གྲོང་ཚོར་བཅའ་སྡོད་ལས་བྱེད་པ་ཁག་བཅུ་གཉིས་པ་སླེབས་ཚུན། ནག་ཆུ་གྲོང་ཁྱེར་གསེར་རྙེད་ཆུས་ཀྱིས་དུས་དང་རྣམ་པ་ཀུན་ཏུ་གྲོང་སྡོད་ལས་དོན་གྱི་ལས་འགན་གཙོ་བོ་དང་གནད་དོན་ཤེས་རྟོགས་དག་ཐེར་ལ་དམིགས་ནས་དམིགས་ཚད་སྟོན་ཕྱོགས་སུ་འཛིན་པ་དང་། གནད་དོན་སྟོན་ཕྱོགས་སུ་འཛིན་པ། ཕན་འབྲས་སྟོན་ཕྱོགས་སུ་འཛིན་པ་མཐའ་འཁྱོངས་དང་། ཤེས་འཕྲལ་ལེགས་བཅོས་དང་གཅིག་ཤེས་ཀུན་གྲོལ་བྱེད་ཤུགས་ཆེ་རུ་གཏོང་བ།“12345”ཡི་ལས་ཀའི་བྱེད་ཐབས་གསར་གཏོད་བཅས་བྱས་ཏེ་གནད་དོན་དག་ཐེར་ལ་བརྟེན་ནས་གྲོང་སྡོད་ཀྱི་ལས་དོན་གཏིང་ཟབ་དང་ཏན་ཏིག་ལ་སྐུལ་འདེད་བཏང་བ་རེད།

“དམིགས་ཚད་གཅིག”ལ་དམ་པོར་དམིགས་ནས་ཀུན་གྱི་སྔོན་ལ་དག་ཐེར་ལ་སྐུལ་འདེད་བཏང་བ། གསེར་རྙེད་ཆུས་ཀྱིས་གྲོང་སྡོད་ཀྱི་ལས་དོན་དུས་དང་རྣམ་པ་ཀུན་ཏུ་ཆབ་སྲིད་ཀྱི་ལས་འགན་གལ་ཆེན་ཞིག་ཏུ་བརྩིས་ཏེ། ཚུར་ལན་བྱས་པའི་གནད་དོན་ལ་ཕྱོགས་ཡོངས་ནས་དབྱེ་ཞིབ་བྱས་རྗེས་དག་ཐེར་ཇུས་གཞི་ཚན་རིག་དང་མཐུན་པར་བཟོས་པ་དང་ཆབས་ཅིག ཕྱོགས་6ཐད་ཀྱི་དག་ཐེར་བྱེད་ཐབས་ཞིབ་ཕྲ་11བཏོན་ནས། ཚུར་ལན་བྱས་པའི་གནད་དོན་ཚང་མ་ཐག་གཅོད་ཐུབ་པ་དང་ལས་ཀ་ཚང་མ་དམ་འཛིན་ཐུབ་པའི་འགན་ལེན་བྱས་ཡོད།

