ཤིན་ཧྭ་གསར་འགྱུར་ཁང་ཟི་ལིང་ནས་ཟླ་9ཚེས་13ཉིན་ཆེད་གཏོང་གློག་འཕྲིན་འབྱོར་གསལ། ཉེ་ཆར་གསར་འགོད་པས་མཚོ་སྔོན་ཡུལ་སྐོར་སྐུལ་སྤེལ་ཚོགས་འདུའི་ཐོག་ནས་ཤེས་རྟོགས་བྱས་པར། མཚོ་སྔོན་གྱིས་ཡུལ་སྐོར་རྣམ་གྲངས་འཛུགས་སྐྲུན་ལ་སྐུལ་འདེད་ཤུགས་ཆེན་བཏང་ནས། 2020ལོར་སླེབས་སྐབས་སླར་ཡང་A5རིམ་པའི་མཛེས་ལྗོངས་ཁུལ་ལྔ་གཏོད་རྒྱུ་ཡིན་པ་རེད།

ཤེས་རྟོགས་བྱུང་བར་གཞིགས་ན། མིག་སྔར་མཚོ་སྔོན་ཞིང་ཆེན་ལ་A5རིམ་པའི་མཛེས་ལྗོངས་ཁུལ་གཉིས་ཡོད་པ་སྟེ། མཚོ་སྔོན་པོ་དང་སྐུ་འབུམ་བྱམས་པ་གླིང་གཉིས་རེད། མཚོ་སྔོན་ཞིང་ཆེན་ཡུལ་སྐོར་ཅུས་ཀྱི་ཅུས་ཀྲང་ཞུས་ཧའོ་ཡིས་ངོ་སྤྲོད་བྱས་པར། མཚོ་སྔོན་གྱིས་2015ལོའི་ལོ་མཇུག་ཏུ་གསེར་དངུལ་ཐང་རྡུལ་ཕྲན་གྲོང་དུ་A5རིམ་པའི་མཛེས་ལྗོངས་ཁུལ་སྐྲུན་པའི་ཇུས་གཞི་ལེགས་སྒྲུབ་བྱ་རྒྱུ་དང་། ཟི་ལིང་གི་རྟེན་རྫས་བཤམས་མཛོད་ཁང་དང་ཆི་ལན་མཛེས་ལྗོངས་སོགས་A5རིམ་པའི་མཛེས་ལྗོངས་ཁུལ་སྐྲུན་རྒྱུ་ཡིན་ཞིང་། 2016ལོའི་ལོ་མཇུག་གོང་དགོན་ལུང་ཧོར་རིགས་ཕ་ཡུལ་གླིང་དུ་A5རིམ་པའི་མཛེས་ལྗོངས་ཁུལ་སྐྲུན་རྒྱུ་ལེགས་གྲུབ་བྱ་རྒྱུ་དང་འབྲེལ་ཚ་ཁ་མཚོར་A5མཛེས་ལྗོངས་ཁུལ་སྐྲུན་རྒྱུ་ཡིན་པ་རེད།

2020ལོར་གསེར་དངུལ་ཐང་ནས་རྡུལ་ཕྲན་གྲོང་དང་། ཟི་ལིང་གི་རྟེན་རྫས་བཤམས་མཛོད་ཁང་ཚོགས། ཆི་ལིན་མཛེས་ལྗོངས། དགོན་ལུང་ཧོར་རིགས་ཀྱི་ཕ་ཡུལ་གླིང་། ཚ་ཁ་མཚོ་བཅས་A5རིམ་པའི་མཛེས་ལྗོངས་ཁུལ་བསྐྲུན་རྒྱུ་ཡིན་པ་དང་། མཚོ་སྔོན་གྱིས་སྒོར་དུང་ཕྱུར་1400ལྷག་ཙམ་བཏང་ནས་ཡུལ་སྐོར་རྣམ་གྲངས་འཛུགས་སྐྲུན་ལ་སྐུལ་འདེད་གཏོང་རྒྱུ་ཡིན་པ་རེད།