མི་དམངས་མང་ཚོགས་ཀྱིས་མཛེས་སྡུག་ལྡན་པའི་འཚོ་བར་བཅངས་པའི་རེ་འདོད་ནི། སྲིད་གཞུང་གི་འབད་འཐབ་བྱ་ཡུལ་རེད། འདི་ནི་ཐོག་མའི་བསམ་འདུན་རེད་ལ་དེ་བས་ཀྱང་འགན་འཁྲི་ཞིག་རེད།

ནོར་སྲིད་ཁ་ཐང་པོ་ཇི་ལྟར་ཡོད་ཀྱང་མང་ཚོགས་ཀྱི་འཚོ་བ་ཁ་ཐང་པོ་མི་ཡོང་བ་བྱེད་དགོས། སྲིད་གཞུང་ལ་དཀའ་ངལ་ཇི་ལྟར་ཆེ་ཡང་མི་སེར་ལ་དཀའ་ངལ་མི་ཡོང་བ་བྱེད་དགོས། འདི་ནི་དམ་བཅའ་ཞིག་རེད་ལ་དེ་བས་ཀྱང་འགན་འཁྲི་ཞིག་རེད།

ད་ལོའི་བོད་རང་སྐྱོང་ལྗོངས་སྲིད་གཞུང་གི་ལས་དོན་སྙན་སྒྲོན་ནང་དམངས་འཚོའི་སྐོར་གྱི་ལས་དོན་ཁག་38བསྒྲུབ་རྒྱུའི་ཁས་བླངས་འདུག་པ་འདི་ལྟར་ཏེ།

1.གྲོང་ཁྱེར་དང་གྲོང་རྡལ་གྱི་འགྲོ་ལམ་དང་། ཆུ་འདོན་ཆུ་འབུད། རང་བྱུང་སོལ་རླངས་སྦུག་ལམ་སོགས་ཀྱི་སྒྲིག་བཀོད་ཀྱི་ཞན་ཆ་གསབ་རྒྱུ་དང་། གྲོང་ཁྱེར་དང་གྲོང་རྡལ་གྱི་བཙོག་ཆུའི་སྦུག་དྲ་ཡོངས་སུ་ཁེབས་ཐུབ་པ་བྱ་རྒྱུ།

2.གྲོང་ཁྱེར་གྱི་འགྲིམ་འགྲུལ་འཚང་ཁ་ཆེ་བ་དང“རླངས་འཁོར་འཇོག་དཀའ་བའི”གནད་དོན་ཐབས་མང་མཉམ་སྤེལ་བྱས་ནས་ཐག་གཅོད་བྱ་རྒྱུ།

3.ནང་སྐྱེས་གོང་འཕེལ་གཏོང་བའི་སྒུལ་ཤུགས་ཆེ་རུ་གཏོང་བ་དང་ཡུལ་སྤོས་བྱས་པར་རྗེས་མཐུད་རོགས་སྐྱོར་གང་ལེགས་བྱས་ནས་གཞི་ཁྱོན་ལྡན་པའི་གཅིག་སྡུད་བཀོད་སྒྲིག་ས་ཚིགས་རེར་ཁྲོམ་རའི་ཕན་འབྲས་བཟང་བ་དང་སྣེ་ཁྲིད་ནུས་པ་ཆེ་བའི་ལེ་ལག་ཚང་སྒྲིག་གི་ཐོན་ལས་ཉུང་མཐར་ཡང་1ཡོད་པའི་འགན་ལེན་བྱས་ཏེ་མང་ཚོགས་རྣམས་བརྟན་གནས་ཐུབ་པ་དང་། ལས་ཞུགས་ཡོད་པ། མཉམ་འདྲེས་ཐུབ་པ། རིམ་བཞིན་ཕྱུག་འགྱུར་ཐུབ་པ་བཅས་བྱ་རྒྱུ།

4.གྲོང་གསེབ་ཀྱི་གཞུང་ལམ་རྣམ་གྲངས་ཁག་96ལག་བསྟར་བྱས་ནས་ཤང་དང་གྲོང་རྡལ་95%དང་སྒྲིག་ཚུད་གྲོང་ཚོ་78%ལ་མཁྲེགས་ལམ་ཤར་གཏོང་ཐུབ་པ་བཟོ་རྒྱུ།

