ཏུན་ཧོང་ཡ་ཏན་རྒྱལ་ཁབ་ས་གཤིས་སྤྱི་གླིང་ནི་ཀྲུང་གོའི་མིང་དུ་གྲགས་པའི་ལོ་རྒྱུས་དང་རིག་གནས་གྲོང་ཁྱེར་གྲགས་ཅན་ཏུན་ཧོང་གྲོང་ཁྱེར་གྱི་ནུབ་བྱང་རྒྱུད་དུ་ཡོད་ཅིང་། ཀན་སུའུ་དང་། མཚོ་སྔོན། ཤིང་ཅང་བཅས་ཞིང་ཆེན་དང་རང་སྐྱོང་ལྗོངས་གསུམ་གྱི་འབྲེལ་མཚམས་ས་རྒྱུད་དུ་གནས་ཡོད། སྤྱི་གླིང་འདིའི་རྒྱ་ཁྱོན་ལ་སྤྱི་ལེ་གྲུ་བཞི་མ་346.34ཡོད་ཅིང་། གནམ་གཤིས་ཐན་པ་ཆེས་ཆེ་བའི་ས་ཁུལ་གྱི་ས་དབྱིབས་ཆགས་ཚུལ་དཔེ་མཚོན་ཅན་ཞིག་རེད། ཏུན་ཧོང་ཡ་ཏན་རྒྱལ་ཁབ་ས་གཤིས་སྤྱི་གླིང་ནི་2001ལོར་རྒྱལ་ཁོངས་ཐོན་ཁུངས་པུའུ་ཡིས་མིང་བཏགས་པའི་རྒྱལ་ཁབ་ཀྱི་ས་གཤིས་སྤྱི་གླིང་ཁག་གཉིས་པ་རེད།