ཉེ་ཆར། 2024ལོའི་དབུལ་གྲོལ་ས་ཁུལ་གྱི་ཞིང་ཞོར་ཐོན་རྫས(832ལས་སྟེགས)ཐོན་ཚོང་འབྲེལ་སྦྱོར་ཚོགས་འདུ་ཧུའེ་ཀྲོའུ་རུ་གྲུབ་འབྲས་ཐོན་པའི་ངང་འཚོགས་པ་རེད། ད་ཐེངས་ཀྱི་ཐོན་ཚོང་འབྲེལ་སྦྱོར་ཚོགས་འདུའི་ཐོག བོད་རང་སྐྱོང་ལྗོངས་མཁོ་འཚོང་ཚོགས་པ་ཚད་ཡོད་ཀུང་སིས(གཤམ་དུ་བོད་རང་སྐྱོང་ལྗོངས་མཁོ་ཚོང་ཚོགས་པ་ཞེས་བསྡུ་རྒྱུ)ནས་དང་། ས་མཐོའི་དཀར་ཆུ། རང་བྱུང་ཆུ་བཟང་། ནགས་གསེབ་ཤ་མོའི་རིགས་ཀྱི་ལོ་ཏོག་སོགས་ཞིང་འབྲོག་ཁྱད་ལྡན་ཐོན་ལས་ཆེན་པོ་དྲུག་ལ་དམ་པོར་དམིགས་ཏེ། སྒྲིག་འཛུགས་ཞིབ་ཚགས་བྱས་ནས་ས་མཐོའི་ཁྱད་ལྡན་ཞིང་ཞོར་ཐོན་རྫས་200ལྷག་ཙམ་ཁུག་ཆེན་ཁུལ་གྱི་འགྲེམས་འཚོང་བྱ་ཡུལ་དུ་བཏོན་པ་རེད།

ད་ཐེངས་ཀྱི་འབྲེལ་སྦྱོར་ཚོགས་འདུར་དྲ་ཐོག་དང་དྲ་ཕྱི་ཟུང་འབྲེལ་དང“832ལས་སྟེགས”བརྒྱུད་བོད་ཀྱི་ཞིང་ཞོར་ཐོན་རྫས་དག་རྒྱལ་ཡོངས་ཀྱི་ཁྲོམ་ར་ཆེན་པོ་དང་འབྲེལ་སྦྱོར་ནུས་ལྡན་ཐུབ་ཡོད། བོད་རང་སྐྱོང་ལྗོངས་མཁོ་ཚོང་ཚོགས་པས་ལས་སྟེགས་དེ་བེད་སྤྱོད་གང་ལེགས་བཏང་སྟེ། ཞིང་ལས་ཁྱད་ལྡན་ཐོན་རྫས་ཕྱོགས་ཡོངས་ནས་དྲིལ་བསྒྲགས་ཁྱབ་གདལ་བྱས་པས་ཉོ་སྒྲུབ་ཚོང་པ་དང་འཛད་སྤྱོད་པ་མང་པོའི་དོ་ཁུར་ཐོབ་ཡོད།