མིག་སྔར་ཁྲེང་ཀོན་ཆུས་ཀྱིས་འདས་མ་ཐག་པའི་2011ལོའི་ཀྲུང་གོའི་ལྷ་སའི་ཞོ་སྟོན་སྟེཌ་བུར་བྱས་ཏེ་ཁྲེང་ཀོན་དྲིལ་བསྒྲཌ་དང་། ཁྲེང་ཀོན་མངོན་པ། ལྷ་ས་གྲོང་ཁྱེར་གྱི “དྲུག་ལྡན་གྲོང་ཁྱེར་མཉམ་གཏོད ”སོགས་ཀྱི་འབྲེལ་ཡོད་ལས་དོན་ཧུར་ཐག་བསྒྲུབས་ནས་ཡུལ་སྐོར་ལས་རིགས་ཀྱི་ཆ་འཕྲིན་སྤེལ་རེས་ལ་ཤུགས་སྣོན་རྒྱག་པ་དང་ཡུལ་སྐོར་ལས་རིགས་དང་འབྲེལ་ཡོད་ཐོན་ལས་འཕེལ་རྒྱས་འགྲོ་རྒྱུར་སྐུལ་འདེད་བཏང་ཐོག་ལྷ་ས་གྲོང་ཁྱེར་འདི་ཉིད་རྒྱལ་སྤྱིའི་ཡུལ་སྐོར་གྲོང་ཁྱེར་ཞིག་ཏུ་གཏོད་ཆེད་རྨང་གཞི་བརྟན་པོ་ཞིག་བཏིང་ཡོད། ཇི་ལྟར་བྱས་ཏེ་ཁྲེང་ཀོན་སྙན་གྲགས་ཆེ་རུ་དང་ཁྲེང་ཀོན་གྱི་ཡུལ་སྐོར་ཞབས་ཞུའི་ཆུ་ཚད་མཐོ་རུ་གཏོང་དགོས་རྒྱུའི་ཐད་གསར་འགོད་པས་ཁྲེང་ཀོན་ཆུས་ཡུལ་སྐོར་ཅུས་ཀྱི་ཅུས་ཀྲང་ཅིན་ཀྲུའུ་མིང་ལ་བཅར་འདྲི་ཞུས་པ་ཡིན།

    གསར་འགོད་པ། ཁྲེང་ཀོན་ཆུས་ཀྱིས་ཁྲེང་ཀོན་ཆུས་སྙན་གྲགས་ཆེ་རུ་བཏང་སྟེ་མི་དེ་བས་མང་བས་ཁྲེང་ཀོན་ཆུས་ཀྱི་ཉམས་འགྱུར་ཤེས་རྟོགས་ཐུབ་རྒྱུའི་ཐད་ལས་དོན་གང་དག་བསྒྲུབ་ཡོད་དམ།

    ཅིན་ཀྲུའུ་མིང་། འདི་ལོ་ང་ཚོས་རང་སྐྱོང་ལྗོངས་ཡུལ་སྐོར་ཅུས་ཀྱིས་སྒྲིག་འཛུགས་བྱས་པའི་ཤིས་ཨན་རྒྱལ་ནང་གི་ཡུལ་སྐོར་ཉོ་ཚོང་ཚོང་འདུས་ནང་ཞུགས་པ་ཡིན། ཉོ་ཚོང་ཚོང་འདུས་ཐོག་རང་ཅུས་ཀྱིས་ཁྲེང་ཀོན་གྱི་ལག་བྲིས་ས་བཀྲ་དང་ཁྲེང་ཀོན་གྱི་ཡུལ་སྐོར་ཕྱོགས་སྟོན་སོགས་ཡུལ་སྐོར་དང་འབྲེལ་བ་ཡོད་པའི་དྲིལ་བསྒྲགས་དཔྱད་ཡིག་3000ལྷག་ཙམ་སྤྲད་པ་དང་། མི་གྲངས་1000ལྷག་ཙམ་ལ་སྣེ་ལེན་ཞུ་བ། རིགས་ཁག་གི་གནད་དོན་ལ་ལན་རྒྱག་པ་བཅས་བྱས་པས་ཁྲེང་ཀོན་ཆུས་ཀྱི་ཡུལ་སྐོར་ལས་རིགས་ཀྱི་སྙན་གྲགས་སྔར་བས་ཆེ་རུ་ཕྱིན་ནས་ཡུལ་སྐོར་དཔལ་འབྱོར་འཕེལ་རྒྱས་གཏོང་བའི་ཆེད་རྨང་གཞི་ངེས་ཅན་བཏིང་ཡོད།

