ལྷ་ས་གྲོང་ཁྱེར་སྟོད་ལུང་བདེ་ཆེན་ཆུས་བདེ་ཆེན་གྲོང་རྡལ་སྦངས་གྲོང་ཚོའི་མུའུ་4000གི་རྩྭ་རའི་ཐོག་འོད་ཤུགས་ཤེལ་ལེབ་སྟར་པ་རེ་རེ་ཉི་འོད་འོག་བཀྲག་མདངས་རབ་ཏུ་འཚེར་ཞིང་། ཁྱོན་མ་དངུལ་སྒོར་དུང་ཕྱུར་8.76བཏང་བའི་ཀྲའོ་ཝ་200ཡི་འབྲོག་ལས་དང་འོད་ཤུགས་གསབ་རེས་ཀྱི་འོད་ཤུགས་གློག་གཏོང་རྣམ་གྲངས་སྤྱིར་ན་བསྐྲུན་ཟིན་ནས་དྲ་སྦྲེལ་གློག་གཏོང་བྱེད་ཉེར་ཡོད། བོད་རང་སྐྱོང་ལྗོངས་དབུ་བརྙེས་ནས་ལོ་ངོ་60འཁོར་བའི་ལེགས་སྐྱེས་ལས་གྲྭ་ཡིན་པའི་རྣམ་གྲངས་དེས་ལོ་ལྟར་གློག་ཤུགས་གཙང་མ་ཏུའུ་དུང་ཕྱུར་3.5གཏོང་ཐུབ་པ་མ་ཟད། ད་དུང“འོད་ཤུགས་དང་འབྲོག་ལས”ཟུང་འབྲེལ་གྱི་གསར་གཏོད་བྱེད་སྟངས་བརྒྱུད་ས་གནས་དེ་གའི་ཡུལ་མིར་སྐྱེ་ཁམས་དམངས་ཕྱུག་གི་ལམ་བུ་གསར་པ་ཞིག་ཀྱང་བཏོད་ཡོད་པ་རེད།

ལྷ་སར་ལོ་རེར་ཉི་འོད་འཕྲོས་ཡུན་ཆུ་ཚོད་3500ལྷག་ཙམ་ཟིན་ནས་ཉི་ནུས་ཐོན་ཁུངས་ཀྱི་ལེགས་ཆ་མངོན་གསལ་དོད་པོ་ཡོད། ད་ཕན་ལོ་ཤས་རིང་། ལྷ་ས་གྲོང་ཁྱེར་གྱིས་ནུས་རྒྱུ་གཙང་མ་དེ“ཐཱན་གཉིས”དམིགས་ཚད་དོན་འཁྱོལ་བྱེད་པའི་ལྟེ་བའི་དམ་འཛིན་བྱ་གཞིར་བརྩིས་ནས། ཆུ་གློག་གཙོ་བོར་བྱེད་པ་དང་འོད་ཤུགས་དང་རླུང་གློག་སོགས་ཀྱིས་གཞོགས་འདེགས་བྱེད་པའི་སྣ་མང་ནུས་རྒྱུའི་མ་ལག་ཅིག་རིམ་གྱིས་གྲུབ་ཡོད་པ་རེད།