5.ཡུལ་བབ་དང་མཐུན་པའི་སྒོ་ནས་ཞིང་འབྲོག་ཁུལ་གྱི་དུད་ཚང་གི་གསང་སྤྱོད་བསྒྱུར་བཀོད་བྱེད་པར་སྐུལ་སྤེལ་གཏོང་བ་དང་། འཚོ་བའི་གད་སྙིགས་གྲོང་ཚོས་བསྡུ་རུབ་དང་། ཤང་གིས་བརྒྱུད་འདྲེན། རྫོང་གིས་གཙང་སེལ་བཅས་བྱེད་པའི་ནུས་པ་ཆེ་རུ་གཏོང་རྒྱུ།

6.རྫོང་ཁོངས་ནང་གི་གྲོང་ཁྱེར་གྲོང་རྡལ་དང་གྲོང་གསེབ་འཆར་འགོད་འཛུགས་སྐྲུན་བྱེད་རྒྱུ་གཅིག་གྱུར་འཆར་འགོད་བྱས་ནས་མཛེས་སྡུག་གནས་འཕྲོད་ཐུབ་པའི་དཔེ་སྟོན་གྲོང་ཚོ་100བསྐྱར་དུ་བསྐྲུན་རྒྱུ་དང་གྲོང་ཚོ་100སྲ་བརྟན་མཐོར་འདེགས་བཏང་ཐོག“སྡོད་ཁང་གསར་པ་ཡོད་ཀྱང་གྲོང་ཚོ་གསར་པ་མེད་པ་དང་གྲོང་ཚོ་གསར་པ་ཡོད་ཀྱང་རྣམ་པ་གསར་པ་མེད་པའི”གནད་དོན་ཐག་གཅོད་ཤུགས་ཆེ་བྱེད་རྒྱུ་དང་སྲོལ་རྒྱུན་གྲོང་སྡེ་དང་གྲོང་གསེབ་ཀྱི་ཁྱད་ལྡན་རྣམ་པ་སྲུང་སྐྱོབ་ཡག་པོ་བྱ་རྒྱུ།

7.ཞིང་འབྲོག་ཁུལ་གྱི་མི་ཁྲི་18ལ་ཆུ་འདོན་འགན་སྲུང་ལེགས་གཏོང་ལས་གྲྭ་གཉེར་ཐོག ས་བབ་མཐོ་བའི་ས་ཁུལ་དུ་དུས་ཚིགས་རང་བཞིན་གྱི་ཆུ་ཆད་འགྲོ་བའི་གནད་དོན་ཐག་གཅོད་ཤུགས་ཆེ་བྱ་རྒྱུ།

8.“N+3”གྱི་ལས་གནས་འོས་སྦྱོར་བྱེད་སྟངས་གཏིང་ཟབ་ཏུ་བཏང་ནས་ལོ་འདིའི་མཐོ་རིམ་སློབ་གྲྭ་ཐོན་པའི་སློབ་མ་5000ཙམ་ཁེ་ལས་ནང་ལས་ཞུགས་ཐུབ་པའི་འཆར་གཞི་ལག་བསྟར་བྱེད་རྒྱུ་དང་། ལྗོངས་ཕྱིར“ཚོགས་སྒྲིག་རྣམ་པའི”ལས་ཞུགས་བྱེད་པར་སྐུལ་སྤེལ་བཏང་ནས་མཐོ་རིམ་སློབ་གྲྭ་ཐོན་པའི་སློབ་མ་ལྗོངས་ཕྱིར་ལས་ཞུགས་ཐུབ་ཚད་10%ཡན་དང་སྤྱི་ཡོངས་ལས་ཞུགས་ཐུབ་ཚད་95%ཡན་འགན་ལེན་ཐུབ་པ་བྱ་རྒྱུ། 

9.ལག་རྩལ་བྱང་ཆུབ་པ་བཟོ་བའི་ལག་རྩལ་པ་500ལ་སྦྱོང་བརྡར་སྤྲོས་རྒྱུ་དང་། ཞིང་འབྲོག་མང་ཚོགས་མི་ཁྲི་10ལ་རྩལ་ནུས་སྦྱོང་བརྡར་སྤྲོས་ཐུབ་པ་བྱེད་རྒྱུ། ཞིང་འབྲོག་མང་ཚོགས་མི་ཁྲི་60ཡན་ཁ་སྒྱུར་ལས་ཞུགས་ཐུབ་པ་དང་མི་ཁྲི་36ངལ་ནུས་སྒྲིག་འཛུགས་ཀྱིས་ཕྱིར་གཏོང་བྱས་ནས་ངལ་ནུས་ཡོང་འབབ་སྒོར་དུང་ཕྱུར་50ཡན་ཟིན་པ་བྱ་རྒྱུ།

