ལྷོ་ཁ་གྲོང་ཁྱེར་གྱི་བ་གླང་རྒྱུད་པ་ལེགས་བཅོས་ལ་དུས་མཚམས་རང་བཞིན་གྱི་གྲུབ་འབྲས་ཐོབ་པ།
ཉེ་ཆར། གསར་འགོད་པར་ལྷོ་ཁ་གྲོང་ཁྱེར་གྱི་འབྲུ་རིགས་མུའུ་རེའི་ཐོན་ཚད་མཐོ་རུ་གཏོང་བ་དང་ཕྱུགས་རིགས་ཀྱི་རྒྱུད་པ་ལེགས་བཅོས་ལས་དོན་བཞུགས་མོལ་ཚོགས་འདུའི་ཐོག་ནས་ཤེས་རྟོགས་བྱུང་བར། མིག་སྔར་གྲོང་ཁྱེར་ཡོངས་ཀྱི་བ་གླང་གི་ལག་ཡོད་མགོ་གྲངས་ཁྲི་5.5ཟིན་པ་དང་། དེའི་ནང་རྒྱུད་སྤེལ་ཐུབ་པའི་བ་མོ་ཁྲི་5.17ཟིན་པ་དེས་ལྷོ་ཁ་གྲོང་ཁྱེར་གྱི་བ་གླང་གི་རྒྱུད་པ་ལེགས་བཅོས་ལས་དོན་ལ་སྐུལ་འདེད་ཤུགས་ཆེན་ཐེབས་ནས་དུས་མཚམས་རང་བཞིན་གྱི་གྲུབ་འབྲས་ཐོབ་པ་མཚོན་གྱི་ཡོད།
ཤེས་རྟོགས་བྱུང་བར་གཞིགས་ན། ལྷོ་ཁ་གྲོང་ཁྱེར་གྱིས་བ་གླང་གི་རྒྱུད་པ་ལེགས་བཅོས་ལས་དོན་སྤེལ་རིང་། བ་གླང་གི་རྒྱུད་པ་ལེགས་བཅོས་ས་ཚིགས་278བཙུགས་ཏེ། “ལོ་ལྔ་ཚན་བཅུ་བཞི་པའི”ཚུན་དུ་གྲོང་ཁྱེར་ཡོངས་ཀྱིས་ཧོ་སི་ཐན་བཞོན་མའི་ཁམས་དཀར་འཁྱགས་རིལ་གཙོ་བོར་བྱས་པའི་མིའི་ཐབས་ཀྱིས་ཐིག་ལེ་བླུག་པའི་ལག་རྩལ་རྒྱུན་མཐུད་ཁྱབ་གདལ་བཏང་ནས། 2024ལོར་མགོ་གྲངས་29765ཕ་སྦྱོར་ཐུབ་པ་དང་ཆབས་ཅིག གྲོང་ཁྱེར་དང་། རྫོང་། ཤང་བཅས་རིམ་གསུམ་གྱི“གཟའ་འཁོར་རེར་བཀོད་གཏོང་དང་གཟའ་འཁོར་གཉིས་རེར་ཕྱོགས་བསྡུས”ཀྱི་ལག་རྩལ་འགན་གཙང་འགན་ལེན་ལམ་སྲོལ་དང་དེ་བཞིན་ཤང་དང་གྲོང་རྡལ་ལ་ཁྱབ་པའི་ལེགས་བཅོས་ཞབས་ཞུའི་དྲ་རྒྱ་བཙུགས་པས། ལོ་ཧྲིལ་པོའི་རྒྱུད་པ་ལེགས་བཅོས་ལས་དོན་འགན་ལེན་ནུས་ལྡན་ཐུབ་ཡོད།
ལྷོ་ཁ་གྲོང་ཁྱེར་ཕྱུགས་ལས་ཕྱུགས་སྨན་སྤྱི་ཁྱབ་ས་ཚིགས་ཀྱི་འགན་འཁུར་བས་རྒྱུད་པ་ལེགས་བཅོས་བྱས་རྗེས་ཀྱི་བ་གླང་གི་སྐྱེ་འཕེལ་མྱུར་ཚད་དང་། འོ་མ་ཐོན་ཚད། གཟན་ཆས་སྒྱུར་ཚད་སོགས་ཕྱོགས་ཡོངས་ནས་མཐོ་རུ་ཕྱིན་པ་མ་ཟད། རྒྱུད་པ་ལེགས་བཅོས་བྱས་པའི་བ་མོའི་ཉིན་རེའི་འོ་མ་ཐོན་ཚད་དེ་རང་སའི་བ་མོའི་འོ་མ་ཐོན་ཚད་ལས་སྤྱི་རྒྱ་5ཡན་གྱིས་མང་བ་ཡོད་པ་དང་། གསོ་སྤེལ་ར་བ་ཁག་གཅིག་གི་རྒྱུད་པ་ལེགས་བཅོས་བྱས་པའི་བ་མོའི་ཉིན་རེའི་འོ་མ་ཐོན་ཚད་སྤྱི་རྒྱ་15ཟིན་ནས་གསོ་སྤེལ་དུད་ཚང་ལ་ཐད་ཀའི་དཔལ་འབྱོར་གྱི་ཕན་འབྲས་བྱུང་བ་དང་འབྲེལ་ལྷོ་ཁ་གྲོང་ཁྱེར་གྱི་འབྲོག་ལས་ཀྱི་ཁྲོམ་རའི་འགྲན་ནུས་ཀྱང་མངོན་གསལ་དོད་པོས་ཆེ་རུ་ཕྱིན་ཡོད་ཅེས་བརྗོད།
འབྲེལ་ཡོད་གསར་འགྱུར།