མི་དམངས་དྲ་བའི་འཕྲིན། སྨར་ཁོག་ཆུ་བོའི་ནགས་ར་ནི་མཚོ་སྔོན་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་པད་མ་རྫོང་ཁོངས་སུ་ཡོད་པ་དང་། མཚོ་སྔོན་དང་སི་ཁྲོན་ཞིང་ཆེན་གཉིས་བརྒལ་ཡོད་ཅིང་རྒྱལ་ནང་གི་ས་བབ་མཐོ་ཤོས་སུ་ཆགས་པའི་རང་བྱུང་གདོད་མའི་ནགས་ར་ཡིན།  ནགས་རར་བརྒྱུད་པའི་སྨར་ཁོག་ཆུ་བོ་ནི་འབྲི་ཆུའི་ཆུ་ལག་གཙོ་བོ་རྒྱལ་མོ་རྔུལ་ཆུའི་འབྱུང་ཁུངས་གཙོ་གྲས་ཡིན། ནགས་རའི་ཁྲོད་དུ་གདོད་མའི་ནགས་ཚལ་སྟུག་པོ་དང་སྲོག་ཆགས་དང་རྩི་ཤིང་ཐོན་ཁུངས་ཕུན་སུམ་ཚོགས་པོ་ཡོད་པས་སྐྱེ་དངོས་རིག་པ་བ་དང་སྐྱེ་ཁམས་རིག་པ་བ་ཚོའི་ཞིབ་འཇུག་བྱ་ཡུལ་བཟང་ཤོས་ཤིག་རེད། བོད་ཀྱི་མཁར་རྫོང་དང་སྡོད་ཁང་། གཞི་ཁྱོན་ཆེ་བའི་ནང་བསྟན་དགོན་པ།  ངོ་མཚར་ཅན་གྱི་བྱ་གཏོར་སྟེགས་བུ། གསར་བརྗེའི་ལོ་རྒྱུས་ཀྱི་རྗེས་ཤུལ་དམར་དམག་ལུང་ཤུར་སོགས་ཀྱིས་སྨར་ཁོག་ཆུ་བོའི་ནགས་རར་ཐུན་མིན་གྱི་ཡིད་དབང་འཕྲོག་ཤུགས་བསྣན་ཡོད་པ་རེད།