“བྱེད་སྒོ་ཆེན་པོ་གཉིས”སྤེལ་ནས་ལུས་སེམས་རྣལ་དུ་ཕབ་སྟེ་དག་ཐེར་ཡག་པོ་བྱས་པ། “མང་ཚོགས་ཀྱིས་གྲོང་སྡོད་ལས་བྱེད་པར་རྒྱུས་མངའ་མེད་པ་དང་། གྲོང་སྡོད་ལས་བྱེད་པས་གྲོང་ཚོའི་གནས་ཚུལ་ལ་རྒྱུས་མངའ་མེད་པ”སོགས་ཀྱི་གནད་དོན་ལ་དམིགས་ནས། ཉིན་བརྒྱའི་རིང་གྲོང་ཚོའི་དུད་ཚང་དུ་བསྐྱོད་དེ་བརྟག་ཞིབ་ཆེན་པོའི་བྱེད་སྒོ་གཏིང་ཟབ་སྤེལ་བ་དང་ཆབས་ཅིག གྲོང་སྡོད་ལས་དོན་རུ་ཁག་ཚན་པར་བྱས་པའི་གྲོང་སྡོད་ལས་དོན་རུ་མིའི་གཞི་རྩའི་ཆ་འཕྲིན་དང་འབྲེལ་གཏུག་ཁ་པར་ཨང་གྲངས་ཡོད་པའི་དམངས་ཕན་ཞབས་ཞུའི་གཱ་བཟོས་ཤིང་། མིག་སྔའི་བར་གསེར་རྙེད་ཆུས་ཀྱི་གྲོང་སྡོད་ལས་དོན་གྱི་སྤྱིའི་རུ་སྣེ་འཁྲིད་མཁན་དང་སྤྱིའི་རུ་སྣེ་འཁྲིད་མཁན་གཞོན་པས་ཤང་དང་གྲོང་རྡལ་ཚང་མ་དང་གྲོང་ཚོ（སྡེ་ཁུལ）70％ལ་དངོས་སུ་བསྐྱོད་པ་དང་། དངོས་སུ་བསྐྱོད་མེད་པའི་གྲོང་ཚོ（སྡེ་ཁུལ）ཁག་ལ་ཁ་པར་བརྒྱབ་ནས་འབྲེལ་ཡོད་གནས་ཚུལ་རྒྱུས་མངའ་བྱས་ཤིང་། གྲོང་སྡོད་ལས་དོན་རུ་ཁག་ཁག་གིས་དངོས་སུ་བསྐྱོད་པ་དང་ཡང་ན་ཁ་པར་བརྒྱབ་ནས་རེས་སྐོར་དང་པོའི་འཚམས་འདྲི་རྒྱུས་ལོན་ལས་དོན་ལེགས་སྒྲུབ་བྱས་པར་བརྟག་ཞིབ་སྙན་སེང་146བྲིས་པ་དང་། རིམ་རྩིས་བྱས་ན། དམངས་ཕན་ཞབས་ཞུའི་གཱ་2000ལྷག་ཙམ་དང་སྲིད་ཇུས་གསལ་ཡིག་5000ལྷག་ཙམ་སྤྲད་པ་རེད།

“ཕྱོགས་གསུམ་གྱི་འགན་འཁྲི”ནན་དུ་བཏང་ནས་ནུས་ཤུགས་བསྒྲིལ་ཏེ་མཉམ་དུ་དག་ཐེར་བྱས་པ། “གྲོང་སྡོད་ལས་བྱེད་པ་གྲོང་ཚོར་མི་སྡོད་པར་ཕྱོགས་གཉིས་ལ་རྒྱུག་པ”སོགས་ཀྱི་གནད་དོན་ལ་དམིགས་ནས་གྲོང་སྡོད་ལས་དོན་གྱི་སྤྱིའི་རུ་སྣེ་འཁྲིད་མཁན་གྱིས་སྣེ་ཁྲིད་དང་། གྲོང་སྡོད་གནས་སྐབས་ཏང་ཀྲི་པུའི་ཧྲུའུ་ཅིས་མིག་དཔེ་སྟོན་པ། གྲོང་སྡོད་ལས་དོན་རུ་ཁག་གི་རུ་དཔོན་རྗེས་སུ་འབྲང་བ་བཅས་ཀྱི་ལས་དོན་སྐུལ་སྤེལ་མ་ལག་ཅིག་བཙུགས་ཤིང་། མིག་སྔའི་བར། གསེར་རྙེད་ཆུས་ཀྱི་གྲོང་སྡོད་ལས་དོན་གྱི་སྤྱིའི་རུ་སྣེ་འཁྲིད་མཁན་གྱིས་གནས་སྐབས་ཏང་ཀྲི་པུའི་ཧྲུའུ་ཅི་ཁག་གི་ལས་དོན་སྙན་སེང་ཐེངས་དང་པོ་ཉན་པ་དང་། གསེར་རྙེད་ཆུས་ཀྱི་ཤང་དང་གྲོང་རྡལ་12ཀྱི་གྲོང་སྡོད་གནས་སྐབས་ཏང་ཀྲི་པུའི་ཧྲུའུ་ཅིས་གྲོང་སྡོད་ལས་དོན་རུ་ཁག་ཁག་གི་རུ་དཔོན་གྱི་ཟླ་བ་དང་པོའི་ལས་དོན་སྙན་སེང་ཉན་ནས། གྲོང་སྡོད་ལས་དོན་རུ་ཁག་146ཚང་མར་བཀོད་གཏོང་བྱས་ཡོད་པ་རེད།

