དབུ་ཤོག>ཞིང་འབྲོག་གསར་པ།>གྲོང་གསེབ་གསར་པ་འཛུགས་སྐྲུན།
  • ལྷོ་ཁ་གྲོང་ཁྱེར་གྱིས་ཤེས་དཔལ་སྲོལ་གསར་མང་ཚོགས་ཀྱི་སེམས་སུ་གཏིང་ཟབ་ཟུག་པར་བྱས་པ།

  • ཡོང་ཁུངས།  ཀྲུང་གོའི་བོད་ཀྱི་གསར་འགྱུར་དྲ་བ།   |     སྤེལ་དུས།  2025-07-22

    དབྱར་རྩྭ་དགུན་འབུ་འཐུ་ཡུལ་གྱི་དམངས་ཕན་རོགས་སྐྱོར་ནས་ཇ་ཁང་ནང་རིགས་པའི་གཞུང་ལུགས་གསལ་འགྲེལ་བྱེད་པའི་བར་དང་། ཞིང་ནང་དང་མུ་ཁའི་སྙིང་ཉེ་བའི་ཞབས་ཞུ་ནས་གྲོང་ཚོ་དང་ཁྲོམ་གཞུང་དུ་སྤེལ་བའི་ངོ་མཚར་ཆེ་བའི་རིག་རྩལ་བྱེད་སྒོ་སོགས་བར། ལྷོ་ཁ་གྲོང་ཁྱེར་གྱིས“ཤེས་དཔལ་ཡར་ཐོན་གྱི་རྣམ་པ་གསར་པ་བཏོད་ནས་སྐྱོན་བྲལ་བདེ་སྐྱིད་ཀྱི་འཚོ་བར་དང་ཞེན་བྱེད་པའི”དྲིལ་བསྒྲགས་སློབ་གསོའི་བྱེད་སྒོ་ཚ་ཚ་འུར་འུར་ངང་སྤེལ་བཞིན་ཡོད།

    ད་ལོའི་ཟླ་3ཚེས་11ཉིན་སྤེལ་འགོ་ཚུགས་ཚུན། གྲོང་ཁྱེར་ཡོངས་ཀྱིས་རིམ་རྩིས་བརྒྱབ་ན་བྱེད་སྒོ་ཐེངས་4200ལྷག་ཙམ་སྤེལ་བར་མང་ཚོགས་མི་ཐེངས་ཁྲི་40ཙམ་ཞུགས་པའི་ཡིད་དབང་བཀུག་ཡོད། བྱེད་སྒོ“རིག་གནས་སིམ་པ་དང་། ལག་ལེན་གྱི་མཐུན་རྐྱེན་སྦྱོར་བ། ཕྱོགས་མང་གི་རམ་འདེགས”བཅས་ཟུང་འབྲེལ་གྱིས་མང་ཚོགས་དང་འབྲེལ་འདྲིས་དང་གསོན་ཤུགས་ཀྱིས་ཁེངས་པའི་བྱ་ཐབས་ལ་བརྟེན་ནས། ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བ་བཅས་ཀྱི་དད་མོས་ཀྱི་རྨང་གཞི་ཡར་ཀླུང་ས་གཞི་ཆེན་པོར་རྩ་བ་བརྟན་པོ་ཚུགས་པར་བྱས་ཡོད།

