གྲོང་མདའ་གྲོང་རྡལ་གྱི་མཛེས་མཐུན་གྲོང་གསེབ་འཛུགས་སྐྲུན་རྣམ་གྲངས་ལ་སྐུལ་འདེད་གཏིང་ཟབ་བཏང་བ་དང་བསྟུན་ནས། བླ་གདན་ཞོལ་གྲོང་ཚོ་དང་། བྱ་བཤད་གྲོང་ཚོ། བསྟོད་ཤོད་གྲོང་ཚོ་སོགས་ཀྱི་ཞིང་འབྲོག་དུད་ཚང་བརྒྱ་ལྷག་ཙམ་སྲོལ་རྒྱུན་གྱི་རྡོ་རྩིག་ལས་གྲུབ་པའི་སྡོད་ཁང་ལས་བྲལ་ཏེ་དེང་རབས་ཅན་གྱི་སྡོད་ཁང་གསར་པར་སྤོས་ནས་བདེ་སྐྱིད་ལྡན་པའི་འཚོ་བ་གསར་པ་ཞིག་སྐྱེལ་འགོ་ཚུགས་ཡོད།

ཉེ་ཆར། བླ་གདན་ཞོལ་གྲོང་ཚོའི་གྲོང་མི་བཅོ་ལྔ་མཚོ་མོ་སྨི་ངོས་གྲུ་300ལྷག་ཙམ་གྱི་ཁང་པ་གསར་པར་སྤོས་ཤིང་། ཚོམས་ཆེན་རྒྱ་ཆེ་ལ་དཀར་ཆ་དོད་པ་དང་། ཐབ་ཚང་དང་གསང་སྤྱོད་ཀྱི་སྒྲིག་ཆས་ཆ་ཚང་བ་མ་ཟད། ཕྲུ་གུ་ཚོར་ད་དུང་ཆེད་མངགས་དེབ་ཁང་ཡང་ཡོད། ཁོང་གི་སྡོད་ཁང་གསར་པར་འཛུལ་སྐབས། བཅོ་ལྔ་མཚོ་མོ་དཀར་ཆ་དོད་པའི་ཐབ་ཚང་ནང་རླངས་པ་འཚུབ་འཚུབ་ཀྱི་ཤ་མོག་བཟོས་ཏེ་སྐུ་མགྲོན་ཚོར་སྣེ་ལེན་ཞུ་བཞིན་ཡོད། ནང་མི་བརྒྱད་ཡོད་པའི་བཅོ་ལྔ་མཚོ་མོའི་ཁྱིམ་ནི་མི་རབས་གསུམ་འཛོམས་ཀྱི་ཁྱིམ་ཚང་ཞིག་ཡིན་ཞིང་། རྣམ་ཀུན་ནང་མི་ཚོ་ཚོམས་ཆེན་དུ་ཅི་འཕྲོས་མོལ་འཕྲོས་དང་དགའ་སྤྲོ་འཆམ་མཐུན་ངང་སྡོད་ཀྱི་ཡོད།

“ཁང་པ་གསར་པར་སྡོད་རྒྱུ་བྱུང་བས་ཧ་ཅང་དགའ་པོ་བྱུང་། སྔོན་ཆད་ནང་མི་ཚོ་ཁང་མིག་གཉིས་ནང་འཚང་ཁ་ཤིག་ཤིག་གིས་སྡོད་དགོས་པ་དང་། ད་ཆ་ཚང་མར་རང་ཉིད་ཀྱི་ཉལ་ཁང་རེ་ཡོད། ཏང་དང་རྒྱལ་ཁབ་ཀྱི་སྲིད་ཇུས་བཟང་པོའི་འོག གཞི་ནས་ང་ཚོ་ཁང་པ་ཡག་པོ་འདི་འདྲར་སྡོད་རྒྱུ་བྱུང”ཞེས་བཅོ་ལྔ་མཚོ་མོའི་ཕ་བཀྲ་ཤིས་དངོས་གྲུབ་ཀྱིས་ཁང་པ་གསར་པའི་སྐོར་གླེང་སྐབས་སེམས་འགུལ་ཆེན་པོ་ཐེབས་བཞིན་བཤད།

བྱ་བཤད་གྲོང་ཚོའི་གྲོང་མི་ཡེ་ཤེས་བསམ་གྲུབ་ཀྱིས་གསར་འགོད་པ་ཁོང་གི་ཁང་པ་གསར་པར་ལྟ་སྐོར་ལ་ཁྲིད་བྱུང་། ཁང་པའི་ནང་འཛུལ་སྐབས་ཡེ་ཤེས་བསམ་གྲུབ་ཀྱི་ཕ་ངག་ལེགས་དཀར་ཆ་དོད་པའི་ཉི་གཡབ་ཏུ་མེ་ཏོག་ལ་ཆུ་རྒྱག་བཞིན་འདུག “འདི་ལོའི་ཟླ་གཉིས་པར་ང་ཚོ་ཁང་པ་གསར་པར་སྤོས་པ་ཡིན། ང་ཚོས་ཏང་དང་རྒྱལ་ཁབ་ཀྱི་སྲིད་ཇུས་བཟང་པོ་ཆུད་ཟོས་སུ་གཏོང་མི་སྲིད་ལ། རང་ཉིད་ཀྱི་ལག་གཉིས་ལ་བརྟེན་ནས་འབད་བརྩོན་ཧུར་ཐག་གིས་དེ་བས་བདེ་སྐྱིད་ལྡན་པའི་འཚོ་བ་གཏོད་ཀྱི་ཡིན”ཞེས་ཡེ་ཤེས་བསམ་གྲུབ་ཀྱིས་བཤད།

ཉེ་བའི་ལོ་ཤས་རིང་། སྣང་རྫོང་གྲོང་མདའ་གྲོང་རྡལ་གྱིས་རིམ་རྩིས་བརྒྱབ་ན་སྒོར་ཁྲི་3680ལྷག་ཙམ་བཏང་ནས་མཛེས་མཐུན་གྲོང་གསེབ་འཛུགས་སྐྲུན་ལ་སྐུལ་འདེད་བཏང་བ་དང་། ཞིང་འབྲོག་པ་དུད་ཚང་275ལ་ཕན་པ་ཐོབ་པ། ཨར་འདམ་ལམ་འདིང་བ་དང་བཙོག་ཆུ་གཙང་གསིང་སོགས་རྨང་གཞིའི་སྒྲིག་བཀོད་དུས་མཉམ་དུ་འཐུས་སྒོ་ཚང་དུ་བཏང་བ་མ་ཟད། “གྲོང་ཚོ་རེར་སྤུས་རྟགས་རེའི”ཁྱད་ལྡན་ཐོན་ལས་ཀྱང་བཏོད་ཡོད།

ད་ཆ། གྲོང་མདའ་གྲོང་རྡལ་དུ་འཆམ་འཆམ་ལ་སྐྱོད་སྐབས། བོད་བཟོའི་སྡོད་ཁང་གསར་པ་གྲལ་བསྟར་འགྲིག་པ་དང་། ཨར་འདམ་ལམ་ཁྱིམ་གྱི་སྒོ་རྩ་བར་བཏིང་སྟེ། “སྡོད་ཁང་ཡོད་པ”ནས“སྡོད་ཁང་ཡག་པོ་ཡོད་པའི”བར་གྲོང་མདའ་གྲོང་རྡལ་དུ་བདེ་སྡོད་ལས་བརྩོན་གྱི་འཆར་གཞི་གསར་པ་ཞིག་འདིང་བཞིན་མ