འདི་ནི་ལྷོ་ཁ་གྲོང་ཁྱེར་འཕྱོངས་རྒྱས་རྫོང་ཐང་པོ་ཆེ་གྲོང་ཚོའི་དམངས་ཕན་ཞིང་འཕྲུལ་ཆེད་ལས་མཉམ་ལས་ཁང་གི་ལས་དོན་མི་སྣས་ཞིང་འབྲོག་པ་ཏང་ཡོན་ལ་ཞིང་འཕྲུལ་བཀོལ་སྤྱོད་རྩལ་ནུས་སློབ་པའི་གནས་ཚུལ་ཡིན་པ།

ཉེ་བའི་ལོ་ཤས་རིང་། ལྷོ་ཁ་གྲོང་ཁྱེར་འཕྱོངས་རྒྱས་རྫོང་ཐང་པོ་ཆེ་གྲོང་ཚོས་གྲོང་ཚོ་འཕེལ་རྒྱས་དང་མང་ཚོགས་ཕྱུག་པོ་ཡོང་བའི་ཐབས་ལམ་ཡང་དག་འཚོལ་བ་དང་། “ཏང་ཀྲི་པུའུ་དང་། མཉམ་ལས་ཁང་། ཞིང་དུད”བཅས་མཉམ་འབྲེལ་གྱི་རྣམ་པ་ལག་ལེན་བསྟར་བ། གོང་འོག་མཉམ་འགུལ་གྱི་འགན་འཁྲིའི་མ་ལག་འཛུགས་པ་བཅས་བྱས་ནས་མཉམ་སྡེབ་ཀྱི་དཔལ་འབྱོར་འཕེལ་རྒྱས་མྱུར་པོ་འགྲོ་རྒྱུར་སྐུལ་འདེད་བཏང་བ་རེད།

འཕེལ་རྒྱས་ལ་སྣེ་ཁྲིད་བྱས་པ།

ཀྲི་པུའུ་ཉིད་དབུལ་སྒྲོལ་འགག་སྒྲོལ་གྱི་སྲ་ཞིང་བརྟན་པའི་སྲོག་ཤིང་དུ་གྱུར་པ།

ཐང་པོ་ཆེ་གྲོང་ཚོ་ནི་ཞིང་ལས་གཙོ་བོར་བྱེད་པའི་ས་མ་འབྲོག་གི་སྲིད་འཛིན་གྲོང་ཚོ་ཞིག་ཡིན་པ་དང་། གྲོང་ཚོ་ཡོངས་ལ་དུད་ཚང་215དང་མི་850ཡོད་པའི་ཁྲོད་ངལ་ནུས་ལྡན་པའི་མི་493ཡོད།

ཉེ་བའི་ལོ་ཤས་རིང་། ལྷོ་ཁ་གྲོང་ཁྱེར་འཕྱོངས་རྒྱས་རྫོང་ཐང་པོ་ཆེ་གྲོང་ཚོས་གྲོང་ཚོ་སྟོབས་ཆེར་དང་མང་ཚོགས་ཕྱུག་པོ་ཡོང་བ་བྱ་རྒྱུ་དམིགས་ཚད་དུ་བྱས་ཏེ། གྲོང་གསེབ་ཀྱི་ཏང་རྩ་འཛུགས་སྲོག་ཤིང་དུ་བྱེད་པ་དང་། དམངས་ཕན་ཞིང་འཕྲུལ་ཆེད་ལས་མཉམ་ལས་ཁང་སྦྲེལ་ཟམ་དུ་བྱེད་པ། གྲོང་ཚོ་ཡོངས་ཀྱི་ཞིང་དུད་ལྟེ་གནས་སུ་བཅས་བྱས་ནས། “ཏང་ཀྲི་པུའུ་དང་། མཉམ་ལས་ཁང་། ཞིང་དུད”བཅས་གཞི་གཅིག་ཅན་གྱི་འཕེལ་རྒྱས་རྣམ་པ་ལག་ལེན་ཧུར་ཐག་བསྟར་ནས་ཏང་ཀྲི་པུས་མཉམ་ལས་ཁང་ལ་སྣེ་ཁྲིད་བྱེད་པ་དང་། མཉམ་ལས་ཁང་གིས་ཐོན་ལས་འཕེལ་རྒྱས་གཏོང་བ། ཐོན་ལས་ཀྱིས་དབུལ་སྒྲོལ་ལ་སྐུལ་འདེད་གཏོང་བ་བཅས་བྱས་པ་བརྒྱུད། “1+1+1>3”གྱི་རྩེག་སྣོན་ཕན་འབྲས་མངོན་འགྱུར་བྱུང་སྟེ། ཡུལ་དེའི་མང་ཚོཌ་དབུལ་པོ་དབུལ་སྒྲོལ་ཕྱུག་འགྱུར་ཐུབ་རྒྱུར་སྐུལ་ཁྲིད་ཏན་ཏིག་ཐུབ་པ་དང་། ཏང་འཛུགས་སྐྱོང་གིས་དབུལ་སྒྲོལ་ལ་རོགས་རམ་དང་མང་ཚོགས་ཕྱུག་པོ་དང་གྲོང་ཚོ་སྟོབས་ཆེར་བཏང་ནས་འབྱོར་འབྲིང་ཕྱོཌ་སུ་སྐྱོད་པའི་ལམ་བུ་གསར་པ་ཞིག་བཏོད་པ་རེད།