    གསར་འགོད་པ། ལྷ་སར་ཡུལ་སྐོར་བྱེད་མཁན་ལོ་རེ་བཞིན་མང་དུ་འགྲོ་བ་དང་བོད་དུ་ཡུལ་སྐོར་དུ་ཡོང་མཁན་མང་ཆེ་བའི་ཐོག་མའི་ས་ཚིགས་དང་བར་རྒྱུད་ས་ཚིགས་ཡིན་པའི་ཁྲེང་ཀོན་ཆུས་ཀྱིས་ཇི་ལྟར་བྱས་ཏེ་འཕེལ་རྒྱས་ཀྱི་ལེགས་ཆ་དང་ས་བབ་ལེགས་ཆ་དམ་འཛིན་བྱེད་དམ།

    ཅིན་ཀྲུའུ་མིང་། ད་ཐེངས་ཞོ་སྟོན་རིང་ཡུལ་སྐོར་ཅུས་ཀྱིས་ཁྲེང་ཀོན་ཆུས་ཀྱི་ཡུལ་སྐོར་རིག་གནས་སྒྱུ་རྩལ་དུས་ཆེན་དང་དགའ་སྐྱིད་གླིང་ནས་ཆང་དུས་ཆེན་གྱི་ཡུལ་སྐོར་འཆད་ཁྲིད་བྱེད་སྒོ་སྤེལ་ཏེ་ནན་ཅིང་སློབ་ཆེན་ཡུལ་སྐོར་སུའོ་ཡི་སུའོ་ཀྲང་དགེ་རྒན་ཆེན་མོ་བ་ཀྲང་ཅེ་གདན་ཞུས་ཀྱིས་འཆད་ཁྲིད་གཙོ་བོ་བྱས་པ་ཡིན།

    འཆད་ཁྲིད་ཐོག་ཀྲང་ཅེས་བོད་ཀྱི་ཡུལ་སྐོར་ཁེ་ལས་འཕེལ་རྒྱས་ཀྱི་ལེགས་ཆ་དང་། ཉེན་འགོག་ནུས་པ། འཚོ་གནས་དང་འཕེལ་རྒྱས་ཀྱི་འཇུར་མིག་སོགས་ལ་དམིགས་ཏེ་འཆད་ཁྲིད་བྱས་ཤིང་། ནང་དོན་གསོན་ཉམས་ལྡན་ལ་ཕུན་སུམ་ཚོགས་པ་དང་ལྷ་སའི་དོན་དངོས་དང་ཟུང་འབྲེལ་གྱིས་ཚན་རིག་དང་མཐུན་པ་དང་དངོས་ཡོད་ཀྱི་ཐོག་ནས་ལྷ་ས་གྲོང་ཁྱེར་གྱི་ཡུལ་སྐོར་ལས་རིགས་ཐད་དམིགས་བསལ་བསམ་ཕྱོགས་བཏོན་ཡོད། དུས་མཚུངས་ཁོང་གིས་ལྷ་སའི་ཡུལ་སྐོར་ལས་རིགས་ཀྱི་ཐོན་ཁུངས་ཕུན་སུམ་ཚོགས་ལ་ཐུན་མིན་ཁྱད་ཆོས་ལྡན་པས་འཕེལ་རྒྱས་ཀྱི་མདུན་ལམ་ཆེན་པོ་ལྡན་འདུག ང་ཚོས་ངེས་པར་དུ་ལྷ་སའི་དོན་དངོས་དང་ཟུང་འབྲེལ་དང་། ཡུལ་བབ་དང་བསྟུན་པ། ཚན་རིག་དང་མཐུན་པའི་ངང་ཡུལ་སྐོར་ཐོན་ཁུངས་གསར་སྤེལ་བྱེད་པ་བཅས་བྱས་ཏེ་ཁོར་ཡུག་སྲུང་སྐྱོང་བྱེད་པའི་སྔོན་འགྲོའི་འོག་ཡུལ་སྐོར་ལས་རིགས་ཡག་པོ་གཉེར་དགོས་པ་ལས་ནང་སའི་བྱེད་སྟངས་ཚང་མ་ལད་ཟློས་བྱ་རྒྱུ་མེད་པའི་ནན་བཤད་བྱས་པ་རེད།