▶　2016ལོར།　བོད་ལྗོངས་ས་མཚམས་ནས་འགྲོ་འོང་ཞིབ་བཤེར་ནད་ཡམས་བརྟག་ཞིབ་ཅུས་དཔྱད་ཞིབ་ཚོགས་ཆུང་གི་ཞིབ་བཤེར་བྱུང་བ།

▶　2017ལོའི་ཟླ་5ཚེས་10ཉིན།　མེ་ཏོག་གི་ཇ་ལོ་སི་ཁྲོན་རྒྱལ་སྤྱིའི་ཇ་ལོའི་དངོས་མང་སྟོན་ཚོགས་ལ་ཞུགས་པར་མེ་ཏོག་གི་ཇ་པ་ཏི་དང་ཇ་ལྗང་ལ་གསེར་གྱི་རྟགས་མ་ཐོབ་པ།　2018ལོའི་ཟླ་5ཚེས་10ཉིན།　མེ་ཏོག་གི་ཇ་ལོ་ཁྲེང་ཏུའུ་རུ་འཚོགས་པའི་སི་ཁྲོན་རྒྱལ་སྤྱིའི་ཇ་ལོའི་དངོས་མང་སྟོན་ཚོགས་སྐབས་བདུན་པར་ཞུགས་པར།　མེ་ཏོག་གི་ཇ་པ་ཏི་དང་ཇ་ལྗང་གཉིས་ལ་གསེར་གྱི་རྟགས་མ་ཐོབ་པ།

2012ལོར།　མེ་ཏོག་རྫོང་ཨུད་དང་རྫོང་སྲིད་གཞུང་གི་འབད་འཐབ་འོག　མེ་ཏོག་རྫོང་གི་ལྷ་གོང་གྲོང་ཚོར་སྔོན་ལ་ཇ་ཤིང་མུའུ་90ཚོད་འདེབས་བྱས་པར་ཕན་འབྲས་ཡག་པོ་ཐོབ་པས་2013ལོ་ནས་བཟུང་མེ་ཏོག་གིས་གཞི་ཁྱོན་ཆེན་པོས་ཇ་ར་འཕེལ་རྒྱས་བཏང་བ་རེད།

2013ལོར།　མེ་ཏོག་རྫོང་ཞིང་འབྲོག་ཅུས་ཀྱིས་སི་ཁྲོན་གཡག་རྔ་མིང་ཧྲན་རྫོང་ཇ་ལོ་ཞིབ་འཇུག་སུའོ་ཡི་སློབ་དཔོན་ཆེ་མོ་ཞུས་ཞའོ་ཧུའེ་མེ་ཏོག་རྫོང་གི་ཇ་ལོ་འདེབས་འཛུགས་ཀྱི་ལག་རྩལ་བློ་འདྲི་བར་གདན་དྲངས་པ་མ་ཟད།　ད་དུང《མེ་ཏོག་རྫོང་གི་ཇ་ལོའི་ཐོན་ལས་འཕེལ་རྒྱས་གཏོང་བའི་སྤྱིའི་འཆར་འགོད》སོགས་འབྲེལ་ཡོད་འཆར་འགོད་དང་དོ་དམ་བྱེད་ཐབས་ཀྱང་བཟོས་ཏེ།　མེ་ཏོག་རྫོང་གི་ཇ་ལོའི་ཐོན་ལས་འཕེལ་རྒྱས་ཀྱི་ལས་དོན་ཁག་ལ་གཞི་འཛིན་ས་ཡོད་པར་བྱས་པ་རེད།

