གནས་སྤོས་མང་ཚོགས་ཀྱི་ཁྲིམས་མཐུན་ཁེ་དབང་སྔར་ལས་ལེགས་པའི་སྒོ་ནས་སྲུང་སྐྱོང་བྱ་ཆེད། ཆུ་ཤུར་རྫོང་ཨུད་དང་རྫོང་སྲིད་གཞུང་གིས་ཡུལ་གཞན་དུ་གནས་སྤོས་དབུལ་སྐྱོར་བཀོད་སྒྲིག་བྱ་ཡུལ་སྡོད་ཁང་གི་གཏན་འཇགས་རྒྱུ་ནོར་གྱི་བདག་དབང་ཐོ་འགོད་དང་ལག་ཁྱེར་སྤྲོད་པའི་ལས་དོན་ལ་སྐུལ་འདེད་ཧུར་ཐག་བཏང་ཞིང་། རྫོང་དེ་ཡོངས་ཀྱི་ས་ཁོངས་ནང་གི་གནས་སྤོས་ས་ཚིགས་གསུམ་གྱི་གནས་སྤོས་མང་ཚོགས་དུད་ཚང་583གྱི་གཏན་འཇགས་རྒྱུ་ནོར་གྱི་བདག་ཁོངས་བརྟག་དཔྱད་དང་ལག་ཁྱེར་སྤྲོད་པའི་ལས་དོན་ལེགས་གྲུབ་ཟིན་ཡོད།
འདི་ནི་ལྷ་ས་གྲོང་ཁྱེར་ཆུ་ཤུར་རྫོང་རྟ་དཀར་གྲོང་རྡལ་གསུམ་ལྡན་གྲོང་ཚོའི་ཡུལ་གཞན་དུ་གནས་སྤོས་དབུལ་སྐྱོར་བཀོད་སྒྲིག་བྱ་ཡུལ་གྱི་མང་ཚོགས་ཚོས་དགའ་ཚོར་ཆེན་པོས་གཏན་འཇགས་རྒྱུ་ནོར་གྱི་བདག་དབང་ལག་ཁྱེར་ལེན་བཞིན་ཡོད་པ།