གསར་འགོད་པར་བོད་རང་སྐྱོང་ལྗོངས་མི་དམངས་ཞིབ་དཔྱོད་ཁང་ནས་ཤེས་རྟོགས་བྱུང་བར། 2018ལོ་ཚུན། བོད་ལྗོངས་ཞིབ་དཔྱོད་ལས་ཁུངས་ཀྱིས་རྒྱལ་ཁབ་ཀྱི་སྣོད་བཅུད་བདེ་འཇགས་སྲུང་ཡོལ་གལ་ཆེན་གྱི་ལྗོངས་བབ་ལ་ངོས་འཛིན་བྱེད་ཟབ་ཏུ་བཏང་སྟེ། མཛེས་སྡུག་ལྡན་པའི་བོད་ལྗོངས་འཛུགས་སྐྲུན་ནང་ཧུར་ཐག་ཞུགས་པ་དང་། “ཆེད་ལས་ཅན་གྱི་བཅའ་ཁྲིམས་ལྟ་སྐུལ་དང་སླར་གསོའི་རང་བཞིན་གྱི་ཁྲིམས་འཛིན་ལག་ལེན། སྤྱི་ཚོགས་ཅན་གྱི་ཕྱོགས་བསྡུས་བཅོས་སྐྱོང”བཅས་གཞི་གཅིག་ཏུ་བྱས་པའི་སྣོད་བཅུད་ཞིབ་དཔྱོད་ཀྱི་བྱེད་ཐབས་གསར་པ་འཚོལ་ཞིབ་ཀྱིས་བཏོད་པ། ཁྲིམས་ལྟར་མི་55ཞུ་སྦྱོར་བྱས་པ་དེ་དུས་མཚུངས་ལས་34.2%འཕར་བ། རང་འགུལ་ངང་སྣོད་བཅུད་ཁོར་ཡུག་སྲུང་སྐྱོང་གི་སྤྱི་ཕན་གཏུག་བཤེར་གྱོད་གཞིའི་ཁུངས་སྣེ་313ཤེས་རྟོགས་བྱས་པ། གྱོད་གཞི་170ཐོ་འགོད་བྱས་པ། གཏུག་བཤེར་མ་བྱས་གོང་ཞིབ་དཔྱོད་གྲོས་འགོ་162བཏོན་པ། ཉེས་དོན་ཞོར་སྦྲགས་དམངས་དོན་གྱི་སྤྱི་ཕན་ཞུ་གཏུག་3ཁྲིམས་ལྟར་བརྒྱབ་པ་ཚང་མར་ཁྲིམས་ཁང་གི་ཁྲིམས་གཅོད་རྒྱབ་སྐྱོར་ཐོབ་པ། སྤྱི་ཕན་གཏུག་བཤེར་གྱི་འགན་ནུས་ལག་ལེན་བསྟར་བ་དེ་ཁྱབ་ཁོངས་ཆེ་གྲས་བཞི་ཚང་མར་ཁྱབ་པར་བྱས་ཡོད།

བོད་ཀྱི་སྣོད་བཅུད་ཁོར་ཡུག་སྲུང་སྐྱོང་གི་ཚོགས་ཆེན་གྱི་བཀོད་སྒྲིག་གཞིར་བཟུང་། བོད་ལྗོངས་ཞིབ་དཔྱོད་ལས་ཁུངས་ཀྱིས“ལམ་ལུགས་ནན་ཤོས་དང་ཁྲིམས་སྐྱོང་བཙན་ཤོས་ཀྱི་ཐོག་ནས་སྣོད་བཅུད་ཁོར་ཡུག་སྲུང་སྐྱོང་བྱེད་དགོས་པའི”བླང་བྱ་ལག་བསྟར་དོན་འཁྱོལ་མཐའ་གཅིག་ཏུ་བྱས་ཏེ། རྡུང་རྡེག་དང་། ལྟ་སྐུལ། སྲུང་སྐྱོང་། སྔོན་འགོག ཞབས་ཞུ་སོགས་བྱེད་ཐབས་ཕྱོགས་བསྡུས་ཐོག་སྤྱད་ནས། སྣོད་བཅུད་ཤེས་དཔལ་འཛུགས་སྐྱོང་གི་ཆབ་སྲིད་ཀྱི་འགན་འཁྲི་ཏན་ཏིག་འཁུར་བ་དང་། སྣོད་བཅུད་ཁོར་ཡུག་སྲུང་སྐྱོང་གི་ཆ་འཕྲིན་མཉམ་སྤྱོད་དང་། གྱོད་གཞིའི་གནས་ཚུལ་ཚུལ་བརྡ་ཁྱབ། གྱོད་གཞི་རྩིས་སྤྲོད་བཅས་ཀྱི་ལམ་ལུགས་འཛུགས་རྒྱུའི་སྐོར་གྱི་རང་སྐྱོང་ལྗོངས་ཏང་ཨུད་ཀྱི་བླང་བྱ་དོན་འཁྱོལ་བྱས་པ་དང་ཞིབ་དཔྱོད་ལས་ཁུངས་ཀྱིས་སྤྱི་ཕན་གཏུག་བཤེར་བྱེད་པའི་ལམ་ལུགས་བཀོད་སྒྲིག་ལ་བརྟེན་ནས་སྣོད་བཅུད་ཁོར་ཡུག་སྲུང་སྐྱོང་དང་བཅོས་སྐྱོང་གི“ཞིབ་དཔྱོད་སྤུ་གྲི”ཞིག་བཏོད་ཡོད། ཞིབ་དཔྱོད་ལས་ཁུངས་ཀྱི“སྤྱི་པའི་ཁེ་ཕན་གྱི་ཚབ་མཚོན”གྱི་གསར་དུ་བསྣན་པའི་འགན་འཁྲིའི་ངེས་གནས་གང་ལེགས་མངོན་པར་བྱས་ཏེ། ཞིབ་དཔྱོད་ལས་ཁུངས་ཀྱིས་སྤྱི་ཕན་གཏུག་བཤེར་བྱེད་པའི་ལས་དོན་ལ་སྐུལ་འདེད་བཏང་བ་དེ་ལོ་འཁོར་གྱི་བོད་ཀྱི་ཞིབ་དཔྱོད་ལྟ་སྐུལ་ལས་སྒོ་འཕེལ་རྒྱས་ཀྱི་འཕར་གཞི་གསར་པ་དང་ལས་དོན་གྱི་བཀྲག་མདངས་འཚེར་ས་ཆེ་ཤོས་ཤིག་ཏུ་གྱུར་ཡོད།