི་གྲོང་ཚོར་གྱུར་ཞིང་། ཡངས་ཤིང་རྒྱ་ཆེ་བའི་ཨར་འདམ་ལམ་བུ་དང་གཙང་ལ་བཀོད་པ་མཛེས་པའི་གྲོང་ཚོའི་རྣམ་པ། དཀར་ཆ་དོད་པའི་ཀོང་པོའི་སྡོད་ཁང་གསར་པ་གྲལ་སྟར་འགྲིག་པ་དང་། སྒོ་རའི་ནང་མེ་ཏོག་གིས་ཁེངས་ཤིང་སྡོད་ཁང་གཙང་སྦྲ་དོད་པ། ཡུལ་མི་ཚོ་སེམས་རྩ་འཁོལ་ལ་གདོང་ནས་དགའ་བའི་འཛུམ་མདངས་འཕྱུར་བ་བཅས་ཀྱི་རྣམ་པས་ཁེངས་ཡོད། ལོ་འདི་དག་ནང་ཤིང་འཛུགས་བྱེད་སྒོ་སྤེལ་རིམ་བཞིན་སད་སྒོ་རྭ་གྲོང་ཚོའི་དུད་ཚང་ཚང་མས་རང་འགུལ་ངང་ཞུགས་པ་མ་ཟད། དུད་ཚང་རེ་ནས་མི་གཉིས་ནས་གསུམ་བར་གཏོང་གི་ཡོད། ཡུལ་མི་ཚོའི་ཡིད་ཆེས་དང་རྒྱབ་སྐྱོར་ནི་ཆའོ་ཚེ་རིང་གིས་ཤིང་འཛུགས་ནགས་བཟོའི་འཆར་གཞི་སྤེལ་བའི་སྒུལ་ཤུགས་ཆེ་ཤོས་སུ་གྱུར་པ་དང་། ཁོང་གིས་ཕ་ཡུལ་གྱི་བྱེ་ས་དེ་སྔོ་ལྗང་ཅན་དུ་འགྱུར་རྒྱུ་དང་། བདག་ཏུ་མ་བཟུང་བའི་སྲོག་ཆགས་དེ་བས་མང་བ་དེ་གར་སླེབས་པའི་རེ་བ་བཅངས་བཞིན་ཡོད།