དམངས་ཕན་མ་དངུལ་དོན་འཁྱོལ་བྱ་རྒྱུ་ནི། རྒྱ་ཆེའི་ཞིང་འབྲོག་པ་མང་ཚོགས་ཀྱི་བདེ་རྩར་ཐུག་པའི་ཁེ་ཕན་དང་འབྲེལ་བ་ཡོད་ལ། ཞིང་འབྲོག་ཁུལ་གྱི་ཞི་མཐུན་བརྟན་ལྷིང་དང་འབྲེལ་བ་ཡོད་པ་ཞིག་རེད། ཉེ་བའི་ལོ་ཤས་རིང་། ནག་ཆུ་གྲོང་ཁྱེར་གྱིས་དམངས་ཕན་མ་དངུལ་ལ་དོ་དམ་ནན་པོ་བྱས་ཏེ། “གཏན་འགོག་བཅུ”མཐའ་གཅིག་ཏུ་བྱས་པ་དང་འབྲེལ། དམངས་ཕན་མ་དངུལ་དོན་འཁྱོལ་བྱས་ཚུལ་ཕྱོགས་ཡོངས་ནས་ཡོངས་བསྒྲགས་བྱས་ཏེ། མང་ཚོགས་ཀྱི་ལྟ་སྐུལ་དང་ལེན་བྱས་པས་ཞིང་འབྲོག་མང་ཚོགས་ཀྱི་བདེ་རྩར་ཐུག་པའི་ཁེ་ཕན་ལ་སྲུང་སྐྱོང་གང་ལེགས་ཐུབ་པ་རེད།
འདི་ནི་ནག་ཆུ་གྲོང་ཁྱེར་སྙན་རོང་རྫོང་སྙན་རོང་གྲོང་རྡལ་གྱི་ལས་བྱེད་པས་མང་ཚོགས་ལ་དམངས་ཕན་མ་དངུལ་དོན་འཁྱོལ་བྱས་ཚུལ་གསལ་བཤད་བྱེད་བཞིན་པ།