    ཤེས་དཔལ་སྲོལ་གསར་སྐྱེད་སྲིང་བྱ་རྒྱུ་གཞི་རིམ་དུ་དབྱར་མཚོ་རྒྱས་པ་ལྟར་སྤེལ་བར་མང་ཚོགས་ཀྱི་དགའ་བསུ་ཆེན་པོ་ཐོབ་ཡོད། ལྷོ་ཁ་གྲོང་ཁྱེར་གྱིས་ཤེས་དཔལ་སྲོལ་གསར་སྐྱེད་སྲིང་བྱེད་པའི་མ་ལག་ཧུར་ཐག་བཙུགས་ཏེ་བྱེད་སྒོའི་གྲ་སྒྲིག་དུས་མཚམས་སུ་ཆེད་དོན་ཚན་ཁག་གི་མི་སྣས་གྲོང་ཁྱེར་ཡོངས་ཀྱི་རྫོང(ཆུས་དང་གྲོང་ཁྱེར)12དང་། ཤང་དང་གྲོང་རྡལ(ཁྲོམ་གཞུང་)23 གྲོང་ཚོ(སྡེ་ཁུལ)24 སློབ་གྲྭ་14བཅས་ལ་བརྟག་དཔྱད་གཏིང་ཟབ་བྱས་ཏེ་མི་སེར་གྱི་སྐད་ཆ་དང་བརྩེ་བར་བརྟེན་ནས་བྱེད་སྒོའི་ནང་དོན་ཞིབ་ཚགས་བདམས་པ་རེད། “བྱེད་སྒོ་ཁག་བཅུར”བརྟེན་ནས་དྲིལ་བསྒྲགས་སློབ་གསོར་སྐུལ་འདེད་གཏིང་ཟབ་གཏོང་བ་དང་རིམ་ཁག་ཏང་རྩ་འཛུགས་ཀྱི་བྱེད་པོའི་འགན་འཁྲི་ཁ་གསལ་བཟོས་པས། གྲོང་ཨུད་ཀྱིས་སྣེ་ཁྲིད་དང་། སྡེ་ཚན་ཁག་སོ་སོས་འགན་འཁྲི་འཁུར་བ། གྲོང་ཁྱེར་དང་རྫོང་གིས་མཉམ་དུ་དམ་འཛིན་དང་མཉམ་དུ་དོ་དམ་བཅས་བྱེད་པའི་ལས་ཆོད་ཆེ་བའི་ལས་ཀའི་ལམ་སྲོལ་ཆགས་ཡོད།

    གྲོང་ཁྱེར་ཡོངས་ཀྱིས་དུས་རབས་གསར་པའི་ཤེས་དཔལ་ལག་ལེན་ལྟེ་གནས(སུའོ་དང་ས་ཚིགས)སོགས་དྲིལ་བསྒྲགས་བྱ་ཡུལ་ཧུར་ཐག་འཛུགས་གཏོད་བྱས་ནས་དྲ་ཐོག་དང་དྲ་ཕྱི་མཉམ་འགུལ་དམ་ཟབ་བྱས་ཏེ་ཤེས་དཔལ་སྲོལ་གསར་གྱི་རྣམ་པ་ཟབ་མོ་བཏོད་ཡོད། སྣ་དཀར་རྩེ་རྫོང་གི་རིམ་ཁག་ཏང་རྩ་འཛུགས་ཀྱིས་ཏང་དམངས་ཞབས་ཞུ་ལྟེ་གནས་སུ་ཇ་ཁང་དང་ཞིང་པའི་དཔེ་དེབ་ཁང་སོགས་བཙུགས་ནས་ཁྱིམ་མཚེས་འཆམ་མཐུན་ཡོང་བར་སྐུལ་འདེད་དང་ཤེས་དཔལ་གྱི་འདུ་ཤེས་ཁྱབ་སྤེལ་བཏང་ཡོད།

    ལྷོ་བྲག་རྫོང་གིས“གཞི་རིམ་དུ་གཞི་ཚུགས་ནས་ཤེས་དཔལ་གླེང་། སྲོལ་གསར་ལ་བརྟེན་མཐའ་མཚམས་བརྟན་པོར་སྲུང”གི་སྒྲོག་འགྲེལ་འགྲན་བསྡུར་གཉེར་བ་དང་། འགྲན་བསྡུར་ལ་བརྟེན་ནས་སློབ་སྦྱོང་ལ་སྐུལ་འདེད་དང་སྒྲོག་འགྲེལ་པའི་ཆུ་ཚད་མཐོ་རུ་བཏང་སྟེ། ཞིང་འབྲོག་པའི་སྒྲོག་འགྲེལ་པས་ཤེས་དཔལ་ཁྱབ་སྤེལ་དང་གཞི་རིམ་ལ་ཞབས་འདེགས་ཞུ་བའི་དད་སེམས་བརྟན་དུ་བཏང་ཡོད། ལྷོ་བྲག་རྫོང་གི་སྒྲོག་འགྲེལ་པའི་འགྲན་བསྡུར་བྱ་ཡུལ་དུ་བདམས་ཐོན་པས་གཅིག་རྗེས་གཉིས་མཐུད་ངང“དེ་ནི་སྒྲོག་འགྲེལ་རྩལ་ནུས་ཀྱི‘དམག་སྦྱོང”ལྟ་བུ་ཡིན་ལ། ཤེས་དཔལ་སྲོལ་གསར‘ཁྱབ་སྤེལ”གཏོང་བ་ཞིག་ཀྱང་ཡིན”ཞེས་བཤད།