2013ལོ་ཚུན་དུ།　མེ་ཏོག་རྫོང་གིས་ཇ་ལོའི་སྡོང་ཕྲུག་འདེབས་གསོ་དང་སྡོང་ཕྲུག་རྟེན་གཞི་འཛུགས་སྐྲུན་བྱ་རྒྱུ་དེ་དུས་དང་རྣམ་པ་ཀུན་ཏུ་ཇ་ལོའི་ཐོན་ལས་འཛུགས་སྐྲུན་གྱི་ལས་དོན་གལ་ཆེན་ཞིག་ཏུ་བཟུང་ཐོག་ཇ་ལོའི་ལག་རྩལ་གྱི་བློ་འདྲི་བ་ཇ་ལོའི་སྡོང་ཕྲུག་རྟེན་གཞིར་ཐེངས་མང་པོར་གདན་དྲངས་ནས་ས་གནས་ས་ཐོག་ཏུ་མཛུབ་ཁྲིད་བྱས་པ་རེད།　2015ལོར།　རིགས་གཅིག་མཁས་ཅན་གྱི་མཛུབ་ཁྲིད་འོག་ཇ་ལོའི་སྡོང་ཕྲུག་རྟེན་གཞི་དང་པོ་བཙུགས་ཏེ་མེ་ཏོག་རྫོང་གི་ཇ་ལོའི་སྡོང་ཕྲུག་ཐོན་སྐྱེད་ཐད་ཀྱི་སྟོང་ཆ་བསྐངས་བ་རེད།　སྡོང་ཕྲུག་རྟེན་གཞིའི་རྒྱ་ཁྱོན་སྔར་བས་ཆེ་རུ་བཏང་ནས་ཇ་ལོའི་སྡོང་ཕྲུག་ཐད་རང་མཁོ་རང་གསོ་ཐུབ་པར་བྱེད་ཆེད།　2016ལོར་ཇ་ལོའི་སྡོང་ཕྲུག་རྟེན་གཞི་གཉིས་པ་བཙུགས་ཤིང་དེ་ནི་གནད་སྨིན་དབུལ་སྐྱོར་གྱི་ཐོན་ལས་རྣམ་གྲངས་ཤིག་ཡིན་པ་རེད།　སྡོང་ཕྲུག་རྟེན་གཞི་བཙུགས་པ་ལས་མེ་ཏོག་རྫོང་གི་ཇ་ལོ་འདེབས་འཛུགས་རྣམ་གྲངས་ཀྱི་གཏོང་ཆའི་མ་གནས་ཧ་ཅང་དམའ་རུ་ཕྱིན་ནས།　མང་ཚོགས་ལ་ཕན་པ་ཆེ་ཤོས་ཐོབ་རྒྱུའི་ཁག་ཐེག་ཐུབ་ཡོད་པ་རེད།མེ་ཏོག་རྫོང་གི་ཇ་ལོའི་འདེབས་འཛུགས་ལ་ཕན་འབྲས་མངོན་གསལ་དོད་པོ་ཐོབ་པ་སྟེ།　2015ལོ་ནས་2018ལོའི་ཟླ་བདུན་པའི་ཟླ་མཇུག་བར།　ཁྱོན་ཇ་ལོ་རྒྱ་མ་ཁྲི་10.85བཏུས་པ་ལས་རྒྱ་མ་ཁྲི་2.17ལས་སྣོན་བྱས་པས།　ཞིང་འབྲོག་མང་ཚོགས་ལ་འབབ་འཕར་སྒོར་ཁྲི་6000ལྷག་བྱུང་བ་དང་།　ཇ་ལོ་ཁོ་ནས་མང་ཚོགས་ལ་འབབ་འཕར་སྒོར་ཁྲི་436.31བྱུང་ནས།　དུད་ཚང་དབུལ་པོ་109ཡི་མི་517དབུལ་སྒྲོལ་ཐུབ་ཡོད་པ་རེད།

