ལྷོ་ཁ་ནི་བོད་མི་རིགས་ཀྱི་འབྱུང་ཁུངས་ཡིན་པ་དང་། གནའ་སྔ་མོའི་ཡར་ཀླུང་ལུང་གཞུང་དེ་ད་ཆ་རྒྱལ་ཁབ་རིམ་པའི་གྲགས་ཅན་མཛེས་ལྗོངས་ཁུལ་དུ་གྱུར་ཡོད། ལམ་བར་དུ་བོད་ཀྱི་དགོན་སྡེ་དང་པོ་བསམ་ཡས་དགོན་པ་དང་། ལྷ་ཁང་དང་པོ་ཁྲ་འབྲུག ཞིང་ལ་སྔ་བ་ཟོར་ཐང་ཞིང་། མཁར་ལ་སྔ་བ་ཡུམ་བུ་བརླ་མཁར་སོགས་བརྒྱུད་དགོས་པ་མ་ཟད། གྲ་ཐང་དགོན་པ་དང་། སྲོང་བཙན་བང་སོ། ལྷ་མོའི་བླ་མཚོ། གྲི་གུའི་རྩྭ་ཐང་སོགས་ཀྱིས་ཡུལ་སྐོར་བ་ཚོར་བོད་མི་རིགས་ཀྱི་དར་རྒྱས་དང་། འགྱུར་ལྡོག འཕེལ་རྒྱས་བཅས་ཤོད་པ་དང་མཚུངས། （ཚེ་རིང་ཆོས་སྒྲོན་གྱིས་སྒྱུར་ཞུས་བྱས ）