“ཏང་ཀྲི་པུའུ་དང་། མཉམ་ལས་ཁང་། ཞིང་དུད”བཅས་མཉམ་འབྲེལ་གྱི་ཏང་འཛུགས་སྐྱོང་ལ་བརྟེན་ནས་དབུལ་སྐྱོར་ལ་སྐུལ་འདེད་གཏོང་བའི་རྣམ་པའི་འོག་གྲོང་ཚོ་འདིས་གྲོང་ཚོའི་ཏང་ཀྲི་པུས་དབུལ་སྒྲོལ་འགག་སྒྲོལ་ལས་དོན་ཁྲོད་ལྟེ་བའི་སྣེ་ཁྲིད་དང་ཁ་ཕྱོགས་གཏན་འཁེལ་གྱི་ནུས་པ་འདོན་རྒྱུ་མཐའ་འཁྱོངས་བྱེད་པ་དེ་གལ་ཆེའི་ནང་གི་འགངས་ཆེར་བརྩིས་ཤིང་། མིག་སྔར་ཞིང་སྤྱོད་འཕྲུལ་ཆས་བོགས་གཏོང་ཁྲོམ་རའི་རིན་གོང་ནི་མུའུ་རེར་སྒོར་65ཡིན་པ་དང་གྲོང་ཚོ་དེའི་མཉམ་ལས་ཁང་གིས་ཞིང་འཕྲུལ་ཁྲོམ་རའི་རིན་གོང་ལས་སྒོར་10ཡིས་དམའ་བའི་སྒོ་ནས་གྲོང་ཚོ་དེའི་མང་ཚོགས་ལ་བོགས་མར་བཏང་བས་གྲོང་ཚོ་ཡོངས་ཀྱི་མུའུ་4500ཡི་རྨོ་ཞིང་ལ་ཞིང་སྤྱོད་འཕྲུལ་ཆས་གཡར་ཐེངས་རེར་བོགས་དངུལ་སྒོར་ཁྲི་4.5གྲོན་ཆུང་ཐུབ་ཡོད། ལོ་རེར་གྲོང་ཚོའི་མཉམ་སྡེབ་ཀྱི་ཡོང་འབབ་སྒོར་ཁྲི་1མང་དུ་ཕྱིན་ནས་གྲོང་ཚོ་ཡོངས་ཀྱི་མང་ཚོགས་ཀྱིས་སྒྱུར་བཅོས་འཕེལ་རྒྱས་ཀྱི་གྲུབ་འབྲས་དངོས་སུ་མཉམ་སྤྱོད་ཐུབ་པ་རེད།

འཕེལ་རྒྱས་ལ་སྣེ་ཁྲིད་བྱས་པ།

ཏང་ཡོན་དབུལ་སྒྲོལ་འགག་སྒྲོལ་གྱི་ལམ་སྟོན་གདོང་ལེན་པར་གྱུར་པ།

བསམ་ཕྱོགས་ཀྱིས་མདུན་ལམ་ཐག་གཅོད་པ་དང་ཁ་ཕྱོགས་ཀྱིས་རྒྱལ་ཕམ་ཐག་གཅོད་ཐུབ། ཐང་པོ་ཆེ་གྲོང་ཚོའི་ཞིང་འཕྲུལ་ཆེད་ལས་མཉམ་ལས་ཁང་འཕེལ་རྒྱས་སོང་བའི་བརྒྱུད་རིམ་ནང་རིམ་ཁག་རྩ་འཛུགས་ཀྱི་ཐུགས་ཁུར་དང་རོགས་རམ་ཐོབ་པར་བརྟེན། མཉམ་ལས་ཁང་གི་འགན་འཁུར་བ་ལྷ་འབྲུག་ཚེ་རིང་གིས་ཕྱུག་པོ་ཆགས་རྗེས་ཡུལ་མི་ཚོ་མ་བརྗེད་པར་གྲོང་ཚོ་འདི་གའི་མང་ཚོགས་དབུལ་པོ་མཉམ་ལས་ཁང་ནང་བཅུག་པ་དང་ཆབས་ཅིག ཁོང་ཚོར་ཞིང་འཕྲུལ་ཉམས་བཟོའི་རྩལ་ནུས་བསླབས་ནས་མི་སྣ་གསོ་སྐྱོང་བྱས་པ་དང་། ཡུག་གཅིག་ལ་ཤུགས་རྐྱེན་ཐེབས་པ། ཕྱོགས་གཅིག་ལ་སྐུལ་ཁྲིད་ཐུབ་པ་བཅས་ཀྱི་དཔེ་སྟོན་ནུས་པ་ཐོན་ཡོད། མིག་སྔའི་བར་མཉམ་ལས་ཁང་གིས་འདི་ལོ་ས་ཆ་ཚད་གཞི་མཐོ་པོས་རྨོ་ཞིང་ལ་སྒྱུར་བའི་ཚད་ལྡན་ཅན་གྱི་འཛུགས་སྐྲུན་དང་། དེ་བཞིན་དཔྱིད་རྨོད་སོགས་ཀྱི་རྣམ་གྲངས་ཁྲོད་ཡོང་འབབ་སྒོར་ཁྲི་15བཏོད་པའི་ནང་གླ་ཆ་སྒོར་ཁྲི་7ལྷག་ཙམ་སྤྲད་པ་རེད།