“འོད་ཤུགས་ཤེལ་ལེབ་བར་གྱི་བར་ཐག་ཚན་རིག་དང་མཐུན་པའི་ངང་ཇུས་འགོད་བྱས་པ་བརྒྱུད། ཕྱུགས་རྩྭ་སྐྱེ་འཚར་ལ་ཤུགས་རྐྱེན་མི་ཐེབས་པ་མ་ཟད། ད་དུང་ནོར་ལུག་ལ་ཡང་ཉི་གཡོལ་བྱེད་ས་བྱུང་ཡོད”རྣམ་གྲངས་ཀྱི་འགན་ཁུར་བ་མུའུ་ཧོན་ཧོན་གྱིས“འབྲོག་ལས་དང་འོད་ཤུགས་གསབ་རེས”ཀྱི་རྣམ་པ་བརྒྱུད་ས་ཆའི་ཕྱོགས་བསྡུས་ཕན་འབྲས་30%ཡན་མཐོ་རུ་ཕྱིན་ཡོད་ཅེས་ངོ་སྤྲོད་བྱས་པ་རེད། ཚོད་རྩིས་བརྒྱབ་པར་གཞིགས་ན། རྣམ་གྲངས་དེ་བསྐྲུན་ནས་སྤྱོད་འགོ་ཚུགས་རྗེས་ལྷ་སའི་གློག་འདོན་གཞི་ཁྱོན་ཆེ་ཤོས་ཀྱི་འོད་ཤུགས་ནུས་གསོག་གློག་ཁང་དུ་གྱུར་ཏེ་ལོ་ལྟར་གློག་ཤུགས་གཙང་མ་ཏུའུ་དུང་ཕྱུར་3.5བཏང་ནས་ཚད་ལྡན་རྡོ་སོལ་ཏུན་ཁྲི་10གྲོན་ཆུང་ཐུབ་པ་དང་མཚུངས་པ་མ་ཟད། ད་དུང་ས་གནས་ཀྱི་ནོར་སྲིད་ལ་དཔྱ་ཁྲལ་སྒོར་ཁྲི་200གྲོན་ཆུང་ཐུབ་རྒྱུ་རེད། ལྗང་མདོག་གློག་ནུས་དེ་དག་གིས་ས་གནས་དེ་གའི་གྲོང་མི་དང་ཁེ་ལས་ཀྱི་གློག་སྤྱོད་དགོས་མཁོ་སྐོང་ཐུབ་པ་མ་ཟད། ད་དུང་དབྱང་གཉིས་ཐཱན་འགྱུར་སོགས་རླུང་ཁམས་ཆེན་པོའི་སྦགས་བཙོག་དངོས་པོ་འབུད་ཚད་ཏུན་ཁྲི་29ཙམ་ཉུང་དུ་གཏོང་ཐུབ་པས། \ ལྗོངས་ཡོངས་ཀྱི་ནུས་རྒྱུ་གཙང་མའི་ཐོན་ལས་འཕེལ་རྒྱས་ལ་སྐུལ་འདེད་དང་སྐྱེ་ཁམས་ཁོར་ཡུག་ལེགས་སུ་གཏོང་བར་དོན་སྙིང་གལ་ཆེན་ལྡན་ཡོད་པ་རེད། སྦངས་གྲོང་ཚོའི་ཡུལ་མིའི་ངོས་ནས་བརྗོད་ན། འོད་ཤུགས་པང་ལེབ་ལས་བྱུང་བ་ནི་ནུས་རྒྱུ་གཙང་མ་ཙམ་མ་ཡིན་པར་ད་དུང་དངུལ་སྨར་གྱི་ཡོང་འབབ་ཀྱང་ཡོད། རྣམ་གྲངས་དེས་གྲོང་ཚོའི་མཉམ་སྡེབ་རྩྭ་ར་བོགས་མར་བླངས་ནས་ལོ་ལྟར་གྲོང་ཚོར་གཏན་འཇགས་བོགས་དངུལ་སྒོར་ཁྲི་240སྤྲོད་ཀྱི་ཡོད་ཅིང་། དེའི་ཁྲོད་ཀྱི་སྒོར་ཁྲི་100ལྷག་ཙམ་ཡུལ་མིར་བགོ་འགྲེམས་རྒྱག་གི་ཡོད། རྣམ་གྲངས་དེ་ཁོ་ནར་བརྟེན་ནས་2024ལོར་སྦངས་གྲོང་ཚོའི་ཡུལ་མི་མི་རེར་ཆ་སྙོམས་ཡོང་འབབ་སྒོར་སྟོང་ཕྲག་བྱུང་ཡོད་པ་རེད། གྲངས་གཞི་ལས་མངོན་པར། རྣམ་གྲངས་དེ་སྐྲུན་རིང་རིམ་རྩིས་བརྒྱབ་ན་ས་གནས་དེ་གའི་ཞིང་འབྲོག་པ་མི་ཐེངས་3500ལྷག་ཙམ་གླ་པར་བསྡུས་པ་དང་། སྔོག་འཕྲུལ་དང་སྐྱེལ་འདྲེན་རླངས་འཁོར་སོགས་འཕྲུལ་ཆས་200ལྷག་ཙམ་བོགས་མར་བླངས་ཏེ་ཡུལ་མིར་ཡོང་འབབ་སྒོར་ཁྲི་3000ལྷག་ཙམ་བཏོད་ཡོད་པ་རེད།

བགོ་འགྲེམས་རྒྱག་པ་ཕུད། རྣམ་གྲངས་ཀྱི་བོགས་དངུལ་ལྷག་མ་རྣམས་ཐད་ཀར་སྦངས་གྲོང་ཚོའི་མཉམ་སྡེབ་དཔལ་འབྱོར་རྩིས་ཁྲར་བཅུག་ནས། གྲོང་ཚོའི་རྨང་གཞིའི་སྒྲིག་བཀོད་ལེགས་གཏོང་དང་ཁྱད་ལྡན་ཐོན་ལས་འཕེལ་རྒྱས་གཏོང་བར་མ་དངུལ་གྱི་འདེགས་སྐྱོར་བྱས་ཏེ། གྲོང་ཚོ་ཡོངས་ཀྱི་འཕེལ་རྒྱས་ལ་རྨང་གཞི་བརྟན་པོ་ཞིག་བཏིང་ཡོད་པ་རེད།

