གསར་འགོད་པས་ཀོང་ཏུང་ཞིང་ཆེན་བོད་སྐྱོར་ལས་དོན་རུ་ཁག་ཁག་དྲུག་པའི་ས་ནས་ཤེས་རྟོགས་བྱས་པར་གཞིགས་ན། ཀོང་ཏུང་ཞིང་ཆེན་ཡུལ་སྐོར་ཅུས་དང་ཀོང་ཏུང་ཞིང་ཆེན་བོད་སྐྱོར་ལས་དོན་རུ་ཁག་ཁག་དྲུག་པའི་རྒྱབ་སྐྱོར་དང་མཐུན་སྦྱོར་འོག་ཉེ་ཆར་ཉིང་ཁྲི་དང་། གཞིས་རྩེ། ལྷོ་ཁ་བཅས་ས་ཁུལ་གསུམ་གྱིས་མཉམ་འབྲེལ་ཐོག་ཡུལ་སྐོར་བྲིན་སྐུལ་ཚོགས་པ་བཙུགས་ནས་2011ལོའི་ཀྲུང་གོ (ཀོང་ཏུང )རྒྱལ་སྤྱིའི་ཡུལ་སྐོར་ཐོན་ལས་དངོས་མང་སྟོན་ཚོགས་ནང་ཞུགས་ཏེ་རང་ལྗོངས་ཀྱི་ཡུལ་སྐོར་མཛེས་ལྗོངས་རྩེ་གྲ་འོས་སྦྱོར་དང་ཡིད་དུ་འོང་བའི་བོད་ལྗོངས་ཡུལ་སྐོར་གྱི་ཐོན་ཁུངས་བསྟན་ནས་བོད་དུ་ཡོང་མཁན་ཡུལ་སྐོར་བ་སྔར་ལས་མང་བའི་ཡིད་དབང་འཕྲོག་ཡོད།

    ཤེས་རྟོགས་བྱུང་བར་གཞིགས་ན། རྒྱལ་སྤྱིའི་ཡུལ་སྐོར་ཐོན་ལས་དངོས་མང་སྟོན་ཚོགས་ཐོག་ཇུས་འགོད་དང་མཛེས་བཟོ་གང་ལེགས་བྱས་པའི “བོད་ལྗོངས་སྤུས་རྟགས་ཁང ”གིས་བོད་ཀྱི་མཚོན་བྱེད་གང་ལེགས་མངོན་པར་བྱས་པ་དང་གྲོག་རོང་ཆེ་མོ་དང་། ལྷ་མོའི་བླ་མཚོ། ཇོ་མོ་གླང་མ་སོགས་ཡུལ་སྐོར་གྱི་ཐོན་ཁུངས་རྩེར་སོན་གསུམ་བསྟན་ནས་ཡུལ་སྐོར་ཚོང་དུད་དང་སྤྱི་འབངས་འབོར་ཆེན་ལྟ་སྐོར་དང་བློ་འདྲི་བྱེད་པར་ཡོང་རེ་བྱས་ཡོད། “བོད་ལྗོངས་སྤུས་རྟགས་ཁང ”སྒོ་ཕྱེ་བའི་ཉིན་དེར་ས་ཁུལ་གསུམ་དང་དེ་བཞིན་རྫོང་ཁག་དང་ཡུལ་སྐོར་ཁེ་ལས་ཁག་གིས་གྲ་སྒྲིག་བྱས་པའི་ཡུལ་སྐོར་དྲིལ་བསྒྲགས་ཀྱི་ཡིག་ཆ་ངོ་གྲངས་7000ཙམ་ལམ་སེང་རྫོགས་པ་དང་བྲིན་སྐུལ་ཚོགས་པས་ཕྱོགས་ཁག་གི་བློ་འདྲི་ཐེངས་300ཙམ་དང་ལེན་བྱས་ནས་བོད་ལྗོངས་ཁང་དེ་ད་རེས་ཀྱི་དངོས་མང་སྟོན་ཚོགས་ཀྱི་བཀྲག་མདངས་འཚེར་སར་གྱུར་ཡོད།