10.མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་སློབ་གྲྭ་100གསར་གཏོད་བྱེད་རྒྱུ་དང་། སློབ་ཞུགས་མ་བྱས་གོང་གི་སློབ་གསོ་ཁྱབ་གདལ་དང་ཀུན་ཕན་ཡོང་བར་སྐུལ་སྤེལ་གཏོང་རྒྱུ། 

11.ལས་རིགས་སློབ་གསོའི་སྤུས་ལེགས་བཟང་སྐྱོང་འཆར་གཞིར་སྐུལ་སྤེལ་གཏོང་རྒྱུ་དང་། བོད་ཀྱི་མཐོ་རིམ་སློབ་གསོ་དར་རྒྱས་གཏོང་བའི་བྱ་སྤྱོད་སྤེལ་རྒྱུ།

12.ལོ་15ཡི་གཞུང་གྲོན་སློབ་གསོ་དོན་འཁྱོལ་ཡག་པོ་བྱས་ཏེ་སློབ་མར་སློབ་སྐྱོར་རོགས་རམ་བྱེད་པའི་སྲིད་ཇུས་བརྟན་པོ་ཡོང་བ་བྱེད་རྒྱུ་དང་། སློབ་གསོའི“འགན་ལེན་གསུམ”གྱི་མི་རེར་ཆ་སྙོམས་འགྲོ་གྲོན་ཚད་གཞི་སླར་ཡང་སྒོར་240མང་དུ་གཏོང་རྒྱུ།

13.“སྨན་བཅོས་ཀྱི་འབྲེལ་བ་གསུམ”བསྒྱུར་བཅོས་གཏིང་ཟབ་བྱས་ནས་སྨན་བཅོས་གཅིག་མཐུན་ཚོགས་པ་ཡག་པོ་འཛུགས་རྒྱུ་དང་། གྲོང་ཁྱེར་དང་གྲོང་གསེབ་ཀྱི་གྲོང་མིའི་གཞི་རྩའི་སྨན་བཅོས་འགན་བཅོལ་དེ་ཞིང་ཆེན་རིམ་པ་ནས་གཅིག་གྱུར་འཆར་འགོད་བྱེད་པར་སྐུལ་སྤེལ་བཏང་སྟེ་དམིགས་བསལ་ཚབས་ཆེའི་ནད་གཞིའི་སྨན་བཅོས་འགན་བཅོལ་དང་རོགས་སྐྱོབ་སྲིད་ཇུས་ཚགས་ཚུད་དུ་གཏོང་རྒྱུ། ལས་བཟོའི་གཞི་རྩའི་སྨན་བཅོས་འགན་བཅོལ་གྱི་སྒོ་བསྟེན་སྨན་རིན་མཉམ་འདོན་འགན་སྲུང་བྱ་རྒྱུ།

14.གྲོང་ཁྱེར་དང་གྲོང་གསེབ་ཀྱི་གྲོང་མིའི་བདེ་ཐང་བརྟག་དཔྱད་བྱེད་རྒྱུ་མི་ཚོགས་ཡོངས་ལ་ཁྱབ་ཐུབ་པ་བྱ་རྒྱུ།

15.བུད་མེད་ཀྱི“སྐྲན་ནད་གཉིས”བརྟག་བཤེར་སྨན་བཅོས་བྱེད་པར་སྐུལ་སྤེལ་གཏོང་རྒྱུ།

16.ལོ་13ནས་ལོ་14བར་གྱི་སློབ་སྡོད་སློབ་མ་བུ་མོར་HPVརིམས་འགོག་སྨན་ཁབ་རྒྱག་རྒྱུ་དང་། ལོ་60ཡན་གྱི་རྒན་འཁོགས་དང་སློབ་གྲྭ་འབྲིང་ཆུང་གི་སློབ་སྡོད་སློབ་མར་རང་མོས་ཐོག་རིན་མེད་ཀྱི་ཆམ་རིམས་འགོག་ཁབ་རྒྱག་རྒྱུ།

