སྔོན་ཐོན་ཚོགས་པ་དང་མི་སྒེར་ལ་གཟེངས་བསྟོད་གནང་བཞིན་པ།
འགོ་རྩོམ་མཛད་སྒོའི་སྟེང་།ཕུན་སུམ་ཚོགས་པའི་བོད་ལུགས་ཀྱི་རྒྱན་གོས་འགྲེམ་སྟོན་དང་མི་རིགས་གླུ་གར་འཁྲབ་སྟོན།ཁྱར་མཚར་བའི"ཁ་ཕུག་པ"བཅས་ཀྱིས་ལྟད་མོ་བའི་ཡིད་དབང་ཅིག་ཅར་ཏུ་འཕྲོགརྨ་ལྷོ་ཁུལ་གནས་སྐོར་ཅུའུ་དང་ཐུན་རིན་རྫོང་གནས་སྐོར་ཅུའུ་ཡིས་སོ་སོར་ས་གནས་ཕུན་སུམ་ཚོགས་པའི་གནས་སྐོར་ཐོན་ཁུངས་ཀྱི་ཐད་ནས་ཆེད་དུ་མཚམས་སྦྱོར་བྱས་ཤིང་།2014ལོར་ས་གནས་གནས་སྐོར་ལས་དོན་ལ་འབུར་ཐོན་བྱས་རྗེས་བཞག་པའི་གནས་སྐོར་ལས་དོན་སྡེ་ཁག་ལ་བྱ་གཟེངས་བསྟོད་བྱས།ཉིན་དེར་གནས་སྐོར་ཚོང་བ་དང་སྨྱན་བྱེད་འཐུས་ཚབ་ཀྱིས་ད་རུང་རོང་བོ་གནའ་མཁར་དང་རེབ་གོང་ཐང་ག་འབྲི་བཟོ་བྱེད་པར་ལྟ་སྐོར་བྱས་པ་མ་ཟད།རེབ་གོང་ཡུལ་སྲོལ་གྱིས་ཕྱུག་པའི་གསེར་མདོག་གི་ཁྱིམ་གཞི་ལ་བལྟས།
རྨ་ལྷོ་ཁུལ་ནི་ཞིང་ཆེན་ནང་ཁུལ་གྱི་རྒྱལ་ཁབ་རིམ་པའི་དངོས་མིན་ཤུལ་བཞག་རིག་གནས་ཆེས་གཅིག་བསྡུ་ཡིན་ལ།རིག་གནས་ཐོན་ཁུངས་ཆེས་སྣ་མང་ཅན་དང་ཁྱད་ཆོས་ཅན།ཡིན་པའི་ས་ཁུལ་ཞིག་ཡིན་ལ།ཁྱར་མཚར་བའི་རང་བྱུང་མཛེས་ལྗོངས་དང་ལོ་རྒྱུས་རིང་བའི་མིས་བཟོས་མཛེས་ལྗོངས་གཉིས་རང་བྱུང་གིས་མཉམ་དུ་འདྲེས་ཤིང་།རྨ་ལྷོ་ཁུལ་གྱི་དམངས་སྲོལ་ཆོས་ལུགས་བྱ་འགུལ་ལ་རྒྱལ་ནང་གི་གནས་སྐོར་བ་མང་པོའི་ཁྲོད་ཤུགས་རྐྱེན་ཆེན་པོ་ལྡན་པ་དང་།གནས་སྐོར་བྱེད་ཡུལ་གཙོ་བོ་ཞིག་ཡིན་པའི་ཆ་ནས་ཐུན་རིན་རྫོང་གི་དགུན་དུས་གནས་སྐོར་དེའང་ཞིང་ཆེན་ཡོངས་ཀྱི་དགུན་དུས་གནས་སྐོར་བྱ་འགུལ་ཁྲོད་ཀྱི་གྲུབ་ཆ་གལ་ཆེན་ཞིག་ཏུ་གྱུར་ཡོད།