ཉེ་བའི་ལོ་ཤས་རིང་། སྨན་གླིང་གྲོང་ཁྱེར་འཛད་སྤྲོད་མཉམ་ལས་ཁང་གི་བོད་བྱ་གསོ་ཚགས་རྟེན་གཞིས་ཁྱད་ལྡན་བོད་བྱ་གསོ་ཚགས་ཐོན་ལས་འཕེལ་རྒྱས་བཏང་བ་བརྒྱུད། ས་གནས་དེ་གའི་མང་ཚོགས་འབབ་འཕར་ཕྱུག་འགྱུར་ཡོང་བར་ལམ་བུ་གསར་པ་ཞིག་བཏོད་ཡོད།

སྨན་གླིང་གྲོང་ཁྱེར་འཛད་སྤྲོད་མཉམ་ལས་ཁང་གི་བོད་བྱ་གསོ་ཚགས་རྟེན་གཞི་2021ལོའི་ཟླ་10པར་བཙུགས་ཤིང་། བྱ་ཚང་གི་རྒྱ་ཁྱོན་ལ་མུའུ་3ཡོད་པ་དང་མང་ཚོགས་20ཡི་ལས་ཞུགས་གནད་དོན་ཐག་གཅོད་བྱས་ཡོད།

“ད་ཆ་རྟེན་གཞིར་བོད་བྱ་5000ལྷག་ཙམ་ཡོད་ཅིང་། བོད་བྱ་དང་བོད་སྒོང་ཉོ་མཁན་མང་པོ་འདུག བོད་བྱ་རེར་སྒོར་150ལྷག་ཙམ་དང་བོད་སྒོང་རེར་སྒོར་3ཙམ་རག་གི་འདུག”ཅེས་རྟེན་གཞིའི་ལག་རྩལ་པ་པད་མ་རྒྱ་མཚོས་དགའ་ཚོར་ཆེན་པོས་ངོ་སྤྲོད་བྱས།

ཤེས་རྟོགས་བྱུང་བར་གཞིཌ་ན། 2015ལོར“སྨན་གླིང་གི་བོད་བྱར”རྒྱལ་ཁབ་ཀྱི་ས་གཤིས་མཚོན་རྟགས་ཐོན་རྫས་ཀྱི་མཚན་སྙན་རག་རྗེས། བོད་བྱ་གསོ་ཚགས་ཀྱི་གཞི་ཁྱོན་རྒྱུན་ཆད་མེད་པར་ཆེ་རུ་བཏང་ཡོད། སྨན་གླིང་གྲོང་ཁྱེར་གྱིས་སྲིད་གཞུང་གི་རོགས་སྐྱོར་དང་། བོད་སྐྱོར་གྱི་གཞོགས་འདེགས། ཚན་རྩལ་གསོ་ཚགས། མང་ཚོགས་ཞུགས་པ་བཅས་བརྒྱུད། དམིགས་བསལ་ཁྱད་ཆོས་ལྡན་པའི་བོད་བྱའི་འབྱུང་འཕྲོད་ཐོན་ལས་ཞིབ་ཚགས་བཏོད་པ་མ་ཟད། ད་དུང“ཐོན་ལས་ལ་བརྟེན་ནས་གྲོང་ཁྱེར་སྟོབས་ཆེར་གཏོང་བའི”འཐབ་ཇུས་ལག་བསྟར་གཏིང་ཟབ་བྱས་པ་དང་། བོད་བྱ་གསོ་ཚགས་ཐོན་ལས་མགྱོགས་མྱུར་འཕེལ་རྒྱས་གཏོང་རྒྱུ་ཚད་བརྒལ་དུ་བྱེད་པ། ཤིང་འབྲས་དང་ལས་སྣོན་ལས་རིགས་སོགས་ཐོན་ལས་མཉམ་དུ་འཕེལ་རྒྱས་བཏང་སྟེ། སྨན་གླིང་གི་ཁྱད་ལྡན་ཐོན་ལས་མགྱོགས་མྱུར་འཕེལ་རྒྱས་འགྲོ་བར་སྐུལ་ཁྲིད་ནུས་ལྡན་བྱས་ཡོད།