མིག་སྔར་ས་མཐོར་གྲང་ངར་ཧ་ཅང་ཆེ་ཡང་། ས་བབ་མཐོ་ཚད་སྨི་4400ལྷག་ཟིན་པའི་གཞིས་རྩེ་གྲོང་ཁྱེར་ཁང་དམར་རྫོང་ས་དམར་མདའ་ཤང་གི་སྤུས་ལེགས་སྔོ་ཚལ་ཐོན་སྐྱེད་རྟེན་གཞིའི་དྲོད་ཁང་ཆེ་མོའི་ནང་ཤིང་འབྲས་དང་སྔོ་ཚལ་སྐྱེ་འཚར་ཡག་པོ་བྱུང་ནས་སྔོ་ཐིང་ངེར་གནས་ཡོད་པ་རེད། རྟེན་གཞི་འཛུགས་སྐྲུན་བྱས་ཚུན་དུ། གླིང་ཁུལ་དང་། སྣེ་ཁྲིད་ཁེ་ལས། མཉམ་ལས་ཁང་། རྟེན་གཞི། ཞིང་དུད་བཅས་ཕན་ཚུན་ཟུང་འབྲེལ་བྱས་པ་བརྒྱུད། རིམ་རྩིས་བྱས་ན། ས་གནས་དེ་གའི་མང་ཚོགས་མི་ཐེངས་ཁྲི་1ལྷག་ཙམ་ལས་ཞུགས་ཐུབ་ནས་གླ་ཆ་སྒོར་ཁྲི་200རག་པ་དང་། ས་གནས་དེ་གའི་འཕྲུལ་ཆས་གླས་སྤྱོད་བྱས་ནས་ཡོང་འབབ་སྒོར་ཁྲི་150ལྷག་འཕར་བ། མི་5ལས་ཞུགས་བརྟན་པོ་ཐུབ་པར་མ་ཟད། ས་གནས་དེ་གའི་ཞིང་འབྲོག་པར་སྔོ་ཚལ་འདེབས་འཛུགས་ལག་རྩལ་མཛུབ་ཁྲིད་ཀྱང་བྱས་པ་རེད།