17.བདེ་ཐང་ཇ་ཁྱབ་གདལ་གཏོང་རྒྱུ།

18.རིག་གནས་ཀྱིས“མཐའ་གསོས”བྱེད་པར་སྐུལ་སྤེལ་གཏིང་ཟབ་གཏོང་རྒྱུ་དང་། རིག་གནས་དམངས་ཕན་གྱི་བརྒྱ་སྟོང་ཁྲིའི་བྱ་སྤྱོད་ལག་བསྟར་བྱ་རྒྱུ།

19.ཞིང་འབྲོག་ཁུལ་དུ་ཐད་གཏོང་སྲུང་སྐར་གྱི་རླུང་འཕྲིན་བརྙན་འཕྲིན་རབས་གསར་ཐེམ་དུད་ཚང་མར་ཁྱབ་པར་སྐུལ་འདེད་གཏོང་རྒྱུ།

20.ལུས་རྩལ་ཐང(ཁང)སྤྱི་ཚོགས་ལ་སྒོ་མོ་འབྱེད་ཤུགས་ཆེ་རུ་གཏོང་རྒྱུ།

21.གྲོང་ཁྱེར་དང་གྲོང་རྡལ་གྱི་སྡེ་ཁུལ་ཆུང་གྲས་དང་རྙིང་པ་31དང་སྡོད་ཁང་སྐྱོ་ཁུལ་ཐེམ་དུད་5500བསྒྱུར་བཀོད་བྱེད་རྒྱུ་དང་། སྤྱི་པའི་བོགས་གཏོང་ཁང་པ་1728དང་འགན་སྲུང་རང་བཞིན་གྱི་བོགས་གཏོང་སྡོད་ཁང་852འཛུགས་སྐྲུན་བྱ་རྒྱུ།

22.མཚོ་རྩིས་མཐོ་ཚད་སྨི་4000ཡན་གྱི་རྫོང་གྲོང་ཁག་5ལ་གཅིག་སྡུད་དྲོད་གཏོང་ལས་གྲྭ་ལག་བསྟར་བྱ་རྒྱུ།

23.སློབ་གྲྭ་ཁག་78དང་ཁུལ་ཁོངས་ཀྱི་ལྟེ་བའི་སྨན་ཁང་13ལ་དྲོད་གཏོང་ཐུབ་པ་བྱ་རྒྱུ།

24.ས་བབ་མཐོ་བའི་ཞིང་འབྲོག་ཁུལ་དུ་ཚ་ཁྲི་ཁྱབ་གདལ་གཏོང་བའི་ཚོད་ལྟ་བྱ་རྒྱུ།

25.ཁྱིམ་སྡོད་ཀྱིས་རྨང་གཞི་དང་། སྡེ་ཁུལ་གྱིས་རྒྱབ་རྟེན། ལས་ཁུངས་ཀྱིས་ཁ་གསབ་བཅས་བྱེད་པའི་བང་རིམ་མང་བའི་རྒན་གསོའི་ཞབས་ཞུའི་མ་ལག་འཛུགས་རྒྱུ།

26.ལོ་ན་མཐོ་བའི་རྒན་རྒོན་གྱི་བདེ་ཐང་ཁ་གསབ་སླར་ཡང་སྒོར་200མང་དུ་གཏོང་རྒྱུ།

27.“ཕྲུ་གུ་གསུམ”སྐྱེ་བར་སྐུལ་ལྕག་བྱེད་པའི་སྲིད་ཇུས་བྱ་ཐབས་འཐུས་ཚང་བཟོས་ཏེ་ཕྲུ་གུ་དམར་འབྱར་དང་བྱིས་པར་ལྟ་སྐྱོང་ཞབས་ཞུ་སྒྲུབ་པར་སྐུལ་སྤེལ་གཏོང་རྒྱུ།

28.ནར་མ་སོན་པའི་མིར་ཕྱོགས་ཡོངས་ནས་སྲུང་སྐྱོང་བྱེད་རྒྱུ་དང་དཀའ་ངལ་ཡོད་པའི་བྱིས་པར་གཅེས་སྐྱོང་བྱེད་པར་ཤུགས་སྣོན་བརྒྱབ་སྟེ་ཁོང་ཚོ་བདེ་ཐང་ངང་འཚར་ལོངས་ཡོང་བར་སྲུང་སྐྱོང་བྱ་རྒྱུ།