སྦངས་གྲོང་ཚོའི་ཏང་སྤྱི་ཁྱབ་ཧྲུའུ་ཅི་ཟླ་བས་ཡིད་ཆེས་ཀྱིས་ཁེངས་བཞིན“སྔོན་ཆད་གྲོང་ཚོར་མཉམ་སྡེབ་དཔལ་འབྱོར་གྱི་ཡོང་འབབ་སྤྱིར་ན་མེད་མོད། འོན་ཀྱང་ད་ཆ་ཡོང་འབབ་བརྟན་པོ་ཡོད་པས་གྲོང་ཚོ་ཨུ་ལྷན་གྱིས་མ་དངུལ་དེར་བརྟེན་ནས་འགྲོ་ལམ་ཉམས་བཟོ་དང་གློག་དྲ་སྒྱུར་བཀོད་བྱ་རྩིས་ཡོད། འགྲོ་ལམ་བདེ་པོ་དང་གློག་བརྟན་པོ་བྱུང་ན་ཚང་མའི་འཚོ་བ་སྔར་བས་ལེཌ་སུ་འགྲོ་ངེས་རེད”ཅེས་བཤད།

རྒྱལ་ཁབ་གློག་དྲ་ལྷ་ས་གློག་གཏོང་ཀུང་སིའི་འཛུགས་སྐྲུན་པུའུ་ཡི་ཆེད་གཉེར་འགན་འཁུར་བ་མ་ཞང་ལུང་གིས“སྟོད་ལུང་བདེ་ཆེན་ཆུས་ཀྱི་འོད་ཤུགས་གློག་ཁང་རྣམ་གྲངས་ནི་ལྷ་ས་གྲོང་ཁྱེར་གྱི་ལྗང་མདོག་ནུས་རྒྱུ་འཕེལ་རྒྱས་གཏོང་བའི་གྲུབ་ཆ་གལ་ཆེན་ཞིག་རེད། ང་ཚོས་ནུས་ཤུཌ་ཡོད་རྒུས་གློག་དྲ་སྦྲེལ་མཐུད་དང་འཁོར་སྐྱོད་འགན་སྲུང་ལས་དོན་ཡག་པོ་བསྒྲུབས་ཏེ། རྣམ་གྲངས་བདེ་བླག་ངང་དྲ་སྦྲེལ་གློག་གཏོང་ཐུབ་པའི་འགན་ལེན་བྱེད་ཀྱི་ཡིན། དུས་མཚུངས་སུ་ནུས་རྒྱུ་གཙང་མའི་རྣམ་གྲངས་དེ་བས་མང་བ་ལག་ལེན་བསྟར་བ་དང་བསྟུན་ནས། ང་ཚོས་གློག་དྲའི་རིག་ནུས་ཅན་གྱི་ཆུ་ཚད་དང་འདྲེན་སྤྱོད་ནུས་པ་རྒྱུན་ཆད་མེད་པར་ཆེ་རུ་བཏང་ནས་ལྗང་མདོག་གློག་ནུས་སྔར་བས་མང་བ་ཁྱིམ་ཚང་ཁྲི་སྟོང་མང་པོར་གཏོང་ཐུབ་པར་བྱས་ཏེ། ལྷ་ས་གྲོང་ཁྱེར་གྱི་དཔལ་འབྱོར་དང་སྤྱི་ཚོཌ་འཕེལ་རྒྱས་ལ་གློག་ཤུགས་ཀྱི་འགན་ལེན་བརྟན་པོ་བྱེད་ཀྱི་ཡིན་ཞེས་བཤད།

སྦངས་གྲོང་ཚོའི་ས་མཐོ་ས་ཞིག་ནས་རྒྱང་ལྟ་བྱེད་སྐབས། སྟར་དུ་བསྒྲིགས་པའི་འོད་ཤུགས་པང་ལེབ་དག་རྒྱ་མཚོ་ཞིག་དང་འདྲ་ལ་གངས་རི་དང་རྩྭ་ཐང་ལ་མཛེས་རྒྱན་སྤྲས་པ་ལྟར་དུ་སྣང་། “ཉི་འོད་ཀྱི་འབྲོག་ར”དེ་བོད་ཀྱི་ནུས་རྒྱུ་ཕྱོཌ་སྒྱུར་དང་གྲོང་གསེབ་དར་རྒྱས་མཉམ་འདྲེས་ཀྱི་གསོན་ཉམས་དོད་པའི་མ་དཔེར་གྱུར་ཅིང་། སྒང་ནས་གློག་གཏོང་བ་དང་འོག་ཏུ་རྩྭ་ར་ཡིན་པས་དེ་དག་ལས་ཡུལ་དེའི་འབྲོག་པར་ཕན་པ་མི་ཉུང་བ་ཞིག་ཐོབ་ཡོད། དེ་དག་ཚང་མ་རྣམ་གྲངས་དེ་སྐྲུན་པའི་ཐོག་མའི་བསམ་འདུན་ཏེ“ང་ཚོས་འོད་ཤུཌ་པང་ལེབ་ནས་གློག་གཏོང་ཐུབ་པ་བྱས་ཏེ། མི་སེར་ཚོའི་བདེ་སྐྱིད་འཚོ་བར་སྔར་བས་འོད་སྣང་སྦྱིན་གྱི་ཡིན”ཞེས་པ་དང་དངོས་སུ་མཐུན།