    གྲོང་གསེབ་དར་རྒྱས་གཏོང་བར་གཟུགས་བརྙན་གཏོད་དགོས་ལ་བློ་སྦྱོང་ཡང་བྱེད་དགོས། ལྷོ་ཁ་གྲོང་ཁྱེར་གྱི་གྲོང་གསེབ་དང་འབྲོག་ཁུལ་གྱི་ཏང་རྩ་འཛུགས་ཀྱིས་མང་ཚོགས་ལ་བདེ་ཐང་གི་འཚོ་བ་སྐྱེལ་སྟངས་འཇགས་རྒྱུར་ཁྲིད་སྟོན་ཧུར་ཐག་བྱས་ཏེ། “གཤམ་སྤེལ་གསུམ”གྱི་བྱེད་སྒོ་དང་ཟུང་འབྲེལ་གྱིས་གྲོང་ཁྱེར་ཡོངས་ཀྱི་དང་བླངས་ཞབས་ཞུའི་རུ་ཁག་4698དང་དང་བླངས་པ་ཁྲི་5.1ལྷག་ཙམ་གྱི་ནུས་པ་བཏོན་ནས་དྲོ་སྐྱིད་བརྒྱུད་སྤྲོད་ཀྱིས་མང་ཚོགས་ཀྱི་ཐོབ་སྣང་དང་སྐྱིད་སྣང་ཆེ་རུ་བཏང་ཡོད། མིག་སྔར་གྲོང་ཁྱེར་ཡོངས་སུ་དང་བླངས་ཞབས་ཞུའི་བྱེད་སྒོ་སྣ་ཚོགས་ཐེངས་4200སྤེལ་བ་རེད།

    གང་དུ་མིག་དཔེ་ཡོད་ན་དེ་གར་རྣམ་པ་གསར་པ་མངོན། ལྷོ་ཁ་གྲོང་ཁྱེར་གྱིས“མཐའ་སྲུང་བ་ཡག་ཤོས”དང་། ཤེས་དཔལ་གྲོང་ཚོ་དང་གྲོང་རྡལ། ཤེས་དཔལ་ཁྱིམ་ཚང་སོགས་སྔོན་ཐོན་དཔེ་མཚོན་དཔྱད་འདེམས་བྱེད་པ་དང་དེ་བཞིན“ཤེས་དཔལ་ལྷོ་ཁ·མིག་དཔེ་དང་མཉམ་དུ་བགྲོད”དང“རྒྱལ་གཅེས་མཐའ་སྲུང་ལ་ལྷག་བསམ་རྣམ་དག་གིས་ལེགས་སྐྱེས་འབུལ་བའི”སྐོར་སྐྱོད་སྙན་ཞུའི་ཚོགས་འདུ་སོགས་ཀྱི་བྱེད་སྒོ་སྤེལ་བ་བརྒྱུད། མིག་དཔེའི་སྟོབས་ཤུགས་ལ་བརྟེན་ནས་མང་ཚོགས་དེ་བས་མང་བས་ཤེས་དཔལ་ལག་ལེན་བསྟར་བར་སྐུལ་ཁྲིད་བྱས་ཡོད། དེ་དང་ཆབས་ཅིག གྲོང་ཁྱེར་ཡོངས་ཀྱིས“ཟླ་རེར་བཀོད་གཏོང་རེ་དང་། དབྱེ་ཞིབ་རེ། ཚོད་སྐོར་རེའི”ལམ་སྲོལ་བཙུགས་ནས་སྐུལ་འདེད་གཏོང་ཤུགས་མི་འདང་བའི་ཚན་པར་དུས་ཐོག་ཏུ་དྲན་སྐུལ་དང་ལྟ་སྐུལ་བྱས་ཏེ་བྱེད་སྒོ་འཆར་གཞི་ལྟར་གོ་རིམ་ལྡན་པའི་ངང་སྤེལ་བར་སྐུལ་འདེད་གཏོང་བ་དང་འབྲེལ་ཕན་འབྲས་དངོས་ཐོན་པར་འགན་ལེན་བྱས་པ་རེད། 

    འགན་འཁུར་རྩོམ་སྒྲིག་པ། ཚེ་བརྟན་རྡོ་རྗེ།

འབྲེལ་ཡོད་གསར་འགྱུར།