ཉེ་ཆར། ལྷོ་ཁ་གྲོང་ཁྱེར་གྱིས་གྲ་ནང་རྫོང་གི་སྡོང་ཆུང་ཀུ་ཤུ་ཕྱིར་གཏོང་དང་རྡོག་ཐོན་གྱི་མཛད་སྒོ་འཚོགས་པ་རེད། ཀུ་ཤུ་ཕྱིར་གཏོང་བྱེད་པ་ནི་ལྷོ་ཁའི་ཀུ་ཤུ་རྒྱལ་སྤྱིའི་ཁྲོམ་རར་གཏོང་བའི་ལམ་ཚད་རྡོ་རིང་གལ་ཆེན་ཞིག་ཡིན་ལ། ས་གནས་ཀྱི་དཔལ་འབྱོར་འཕེལ་རྒྱས་དང་གྲོང་གསེབ་དར་རྒྱས་ལ་སྐུལ་འདེད་གཏོང་བའི་འགག་རྩའི་བྱེད་ཐབས་ཤིག་ཀྱང་རེད།

སྔ་དྲོའི་ཆུ་ཚོད་10པར། སྡོང་ཆུང་ཀུ་ཤུ་བྱུར་བུར་བླུགས་པའི་རླངས་འཁོར་གཉིས་ལྷོ་ཁ་གྲོང་ཁྱེར་གྲ་ནང་རྫོང་ནས་ཐོན་ཏེ་ལྷོ་ཁའི་སྡོང་ཆུང་ཀུ་ཤུ་ནེ་པ་ལར་ཕྱིར་གཏོང་བྱེད་པའི་ལམ་ཚད་རྡོ་རིང་གལ་ཆེན་གསར་པ་ཞིག་དངོས་སུ་ཕྱེ་ཡོད། ཤེས་རྟོགས་བྱུང་བར་གཞིགས་ན། ལྷོ་ཁའི་སྡོང་ཆུང་ཀུ་ཤུ་འདེབས་འཛུགས་ཀྱི་རྟེན་གཞི་གལ་ཆེན་ཞིག་ཡིན་པའི་གྲ་ནང་རྫོང་གི་སྡོང་ཆུང་ཀུ་ཤུ་འདེབས་འཛུགས་ཀྱི་རྒྱ་ཁྱོན་ལ་མུའུ་10200ཟིན་པ་དང་ཁྱོན་མ་དངུལ་སྒོར་དུང་ཕྱུར་5.45བཏང་བ་དག་གྲ་ཕྱི་ཤང་རྣམ་སྲས་གླིང་གྲོང་ཚོ་དང་བསམ་ཡས་གྲོང་རྡལ་བློ་གྲོང་ཚོ་གཉིས་ཀྱི་ཡུག་ཁུལ་དུ་ཁྱབ་ཡོད་པ་དང་དེའི་རྒྱ་ཁྱོན་མུའུ་3992.9དང་མུའུ་6207.1ཟིན་ཡོད། གྲ་ནང་རྫོང་གི་སྡོང་ཆུང་ཀུ་ཤུའི་སྣ་ཁ་ཕུན་སུམ་ཚོགས་ཤིང་། དེའི་ནང་ཧྥུའུ་པུའུ་ལཱ་སི་དང་། ཨ་ཀྲེན་ཧྥུའུ་ཧྲེ། ཡན་ཧྥུའུ་ཨང་3པ། ཀྲེ་ཙུན་ཧྥུའུ་ཧྲེ། སྨི་ཚུའེ་སོགས་ཀུ་ཤུ་སྣ་ཁ་9ཙམ་ཡོད།

ལོ་གསུམ་རིང་གྲ་ནང་རྫོང་གི་སྡོང་ཆུང་ཀུ་ཤུའི་ཐོན་ལས་གཉེར་བ་དེས་རིམ་རྩིས་བརྒྱབ་ན། ས་གནས་དེ་གའི་མང་ཚོགས་ལ་ལས་ཞུགས་འབབ་འཕར་སྒོར་ཁྲི་5841.14སྐུལ་ཁྲིད་བྱས་ནས་ཞིང་པར་ཡོང་འབབ་བརྟན་པོ་བྱུང་བ་དང་གྲོང་གསེབ་དར་རྒྱས་འགྲོ་བར་སྐུལ་འདེད་ནུས་ལྡན་བཏང་ཡོད།