ཚོད་ལྟའི་ཐོན་སྐྱེད་བྱས་པའི་ཇའི་ཐོན་རྫས་ཁག་དང་པོ་ཞིང་ལས་པུའུ་ཇ་ལོ་སྤུས་ཚད་ལྟེ་གནས་ཀྱིས་ཞིབ་བཤེར་བྱས་པ་བརྒྱུད།　ཞིང་སྨན་སྙིགས་རོ་13དང་འདུས་དངོས་6ཚང་མ་སྐྱེ་ལྡན་ཇའི་ཚད་གཞི་དང་མཐུན་ཡོད་པ་དང་།　2016ལོར།　བོད་ལྗོངས་ས་མཚམས་འགྲོ་འོང་ཞིབ་བཤེར་ནད་ཡམས་བརྟག་ཞིབ་ཅུས་དཔྱད་ཞིབ་ཚོགས་ཆུང་གི་ཞིབ་བཤེར་བྱས་ནས།　མེ་ཏོག་རྫོང་འདི་ཉིད་བོད་ཀྱི་ཞིང་ཆེན་རིམ་པའི་ཕྱིར་གཏོང་བཟའ་བཅའ་ཞིང་ལས་ཐོན་རྫས（ཇ་ལོ）ཀྱི་སྤུས་ཚད་བདེ་འཇགས་དཔེ་སྟོན་ཁུལ་དང་པོར་གྱུར་པ་མ་ཟད།　ད་དུང་2016ལོར་སི་ཁྲོན་དང་།　ཧྲང་ཧའེ།　ཧྥུའུ་ཅན་སོགས་ཀྱི་རྒྱལ་སྤྱིའི་ཇ་ལོའི་དངོས་མང་སྟོན་ཚོགས་ལ་ཞུགས་པ་རེད།　ཇ་ལོའི་དངོས་མང་སྟོན་ཚོགས་ཐོག　མེ་ཏོག་གི་ཇ་ལོར་ལས་རིགས་ཁག་གི་མི་སྣའི་གདེང་འཇོག་ཡག་པོ་མགྲིན་གཅིག་ཏུ་ཐོབ་ཡོད།　མེ་ཏོག་གི་ཇ་པ་ཏི་ལ“ཀྲུང་གོའི་ཇ་སྤུས་ལེགས”ཞེས་པའི་དངུལ་གྱི་རྟགས་མ་ཐོབ་པ་དང་།　2017ལོའི་ཟླ་5ཚེས་10ཉིན།　མེ་ཏོག་གི་ཇ་ལོ་སི་ཁྲོན་རྒྱལ་སྤྱིའི་ཇ་ལོའི་དངོས་མང་སྟོན་ཚོགས་ལ་ཞུགས་པར་མེ་ཏོག་གི་ཇ་པ་ཏི་དང་ཇ་ལྗང་ལ་གསེར་གྱི་རྟགས་མ་ཐོབ་པ།　2018ལོའི་ཟླ་5ཚེས་10ཉིན།　མེ་ཏོག་གི་ཇ་ལོ་ཁྲེང་ཏུའུ་རུ་འཚོགས་པའི་སི་ཁྲོན་རྒྱལ་སྤྱིའི་ཇ་ལོའི་དངོས་མང་སྟོན་ཚོགས་སྐབས་བདུན་པར་ཞུགས་པར།　མེ་ཏོག་གི་ཇ་པ་ཏི་དང་ཇ་ལྗང་གཉིས་ལ་གསེར་གྱི་རྟགས་མ་ཐོབ་པ་རེད།

མིག་སྔའི་བར།　མེ་ཏོག་གྲོང་རྡལ་དང་།　བདེ་ཞིང་ཤང་།　འབྲས་སྤུངས་ཤང་།　སྟག་མོ་ཤང་།　སྤང་ཞིང་ཤང་།　དགུ་ཐང་ཤང་བཅས་ཤང་དང་གྲོང་རྡལ་6གིས་ཚད་གཞི་མཐོ་བའི་རི་མཐོའི་སྐྱེ་ལྡན་ཇ་ར་32བཙུགས་པར་སྤྱིའི་རྒྱ་ཁྱོན་མུའུ་8738.36ཟིན་གྱི་ཡོད་པ་རེད།

མེ་ཏོག་གི་ཇ་ལོ་རིམ་བཞིན་མེ་ཏོག་རྫོང་གི་དཔལ་འབྱོར་གྱི་ཀ་རྟེན་ཐོན་ལས་སུ་གྱུར་ནས།　ཞིང་པར་འབབ་འཕར་དང་།　གྲོང་གསེབ་འབྱོར་ཕྱུག　དབུལ་སྒྲོལ་འགག་སྒྲོལ་བཅས་ཀྱི་འདེགས་སྐྱོར་གལ་ཆེན་ཞིག་ཏུ་གྱུར་ཡོད།