29.དཀའ་ངལ་ཡོད་པའི་མང་ཚོགས་ལ་རིན་གོང་ཐད་ཀྱི་གནས་སྐབས་ཁ་གསབ་སྤྲོད་རྒྱུ།

30.གྲོང་ཁྱེར་དང་གྲོང་གསེབ་ཀྱི་ཡུལ་མིའི་གཞི་རྩའི་སྨན་བཅོས་འགན་བཅོལ་གྱི་ཁ་གསབ་མི་རེར་ཆ་སྙོམས་སྒོར་30མང་དུ་གཏོང་རྒྱུ།

31.གཞི་རྩའི་སྤྱི་པའི་འཕྲོད་བསྟེན་ཞབས་ཞུའི་ཁ་གསབ་མི་རེར་ཆ་སྙོམས་སྒོར་5མང་དུ་གཏོང་རྒྱུ།

32.གྲོང་ཁྱེར་དང་གྲོང་གསེབ་ཀྱི་ཡུལ་མིའི་གཞི་རྩའི་འགན་གསོ་འགན་བཅོལ་གྱི་རྨང་གཞིའི་རྒན་གསོའི་མ་དངུལ་མི་རེར་ཆ་སྙོམས་སྒོར་10མང་དུ་གཏོང་རྒྱུ། 

33.ཡུལ་མིའི་མ་མཐའི་འཚོ་བ་འགན་སྲུང་ཚད་གཞི་དེ་གྲོང་ཁྱེར་དང་གྲོང་རྡལ་ལ་ལོ་རེར་མི་རེར་ཆ་སྙོམས་སྒོར་200དང་གྲོང་གསེབ་ལ་ལོ་རེར་མི་རེར་ཆ་སྙོམས་སྒོར་100མང་དུ་གཏོང་རྒྱུ།

34.དམིགས་བསལ་དཀའ་ངལ་ཡོད་པའི་མི་སྣའི་རོགས་སྐྱོབ་ཀྱི་བསྙེན་བཀུར་ཚད་གཞི་དེ་གྲོང་གསེབ་ཏུ་ཁ་ཐོར་བསྙེན་བཀུར་བྱེད་པའི་མི་སྣར་ལོ་རེར་མི་རེར་ཆ་སྙོམས་སྒོར་150མང་དུ་གཏོང་རྒྱུ་དང་། གཅིག་སྡུད་བསྙེན་བསྐུར་དང་གྲོང་ཁྱེར་དུ་ཁ་ཐོར་བསྙེན་བཀུར་བྱེད་པའི་མི་སྣར་ལོ་རེར་མི་རེར་ཆ་སྙོམས་སྒོར་260མང་དུ་གཏོང་རྒྱུ།

35.གཞུང་ལམ་རྣམ་གྲངས་ཀྱི་གཙོ་རྐང་ལས་གྲྭ་12ལེགས་འགྲུབ་ཟིན་པ་བྱེད་རྒྱུ་དང་གྲོང་ཚོ་36ལ་མཁྲེགས་ལམ་ཤར་གཏོང་ཐུབ་པ་བྱ་རྒྱུ།

36.གློག་དྲའི་ཁུག་གསང་མ་ལུས་པར་སྔར་བས་ཡོངས་སུ་ཁེབས་པར་བྱས་ཐོག ཐོན་སྐྱེད་དང་འཚོ་བའི་ཆ་རྐྱེན་རྒྱུན་མཐུད་ནས་ལེགས་སུ་གཏོང་རྒྱུ།

37.མཚོ་རྩིས་སྨི་3500ཡན་གྱི་རྫོང་གནས་སའི་ཤང་དང་གྲོང་རྡལ་ལ་གསོ་རླུང་མཁོ་འདོན་ལས་གྲྭ་ཡག་པོ་གཉེར་རྒྱུ།

38.མཐའ་མཚམས་མི་སེར་ལ་ཁ་གསབ་རོགས་དངུལ་སྤྲོད་པའི་ཚད་གཞི་འགྱུར་ལྡན་ངང་མཐོ་རུ་གཏོང་རྒྱུ།