“བོད་ཀྱི་རིག་པའི་འབྱུང་གནས”ལྷོ་ཁའི་ཡུལ་སྐོར་གྱི་གནས་ཚུལ་རིམ་བཞིན་ལེགས་སུ་འགྲོ་བ།
བོད་ལྗོངས་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན། བོད་ཀྱི་རིག་པའི་འབྱུང་གནས་ལྷོ་ཁས་ལོ་རྒྱུས་ཀྱི་རིག་གནས་ཕུན་སུམ་ཚོགས་པོར་བརྟེན་ནས་ཡུལ་སྐོར་བའི་ཡིད་དབང་འགུགས་པ་དང་ཡུལ་སྐོར་ཐོན་ལས་སྔར་བས་རྒྱ་སྟོབས་ཆེར་གཏོང་གིས་ཡུལ་སྐོར་ལས་རིགས་དེ་མཆོང་སྐྱོད་ལྟ་བུའི་འཕེལ་རྒྱས་ཡོང་བ་བྱ་ཆེད “དབུས་རྒྱུད་རིམ་པ་བརྟན་པོའི་ངང་སྤོར་རྒྱུ་དང་། ལྷོ་རྒྱུད་འཕེལ་རྒྱས་ཚད་ལྡན་ཡོང་བ་བྱ་རྒྱུ། ནུབ་རྒྱུད་འཕེལ་རྒྱས་གཏོང་བར་གདམ་ག་བྱ་རྒྱུ། ཤར་རྒྱུད་འཕེལ་རྒྱས་ཤུགས་ཆེན་གཏོང་རྒྱུ ”བཅས་ཀྱི་འཕེལ་རྒྱས་ཀྱི་བསམ་ཕྱོགས་གཞིར་བཟུང་ཡུལ་སྐོར་གྱི་རྨང་གཞིའི་སྒྲིག་བཀོད་དང་མཛེས་ལྗོངས་ཁུལ (ས་ཚུགས )གྱི་འཛུགས་སྐྲུན་དང་ཡུལ་སྐོར་གྱི་བརྗོད་བྱ་གཙོ་བོའི་གཟུགས་བཪྙན་གཏོད་རྒྱུ་སོགས་ཀྱི་ཐད་འབད་བརྩོན་བྱས་ཏེ་ཡུལ་སྐོར་གྱི་བྱ་གཞག་ཡུན་རིང་འཕེལ་རྒྱས་ཡོང་རྒྱུར་སྐུལ་འདེད་བཏང་ཡོད། ཡུལ་སྐོར་གྱི་རྨང་གཞིའི་སྒྲིག་བཀོད་འཛུགས་སྐྲུན་ཁྲོད་ལྷོ་ཁ་ས་ཁུལ་གྱིས་མ་རྩ་སྒོར་དུང་ཕྱུར་2བཏང་སྟེ་འགོ་འཛུགས་ས་དང་ཚད་གཞི་མཐོ་བའི་ཐོག་ནས་ཡར་ཀླུང་རིག་གནས་མཛེས་ལྗོངས་ཁུལ་གསར་སྤེལ་བྱས་ཏེ་རིག་གནས་ཀྱི་ཉམས་རོལ་བྱེད་ས་དང་། ཡུལ་སྐོར་གྱི་ལྟ་སྐོར་བྱེད་ས། ལྡུམ་རའི་མཛེས་ལྗོངས་བཅས་གཞི་གཅིག་ཏུ་བྱས་པའི་ལོ་རྒྱུས་ཀྱི་རིག་གནས་དང་དེང་རབས་ཀྱི་ཤེས་དཔལ་ཟུང་དུ་འབྲེལ་བའི་རྩེར་སོན་ཡུལ་སྐོར་མཛེས་ལྗོངས་ཁུལ་མང་པོ་ཞིག་སྐྲུན་རྒྱུ་ཡིན་པ་དང་མ་དངུལ་སྒོར་དུང་ཕྱུར་3བཏང་ནས་ལེགས་པོ་ལུང་ཤུར་གྱི་གདོད་མའི་སྣོད་བཅུད་ཡུལ་སྐོར་མཛེས་ལྗོངས་ཁུལ་སྐྲུན་ཏེ་ཡུལ་སྐོར་བྱ་གཞག་འཕེལ་རྒྱས་ཀྱི་ཆུ་ཚད་མཐོ་རུ་གཏོང་རྒྱུ་ཡིན་པ་རེད།