རང་ལྗོངས་ཀྱི་བཟའ་བཏུང་དང་ཞག་སྡོད་ལས་རིགས་ཀྱི་ཤེས་ལྡན་པའི་དཔུང་ཁག་འཛུགས་སྐྱོང་ལ་སྐུལ་འདེད་གཏོང་ཆེད། ཉེ་ཆར་རང་སྐྱོང་ལྗོངས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་གིས་ལྷ་སར་2015ལོའི་ཀྲུང་གོའི་རྩལ་ནུས་འགྲན་ཆེན་གྱི་བོད་རང་སྐྱོང་ལྗོངས་བཟའ་བཏུང་དང་ཞག་སྡོད་ལས་རིགས་ཀྱི་ལས་བཟོའི་འགྲན་བསྡུར་བྱས་པ་རེད།

ད་རེས་ཀྱི་འགྲན་བསྡུར་ནང་ཞུགས་མཁན་བདམས་ཐོན་པའི་མི་གྲངས་དང་དེ་བཞིན་ཚལ་སྣ་དེ་སྔོན་རང་ལྗོངས་སུ་སྤེལ་བའི་རིགས་མཚུངས་འགྲན་བསྡུར་ལས་ཚད་བརྒལ་ཆེན་པོ་བྱུང་བ་དང་ས་གནས་ཁག་གི་བདམས་ཐོན་པ་འགྲན་བསྡུར་ནང་ཧུར་ཐག་ཞུགས་པ་དང་། གཅིག་མཇུག་གཉིས་མཐུད་ངང་མིང་ཐོ་བཀོད་པ། ཁྱོན་བསྡོམས་མི་སྒེར་152དང་ཚོགས་པ་དང་ཁེ་ལས་20འགྲན་བསྡུར་ནང་ཞུགས་པ། འགྲན་བསྡུར་ནང་རྒྱ་ཟས་དང་བོད་ཟས་སོགས་རྣམ་གྲངས་མང་པོ་ཡོད་པ་བཅས་རེད།