ཤིན་ཧྭ་གསར་འགྱུར་ཁང་ཟི་ལིང་ནས་ཟླ་8ཚེས་6ཉིན་ཆེད་གཏོང་གློག་འཕྲིན་འབྱོར་གསལ། གསར་འགོད་པར་མཚོ་སྔོན་ཞིང་ཆེན་ཡུལ་སྐོར་ཅུས་ནས་ཤེས་རྟོགས་བྱུང་བར། “ལོ་ལྔ་ཚན་བཅུ་གསུམ”རིང་མཚོ་སྔོན་གྱིས་རྨ་ཆུའི་ཡུལ་སྐོར་ལྗོངས་རོལ་བར་ཁྱམས་དང་། མཚོ་སྔོན་པོའི་སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་ཀྱི་ཡུལ་སྐོར་ལྗོངས་རོལ་བར་ཁྱམས། ཁྲི་ལེབ་རི་བོའི་མཛེས་ལྗོངས་ཁུལ་གྱི་སྣོད་བཅུད་ཡུལ་སྐོར་ལྗོངས་རོལ་བར་ཁྱམས་བཅས་བསྐྲུན་ནས་དུས་ཡུན་ལོ་ལྔའི་ནང་ཡུལ་སྐོར་ལྗོངས་རོལ་བར་ཁྱམས་ཆེན་པོ་གསུམ་དག་རྒྱལ་ནང་གི་ཡུལ་སྐོར་བྱ་ཡུལ་རྩེ་གྲར་བསྐྲུན་རྒྱུ་ཡིན་པ་རེད།

ཤེས་རྟོགས་བྱུང་བར་གཞིགས་ན། ཡུལ་སྐོར་ལྗོངས་རོལ་བར་ཁྱམས་ཆེན་པོ་གསུམ་གྱི་ལྟེ་བའི་ལམ་ཐིག་ནི“བཀའ་མ་ལོག་སན་ཁྲོན— ཡ་རྫི—བ་ཡན་མཚེ་མགུར་གྲོང་གསར —གཅན་ཚ་སྔོ་རྒྱའི་འགག—ཁྲི་ཀ་ཆིང་ཆིང་རྨ་ཆུ—གསེར་ཆེན་ཚ་རྔ་འགག་བཅས”ཀྱི་རྨ་ཆུའི་ཆུ་ཐོག་མུ་ཏིག་ཡུལ་སྐོར་ལམ་ཐིག་དང་། “གྲོ་ཚང—ཟི་ལིང—སྟོང་སྐོར—ཉི་ཟླ་རི་བོ—རིག་མོ་གཞུང—151རྟེན་གཞི—གསེར་ཐང་དང་དངུལ་ཐང་རྡུལ་ཕྲན་གྲོང—འདབ་ཆགས་གླིང་ཕྲན—ཚ་ཁ”བཅས་ཀྱི་མཚོ་སྔོན་པོའི་སྤྱི་ཚོགས་ཀྱི་རིག་གནས་སྣང་ཚུལ་སྣ་ཚོགས་ཀྱི་ཡུལ་སྐོར་ལམ་ཐིག དེ་བཞིན“ཟི་ལིང—ཏ་ཐུང—རྒྱ་མདོ—ཆུ་ལེན”བཅས་ཀྱི་ཆུ་ལེན་ལམ་ཐིག་སོགས་སོ་སོ་ཡིན་པ་རེད།

མཚོ་སྔོན་ཞིང་ཆེན་ཡུལ་སྐོར་ཅུས་འཆར་འགོད་ཁྲུའི་འབྲེལ་ཡོད་འགན་ཁུར་བས་ཡུལ་སྐོར་ལྗོངས་ལྟའི་བར་ཁྱམས་ཆེན་པོ་གསུམ་བསྐྲུན་དགོས་པའི་གྲོས་འགོ་བཏོན་པ་དེ་ནི་སྔར་ཡོད་ཀྱི་འགུལ་མེད་ལྗོངས་རོལ་ཁུལ་དེ་འགུལ་འཇགས་ཟུང་འབྲེལ་གྱི་སྤྲོ་གསེང་བར་ཁྱམས་ལྗོངས་རོལ་ཁུལ་དུ་རིམ་སྤོར་བྱེད་པར་བརྟེན་ནས་ས་ཁོངས་ནང་གི་ཁ་འགྲེམས་པའི་མཛེས་ལྗོངས་ཁུལ་དང་མཛེས་ལྗོངས་ས་ཚིགས་དག་ལྗོངས་རོལ་བར་འཁྱམས་བརྒྱུད་འབྲེལ་མཐུད་བྱས་ནས་སྤུས་དག་གི་ཡུལ་སྐོར་ལམ་ཐིག་གསུམ་གྲུབ་རྒྱུ་རེད་ཅེས་ངོ་སྤྲོད་བྱས་པ་རེད།