“རིམ་བཞི་མཉམ་སྒུལ”བྱེད་ཤུགས་ཆེ་རུ་བཏང་ནས་གོང་འོག་མཐུན་སྦྱོར་བྱས་ཏེ་སྤྱི་འདོམས་དག་ཐེར་བྱས་པ། “གྲོང་སྡོད་ལས་བྱེད་པས་སྲིད་ཇུས་ལ་རྒྱུས་མངའ་མེད་པ”སོགས་ཀྱི་གནད་དོན་ཐག་གཅོད་ལ་ཤུགས་སྣོན་བརྒྱབ་ནས་རང་སྐྱོང་ལྗོངས་ཀྱི་དཔེ་མཚོན་གསོ་སྦྱོང་ལ་ཞུགས་པའི་སྒྲིག་འཛུགས་ཧུར་ཐག་དང་། གྲོང་སྡོད་ལས་བྱེད་པ་ཁག་བཅུ་གཉིས་པའི་སྲིད་ཇུས་ཀྱི་རིགས་པའི་གཞུང་ལུགས་གསོ་སྦྱོང་ཚོགས་འདུ་དང་ཤང་དང་གྲོང་རྡལ་ཁག་གི་ཐ་སྐྱོང་གསོ་སྦྱོང་ཚོགས་འདུ་བཀོད་སྒྲིག་ལུགས་མཐུན་བྱས་པ་མ་ཟད། ད་དུང་གྲོང་སྡོད་ལས་དོན་གྱི་ལག་དེབ་བཟོས་ནས། གྲོང་སྡོད་ལས་བྱེད་པར་སྲིད་ཇུས་ཁོང་དུ་སྔར་བས་ཡག་པོ་ཆུད་རོགས་བྱས་ཡོད།

“ལས་འགན་ལྔའི”ནང་དུ་བཅུག་སྟེ་ཕུགས་ལ་གཞི་ཚུགས་ནས་རྒྱུན་མཐུད་དག་ཐེར་བྱས་པ། གཟའ་འཁོར་རེའི་ལས་འགན་གསལ་ཐོ་དམ་འཛིན་བྱ་གཞི་དང་། སྒྲིག་སྲོལ་དང་ལམ་ལུགས་འཛུགས་པ་རྩ་བར་བྱས་ནས་དག་ཐེར་གྱི་ལས་དོན་དང“ལས་འགན་གཙོ་བོ་ལྔ”མཉམ་འདྲེས་དང་། ཕན་ཚུན་སྐུལ་འདེད། ཐུན་མོང་ཡར་རྒྱས་བཅས་ཡོང་བར་བྱས་ཤིང་། རིམ་རྩིས་བྱས་ན། སྐུལ་སྤེལ་ཡག་པོ་མ་བྱུང་བའི་གྲོང་ཚོ（སྡེ་ཁུལ）3ཤེས་རྟོགས་བྱུང་བར་དུས་ཐོག་ཏུ་དྲན་སྐུལ་གླེང་མོལ་དང་རྗེས་འདེད་ལྟ་སྐུལ་སོགས་བྱས་ནས། དག་ཐེར་ལས་དོན་ཚང་མ་དོན་འཁྱོལ་དང་ལས་དོན་ཚང་མར་ཚུར་ལན་ཡོད་པའི་འགན་ལེན་བྱས་ཡོད།