འཕེལ་རྒྱས་ལ་སྣེ་ཁྲིད་བྱས་པ།

མཉམ་ལས་ཁང་དབུལ་སྒྲོལ་འགག་སྒྲོལ་གྱི་སྦྲེལ་ཟམ་དུ་གྱུར་པ།

གྲོང་ཚོས་གྲོང་ཚོར་མིག་དཔེ་བལྟ་བ་དང་། དུད་ཚང་གིས་དུད་ཚང་ལ་མིག་དཔེ་བལྟ་བ། མང་ཚོགས་ཀྱིས་ཀྲི་པུའུ་ལ་མིག་དཔེ་བལྟ་བ། “ཏང་ཀྲི་པུའུ། མཉམ་ལས་ཁང་དང་། ཞིང་དུད”བཅས་མཉམ་འབྲེལ་གྱི་རྣམ་པའི་འོག་ཐང་པོ་ཆེ་གྲོང་ཚོའི་ཏང་རྩ་འཛུགས་ཀྱིས་མཉམ་ལས་ཁང་དེ་ཏང་ཡོན་ལས་བྱེད་པས་མང་ཚོགས་ལ་ཞབས་འདེགས་ཞུ་བའི་རྟེན་གཞི་གལ་ཆེན་དུ་བརྩིས་ནས་ཕྱུག་པོ་ཆགས་འདོད་པ་དང་། ཕྱུག་པོ་ཆགས་ཐུབ་པ། ཕྱུག་འགྱུར་གྱི་སྣེ་ཁྲིད་ཐུབ་པ་བཅས་ཀྱི་གྲོང་གསེབ་ཀྱི་ཏང་ཡོན་ཁག་གཅིག་གསོ་སྐྱོང་དང་སྦྱོང་བརྡར་བྱས་ཏེ་ཁོང་ཚོས་རང་འགུལ་ངང་དབུལ་སྒྲོལ་འགག་སྒྲོལ་གྱི་འཐབ་ཕྱོགས་དང་པོར་ནུས་པ་བཏོན་པས་ཏང་ཡོན་གྱིས་མང་ཚོགས་ལ་མིག་དཔེ་སྟོན་པ་དང་། མང་ཚོགས་ཀྱི་སྣེ་ཁྲིད་ནས་ལས་དོན་སྒྲུབ་པ་བཅས་ཀྱི་དགའ་འོས་པའི་རྣམ་པ་ཞིག་ཆགས་ཡོད་པ་རེད།

མིག་སྔའི་བར་ཐང་པོ་ཆེ་གྲོང་ཚོས་ཞིང་འབྲོག་པ་ཏང་ཡོན་དང་། མང་ཚོགས། དུད་ཚང་དབུལ་པོ་བཅས་སྒྲིག་འཛུགས་བྱས་ཏེ་དེ་གར་གཅིག་སྡུད་གསོ་སྦྱོང་ཐེངས་6བྱས་པས་མི་ཐེངས་680ལྷག་ཙམ་ལ་ཕན་པ་ཐོབ་ཡོད། གོ་རིམ་ལྡན་པའི་གསོ་སྦྱོང་བྱས་པ་བརྒྱུད་དཀའ་ངལ་ཡོད་པའི་ཏང་ཡོན་མང་ཚོགས་མང་ཆེ་བས་རང་ཁྱིམ་གྱི་ཞིང་འཕྲུལ་ལ་སྟབས་བདེ་བའི་ཉམས་བཟོ་བྱེད་ཐུབ་པ་དང་དཀའ་ངལ་ཡོད་པའི་ཏང་ཡོན་མང་ཚོགས་ཉུང་ཤས་ཀྱིས་ཉམས་བཟོའི་ལག་རྩལ་ལ་བརྟེན་ནས་ཕྱི་ཕྱོགས་སུ་ལས་ཞུགས་ཐུབ་ཡོད་པ་རེད།